الــبارت السـادس والعشــرون
في مكان آخر
وتحديداً الساعه 5بعد العصر في بيت بدر
اميمه كانت تمسح دموعها وهيه تبسر للتحاليل
دخلت بهذا الوقت نرجس اللي بيدها اكل ل اميمه
نرجس طرحت الاكل على جنب ونطقت : بس بكى ي اميمه .. وبعدين على ايش بتبكي
اميمه اعطت نرجس سونار الحمل
نرجس انصدمت : انتي حامل
هزت رأسها ب نعم وهمست بصوت مخنوق : رغم ان اخوش وسيم وراني الويل اليوم الا ان الجاهل اللي في بطني مانزل
نرجس تنهدت بعمق
دخل بهذا الوقت بدر اللي الدم بوجهه وانفه وخدوش برقبته
وقفت نرجس وراحت للصيدليه
بدر جلس بطرف السرير ونطق : ارتاحي الان ولاتفكري بحاجه لوما يجي عمي يبسر حل لكم
اميمه مسحت دموعها : الحل انوه طلقني وبس..
بدر : والجاهل
اميمه : عيجلس عندي
بدر ابسر ل حاله اخته اميمه اللي يدها مكسوره وعليها كدمات بوجهها وايديها وعلامات يده برقبتها وماخفي كان اعظم تنهد بضيق : تمام
دخلت بهذا الوقت نرجس اللي قربت ل بدر تشتي تمسح جروحه
بدر مسح يدها بقوهه ودهفها للارض
نرجس ابسرت ل بدر وبكت وقامت لجناحها
اميمه وقفت : بدر مالك ليش فعلت ب نرجس هكذا !
بدر كتم غيضه : ابسري اخوها مافعل بش ابسري
نطقت اميمه بحده : وانت قلت اخوها مش هيه
اميمه : بدر امانه لاخليت نرجس تخرج من البيت هيه ايش دخلها
بدر تنهد بضيق ولحقها
في جناح بدر& نرجس
كانت تجمع ملابسها همست : معك رصيد اتصل ل وسيم
نطق ببرود وكذب : لا
نرجس عرفت انوه يكذب : خلاص عتتصل ل وسيم من عند اميمه
نطق ببحه رجوليه ومسك يدها : اين عتسيري
نرجس والدموع بعيونها مارفعت نظره له أبداً : بيت ابي
نطق بدر : والله ماتدي خطوه وتدعسي
رفعت عيونها المملؤه بالدموع وكانت تشتي تتكلم
بدر حضنها وتنهد بعمق : والله اننا فعلت هكذا من قهري على اختي اميمه بسس
نرجس نطقت بصوت باكي : طيب وانا مادخلني
بدر بعد منها وابسر لها : امسحيها بوجههي تيه المره .. وبعدين لو انتي سرتي من عيجارح لي اللي بوجهي
ابتسمت ابتسامه فاتنه رغم الدموع اللي بعيونها
بدر ابتسم لها ونطق : والله ان اخوش خبيث
همست ليش ؟
بدر : بين احس وجهي مُورم
تنهدت بحزن : الله يهديه
بدر ببحه رجوليه : وعادش تقولي ان اخوش وسيم يحب اميمه اين الحب وقد كان عيقتلها
نرجس سكتت لانوه مابش معاها رد
جلس بالكنب
بدر ببحه رجوليه : اهم شي اذا جاء اخوش وسيم يشتي يدخل لاتدخليه لعند اميمه
نرجس : تمام .. عتسير ادي الشاش وارجع
ابتسم : تمام
خرجت نرجس من الجناح على وجهه اميمه
اميمه استحت قوي همست : ايش
نرجس ابتسمت
اميمه ابتسمت بهدؤء
نرجس: سيري اُكلي
همست اميمه : انا شابعه بس جي
نرجس دخلت للجناح حق اميمه
اميمه : نزلي الستاير مااقدرش انزلهن يدي بتوجعني
نرجس : من عيوني
نرجس نزلت الستاير
اميمه تمددت بالسرير بوجع : آآه
نرجس شلت الاكل وغلقت الباب
ورجعت ل بدر تبسر جروحه
أنت تقرأ
حطي عينك بعيني وقـولي احبك " روايات يمنية "
Romanceروايه يمنيه صنعانيـه فيها الكثيـــر من الاحداث المُثيره والمشوقه طبعا روايه حطي عينك بعيني وقـولي احبك تتحاكى على اشياء كثيره ومختلفه { الحب العفوي _ الاخوه سوا كانوا إخوه من ام واب او من ام او من اب وعلاقتهم ببعض _ الحب من طرف واحد _ الغيره الا...
