දේදුනු හාදු [TK] On Hold

[විසි හත්වෙනි කොටස]

අද අපි ගමේ ඇවිල්ලා ගෙවෙන තුන්වෙනි දවස.. අලුත් අවුරුද්දට තව දවස් හතරක් වගේනේ තියෙන්නෙ.. ඉතින් දැන් ඉඳන්ම මුළු ගමම ඒකට ලෑස්ති වෙනවා.. කැවිලි පෙවිලි එහෙම හදනවා, ගෙවල් අලුත් කරනවා, අලුත් ඇඳුම් ගන්න යනවා.. වැඩ බොහෝමයි.. කොච්චර වැඩ තිබුනත් අපි කට්ටියම අද මේ උදේම ලෑස්ති වෙන්නෙ පහළ තියෙන දොළට යන්න..

කට්ටියම ඉතින් උදේම දැනගත්තනෙ මම ආදිත්‍ය අයියට ආදරේ ප්‍රකාස කරාපු බව.. හුම් හුම් අපෙ අයියා පොඩි සැල් එහෙකුත් දැම්මා ආදිත්‍ය මලයට.. මට හරි සතුටුයි ඒයිලා ම්හ්ක්.. දැන් තියෙන්නෙ ගෙවල් දොරවල් වලින් අවසර ගන්න එක විතරයි නේත.. අපෙ අම්මා හරි අප්පච්චි ගැන මට කිසිම අදහසක් නෑ.. නිරෝශා නැන්දයි මාමයි ගැන මම කොහොමත් දන්නෙ නෑ.. එන විදිහකට මූණ දෙනවා ඉතින් එච්චරයි..

අපෙ අයියා ගෙදර ඉදන්ම එන්නම් කිව්ව නිසා මම මෙහෙ ඉන්න හරක් පැටව් ටික දක්කගෙන යන්න මේ දත කන්නෙ.. ඇයි වදේ දැන් උදේ 10ටත් කිට්ටුයි යමු කියලා කිව්වෙ උදේ 9ට පැයක්ම පරක්කුයි.. මම විතරයි ලෑස්ති වෙලා ඉවර.. ආදි අයියයි විහස්න අයියයි තාම අඳිනවා මිහිනු, දිලුම් දෙන්නා මූණ හෝදනවා..

කොහොමින් කොහොමහරි 10.30 වෙද්දි නළුවො හතර දෙනෙක් වගේ හතරදෙනා එළියට බැස්සා..

" දැන්වත් එනවද යන්න.. මං බලන් ඉන්නෙ 8.30 ඉඳන් රෙද්ද.. ශේනු, දිලුම් තෞසෙලා දෙන්නා තමයි පුපට එළිය වැටෙනකම් නිදාගත්තෙ.. "

" අප්පෝ ආදියා උබත් ඉඳලා ඉඳලා හොයාගෙන තියෙන්නෙ කොච්චි පැළයක්නෙ බං.. "

" කොච්චි උනත් මොකද බං මගෙ ළග සයිලන්ට් නම්.. මිහිනු බබා කෑ ගහන්නෙ නැතුව ඉස්සර වෙන්නකො.. "

" හුහ් ඔහෙත් යනවා යන්න.. ඔක්කොම එකයි.. "

" අපිට පේනවා සයිලන්ට් එක.. හා හා ඔහොම යමන්කො.. "

" විහා කන පලාගන්නෙ නැතුව වරෙන් යන්න.. "

අනේ පෞ අප්පා මගෙ මනුස්සයා.. මං ඉතින් තව මුකුත් නොකියා ඉස්සර වෙලා ගෙයින් එළියට බැස්සා.. ටික වෙලාවක් මං ඉස්සරහින් පාරෙ ඇවිදගෙන යද්දි ආදිත්‍ය අයියා මගෙ අත එයාගෙ අතක් එක්ක පටළව ගත්තෙ පිටිපස්සෙන් එන නයි ටික සූස් සූස් ගගා උඩට අදිද්දි..