﷽
ــــــــــــــــــــــــــــــــــــــــــــــــ الضل ألاسوנ
۩زهـࢪاء خانم۩
بقلمي روايتي «الظـل ألاسود»
~ نار گلب مشتعله اشلون اطفيه~
«سحر»
كعدت الصبح مثل كل مره رحت اغسلت واني اغسل اباوع على وجهي وكله اثار وضرب وكل مااشوف حالتي روحي تطلع صفنت على روحي بل مراية واحجي وي نفسي مثل خبله وماحس ايد امي على كفتي ودموع بعيونها .
-يابنتي سمي برحمانج يجي يوم راح تخلصين من عذاب عمج
يايمه مابيدي حل لا اني ولا ابوج مسكين كاعد على هذا كرسي متحرك يمه خليج قويه
وراح يجي يوم ينوخذ حقج من هذا ضالم .
سحر: يايمه بس كليلي اني هذه هواء اذا اتنفسه لازم اتحاسب اعليّ تعبتت لج يوممم تعبتتت حيل مابقى بيه لاعندي اخ يسند اخيته ولا اب يوكف بظهري .
مسحت دموعي وحضنتني وطبطبت على ظهري
- روحي كعدي اخيتج خلي تريك يلله بنتي حلوه .
رحت كعدت اختي اصغر مني "سيرين "
-يلله اكعدي اليوم اول يوم الج بلكليه يلا كوميي كافي نوم ماشبعتي .
بعد عنا طويل واني احاول اكعد بيها وهيه نايمه على وجها اذا حايط يحس هيه ماتحس .
سحر: اذا ماكعدتي راح اسبحج ماي بارد .
طلعت واني اسمعها دردم لان هددتها ماي بارد رحت اساعد امي اذا تحتاج شي وشفت ابوي كاعد على كرسي متحرك رحت يمه كعدت واني كلبي متكطع اعلييَّ تقربت خليت راسي بحضنه.
سحر: يابه شكد تكسرني من اشوفك هيج حالتك واني مابيدي حل اتمنيت لو بس تحرك ايدك
وتمسح دموعي رفعت راسي واشوفه يبجي ومنزل راسه
مسحت دموعه وبسته من راسه هو لايكدر يحجي ولايحرك
جسمه عاجز عن كلشي واما اسمع غير صوت امي .
-سحر جيبي ابوج تعالي ريوك جاهز .
سحر: اي امي جاينن
دخلت وابوي جوه واختي خابصه دنيا لان اول يوم الها بلجامعه .
سيرين: واو مامي شنو هل ريوك يفتح نفس .
-بل عافيه بنتي اكلي وروحي للدوامج وانتبهي على نفسج حبيبتي وانتي سحر سويتلج فطائر بلجبن .
سيرين: واني محد يذكرني شبيه مو بتكم منين جابيني .
سحر: من باله
سيرين: سمعين بتج يمه سمعين .
-لج سويتلج مخلمه شبيه انساج غير تفضحيني
سيرين: اويلي يابه شكد احبج
- اني لو مخلمه
سيرين: ثنينكم .
أنت تقرأ
الظل اسود
Romance» ﷽ « بدايه قصه سوف نقرها الهذا اليوم هل يمكن ان يتحول الكره الى حب وهوس؟ وهل برائه تتحول على وحش؟ وهل ينساه الماضي وتبدي حكايه جديدة لكن الخداع والوهم والحزن وانفصال وضلام احلام متحطمه كل هذا تجدها في هذا حياة ان بعض الناس لاتهم البع...
