صح سحبت وكل شي سواء تكاسل او دراسه او اي شغل شاغل بس هذا اني رجعت 🌚
الزبده في كم موضوع كان بخاطري اكتبه سواء يخص التولباس او لا بس انه يمكن يساعدكم بباقي مواضيع حياتكم.. واللي عنده ملاحظه او إضافات يعطي رأيه يمكن انا غلطت بنقطه او حاجه
ف ندخل في المهم.. في روايه قريتها من كم شهر ودخلت بقائمة احلى الروايات اللي دخلت قلبي
وبطلتها هي "غفران "
الكاتب حرفيا يلعب لعب بالمشاعر لكن كل شي يشفع له
المهم ذي البنت سوت خطأ كبير بحياتها و حياة غيرها ودمرت آمال ناس كثيرين ومستقبلهم حرفيا
وذا الشي كان مخليني اكرهها بشكل لدرجة مابغيت اكمل الروايه بس بعدين فهِمَت غلطها ودرت انها كانت غلطانه
الشعب اللي دمرته صار يكرهها بشكل مو طبيعي
بس وش اللي رجعني اكملها؟
الخصها بجمله وحده :
" اذا سويت شي غلط بحياتك او اذيت شخص صلح غلطك واعتذر، واذا ماقدرت تصلحه عوضه بشي أجمل"
البنت قامت ساعدتهم وبَنَت املهم اللي دمرته ورجعته للحياه وماكتفت بذا، حققت حلمهم ورجعت مجدهم من اول وجديد .
الصراحة ما ابي اكتب اسم الرواية لوجود بعض الحاجات اللي ممكن تكون مو كويسة
المهم الشعب اللي ساندته يعتبرونه من أرذل القوم ومرههه مكروه لسبب وُلِدوا فيه .
المهم ... لذلك لا تقعد تتندم على اللي سويته اهجد و روح سوي اي شي، اللي جاب درجه مو كويسه لا تصير كئيب طول اليوم، روح سوي شي لسه في فرصه!
اللي مخلص دراسته له طرق ثانيه مو لازم يظل مكتئب ويقول ليت الزمن يرجع، قلبك لسه ينبض؟ مازلت تتنفس؟
خلاص انت لسه حي قوم سوي شي وزي مثل عندنا نقوله
اللي فيه عينين وراس يعمل عمايل الناس
صح ولا لا؟
لا تفقدوا الأمل بشي واتوكلوا على الله، كل واحد له قدراته الخاصه اذا مافلح بشي يقدر يفلح بشي اخر
وكذلك اللي يغلط بحق الناس ، سواء ظلمهم ، تنمر عليهم ، أخذ فلوسهم وحلالهم ، ايًا كان اللي سوّاه .
بادر من الحين وسوِّي اللي عليك وإن شاء اللّٰه ربي بييسرها .
