بسم الله الرحمن الرحيم❤️
بارت ٣
رواية جواز مستعجل🏃🏻♀️❤️
__________________________
حازم سمع صوت ادم فى الموبايل وهو بينده عليها
حازم : طيب خلاص يا ليان اقفلى علشان ميخدش باله وانا هتصرف
لسه هترد عليه شافت ادم جى ف قفلت
ادم : ايه صحيتى ليه ... وبتعملى ايه فى الطرقه؟!!
ليان : ابدا يا حبيبى انا كنت نازله المطبخ
حس ادم إن هيأتها مش كويسه وفيها حاجه مش مظبوطه
ادم : هقلك اخر مره يا ليان انتى كويسه ؟! فيكى حاجه ؟
ليان : اا لا أنا انا تمام
ادم : طيب
دخل أوضته وهو عارف انها مش كويسه ومسيره هيعرف .... بعد ما ادم دخل الاوضه دبت أيدها على درابزين السلم جامد وهى مدايقه نفسها تقوله بس خايفه عليه ليعمل حاجه فى شريف أو شريف يعمل فى حاجه .... نزلت فعلا المطبخ تشرب ورجعت تانى تنام
___________________
تانى يوم الصبح ....فى بيت حازم وهو بيلبس وفاتح الاسبيكر بيكلم ساره
ساره : الو يا حازم
حازم: انتى نايمه يا حببتى
ساره : اكيد يا حازم النهارده الجمعه والساعه ٨ الصبح فى ايه
حازم : عايزك بعد الصلى كدا تروحى تقعدى مع ليان شويه
ساره : ليه فى ايه ؟
حازم : مفيش بس مكنتش كويسه يوم خطوبتنا انتوا بنات زى بعض اكيد هتحكيلك
ساره : وانت مهتم ليه كدا
حازم : الله .... انتى هتغيرى ولا ايه بقا دى اختى يا ساره
ساره : حبيبى مش قصدى انا بس مستغربه
حازم : روحى شوفيها وانا هبقا افهمك كل حاجه لما ترجعى من عندها وقلك مهتم ليه
ساره : ماشى .... انت رايح فين عصبح كدا
حازم : رايح الشركه
ساره : النهارده اجازه يا حازم
حازم : رايح اخلص ملف مهم جدا كان المفروض اعمله والخطوبه عطلتنى
ساره : ماشى يا حبيبى لما ارجع من عند ليلو هكلمك
حازم : ماشى
وقفل ونزل راح الشغل وهى كملت نوم لغايت ما صحيت ورنت على ليان قالت لها انها جايه اقعد معاكى شويه ....
بعد شويه
تحديدا فى الجنينه
ساره : مالك يا بنتى من ساعة ما جيت وانا اللى عماله ارغى وانتى بتهزى راسك وبس فى ايه
