بسم الله الرحمن الرحيم
اول بارت
رواية جواز مستعجل ❤️🏃🏻♀️
______________
اول مشهد فى روايتنا بنشوف بنت بتهرب من بيتها برعب وهى معاها شنطه صغيره لهدومها لغاية ما دخلت عماره وطلعت على السلم جرى طلعت الدور الثالث اول شقه قعدت تخبط عليها
ليان : عم جمال...... يا عم جمال افتح والنبى ...... عم جمال
سمعت صوت الترباس بيفتح وهو بيقول مين اول ما فتح
جمال : ليان ؟!!... مالك يا بنتى فى ايه ؟
عيطت واترمت فى حضنه
جمال : لا إله إلا الله طب ادخلى يا بنتى بس فى ايه خير
اول مادخلت قعدت على الكنبه ومسحت دموعها
ليان : انا ملقتش حد تانى ارحله غيرك انت صاحب بابا الله يرحمه وخيرك كله عليه
جمال : يابنتى قوليلى مالك متقلقنيش عليكى
ليان : شريف وامه عايزين يخلونى. اتجوزه غصب
جمال : ايه الكلام دا ؟!! ازاى يعنى
ليان : مش عارفه مصممين ، اتكلموا معايا فى الموضوع دا امبارح وحاولت اهرب منهم بس رجالته جبونى وفضلت اعمل خطه كدا لغايت ما اجيلك ... هيموتنى يا عمى احمينى منهم
جمال : لا إله إلا الله ....... المشكله أنهم عارفني هيدوروا عليكى فى كل حته .... رجاله مبقاش عندهم لا نخوه ولا تربيه .... طيب يا بنتى ادخلى انتى نامى فى الاوضه اللى جوا وقفلى عليكى والصباح رباح هنشفلها حل باذن الله
قامت ليان وشكرته جدا وفعلا مدقتش النوم بقالها يومين ما صدقت نامت ، غير عم جمال اللى قعد يفكر هيعمل ايه هو مش هيعرف يحميها ودى بنت الغالى صاحب عمره اللى مات ....، فضل سهران لغايت الفجر قام اتوضى وطلع من الشقه وقفل على ليان الباب بالمفتاح وراح يقيم الصلى فى المسجد علشان يأذن زى كل يوم وبعد ما خلص الصلاه وهو فى طريقه فكر فى حل وقعد يدعى ربنا إن الموضوع دا يمشى ....
_______________________________________
فى شركة الجارحى
بعد ما ادم خلص اجتماع الشركه خرج من الغرفه وراح على مكتبه تحت اعجاب جميع الموظفات من هيبته وجماله ، دخل ورا على طول زميله حازم
حازم : انت لازم تشوفلك حل فى الواد هادى دا
ادم: مين هادى دا ؟
حازم : هادى يا ادم هادى مكرم اللى ماسك مساعد رئيس مجلس الاداره فى فرع الشركه بتاعت السويس
ادم: ماله يا حازم أنجز مش هقعد يعنى احفظ فى كل الموظفين اللى عندى دول
حازم : الشركه هتقع بسببه الموظفين بتشتكى منه إن أوراق وعقود معطلها وساعات بيتاخر وبيبقا فى اجتماعات مهمه مش بيحضرها بتخسر الشركه
