رواية أنتِ_ مرادي
chapter 3
____________
" في فِقه الحُبَّ نظرة العين إن صدقت ؛ أخرست اللسان💓"..
("عبد العزيز يوسف")
______________
" أنتَ لو تسألني ماذا ينقصك ؟
سأقول إقرأ أول كلمة💜".
_______________
في شركة مراد الألفي ..
كان مراد قاعد في مكتبه بيتابع بعض الاعمال بس وقفه حد بيخبط على الباب فسمحله ودخل ..
عمر: مساؤوز يا عمنا.
مراد: مساؤوز !! ،جبتها منين دي؟
عمر: دي ليلى كل لما اجي اتكلم معاها تقولي مساؤوز صباحووز، دي حتى بتقولي مساؤوز يا دوك بجد دي فظيعه.
مراد ابتسم ابتسامه خفيفه على بجنونها وبعدين اختفت بسرعه لما لمحها عمر.
عمر بخبث: اشمعنى كنت بتضحك يعني.
مراد: لا عادي يعني بلاش اضحك.
عمر: لا خلاص يارب دايما، المهم كنت عايزك في حاجه ضرووري.
مراد: خيير.
عمر: جومانا جاتلي هنا من يومين.
مراد ملامحه اتغيرت 180 درجه وبعدين قال ..
مراد: جومانا !!!
عمر: ايوه جومانا.
مراد بعصبيه: وجت امتى الزفته دي وبعدين هي مش كانت مسافره !!؟
عمر: مش عارفه هي فجأه كده لقيتها في وشي من يومين وإنت مش هنااا.
Flash back
كان قاعد في مكتب مراد بيتابع بعض الاعمال بس قاطعه دخول حد المكتب من غير ما يستأذن ..
جومانا: مو حبيبي وحشــ... اي دا انت هنا.
عمر ببرود: امال هناك عايزه اي؟
جومانا: عايزه مو حبيبي.
عمر بإستنكار: حبيبك !! ، دا إنتي فعلا معندكيش دم.
فضلت تتمشى ببرود ومياعه لحد ما وصلت للمكتب وقعدت على الكرسي وهي حاطه رجل على رجل.
