بسم الله الرحمن الرحيم
بارت ٢
رواية جواز مستعجل❤️🏃🏻♀️
_______________________
عند ادم
بعد ما عم جمال مشى و حازم، ليان كانت واقفه بكسوف مش عارفه المفروض تعمل ايه
رجع ادم ليها
ليان : ممكن اعرف هنام فين ؟
ادم : فى الجناح بتاعى فوق
ليان : ...!! وحضرتك؟
ادم مشى وبيتكلم معاها وهو طالع على السلم وهى ورا
ادم : فى جناحى بردو
ليان : ازاى مش عم جمال مرتب معاك كل حاجه
ادم : انتى خلاص بقيتى مراتى مينفعش تباتى فى اوضة الضيوف واكيد مش هنيمك مع الخدم ..... اتفضلى
وفتح لها الباب .... دخلت الاوضه رجوليه بحته مفيش اى تاتش أنثوى خالص
ادم : انا هطلع اعمل كام تليفون وهبعتلك داده صفيه بلبس
ليان : انا معايا هدومى
ادم : بعد اذنك اسمعى كلامى
_______________________________________
وطلع وهى بطولها فى اوضه طويله عريضه اقعدت على طرف السرير بحيره وبتفكر هل دخلت نفسها فى حياه مش قدها ولا ممكن الدنيا تبدأ تضحك ليها ، فى وقت تفكرها كان ادم واقف ادام داده صفيه فى المطبخ
ادم : اعمللها عشا واطلعى ادلها اللبس اللى قلتلك عليه الصبح و عرفيها طبعى يا داده لو سمحتى
داده : حاضر يا بنى ربنا يجعلها الخير والسعد عليك باذن الله
طلعت داده صفيه عند ليان ... وادم طلع برا الجنينه
يكلم حازم
_______________________________________
فى الاوضه فوق
صفيه : انا عارفه انه مش بأيدك ... بس ادم دا اطيب خلق الله ... بس هو مش بيحب الحال المايل وقلة سمعان الكلام وبيحب طبعا إن محدش يجادله يعنى يقول يمين يبقا يمين يا بنتى .... ادم منظم جدا وغيور لدرجه كبيره ، مع الوقت هتتعودى عليه يا ليان يا بنتى متقلقيش وانا معاكى فى كل الاوقات اندهى بس عليا لو حتى عايزاه اى حاجه صغيره هكون عندك
ليان : متشكره اوى يا داده كتر الف خيرك ... اا ممكن اسال سؤال
صفيه :طبعا عايزاه تقولى ايه ؟
ليان : فين أبوه وأمه ومفيش عيله ليه ؟
صفقه : ادم وحيد معندوش اخوات و عز الدين بيه و شيرين هانم بردو معندهمش اخوات ف مفيش عيله بعد موتهم بس يا بنتى
_______________________________________
حازم : ايه يا عريس مش عيب تكلمنى فى وقت زى دا
ادم : متهزرش يا حازم انا بكلمك من الجنينه اصلا
حازم : كمان لا بجد عيب يا دوما
ادم : اقفل يا حازم اقفل بجد
