حانَ مَوعدُ القَتل «قيد الكتابة والتعديل»

الرواية هتتمسح

السلام عليكم

قبل أي خناق معايا أنا بعتذر قبل ما اتكلم

نبدأ بالمهم  :

متنسوش اخواتنا فغزة ربنا يربط على قلوبهم أقل شيء نعمله هو الدعاء والمقاطعة عن أي شيء يدعم عدوهم، واللهِ إن القلب بيبكي دم عليهم وأي حد مش شايف إن المقاطعة مش حل ومش قادر يتحكم فشهوة الأكل ياريت يراجع دينه وإيمانه من الأول قال صلِّ الله عليه وسلم {مثل المؤمنين في توادهم وتعاطفهم وتراحمهم كمثل الجسد الواحد إذا اشتكى منه عضو تداعى له سائر الجسد بالسهر والحمى} يعني حس بخواتك يامؤمن

اللي مش مهم بقى  :

فضفضة بعنوان أوعى تتسرع وتغلط غلطتي 🤎

نصيحة لأي حد بدأ يكتب جديد، مش حرام ولا غلط إنك تغلط، الغلط مش فشل طول ما هو سبب فإنك تطور من نفسك، كل ما تلاقي نفسك اكتسبت خبرة عدّل لحد ما تكون راضي عن نفسك عشان متجيش تعيط إن حد انتقدك واتريق عليك، اللهم لك الحمد الرواية دي كانت سبب فإني اتطور كتير واشتغل على نفسي وابحث فأكتر من مجال، اقرب مثال واللي فادني جدًّا هو الصورة الخاطئة اللي وصلَّها لينا التلفزيون والأفلام عن إن الانفصام فالشخصية أو الشيزوفرينيا ده مرض نفسي بيكون الواحد عنده شخصيتين ومن غبائي قبل ما أقرأ كتبت إن مالك عنده انفصام

بس بعدين قرأت وفهمت إن ده غلط وإن الشيزوفرينيا عبارة عن وهم وتهيؤات وتقلب مزاج وأصوات مش حقيقية بتتردد فالودن والعقل وممكن تشوف أشخاص مش موجودة من الأساس وحاجات فعلًا موجودة عند مالك، لكن ده مرض فعلًا عنده بس مش هو سبب الشخصيتين وإنما فهمت مرضه الأساسي بعدين، وهو اضطراب الهوية الانشقاقي والحمدلله كتبت مشهد لجنات وهي بتشرح المرض ده، يعني من الآخر استفادت وبقيت فاهمة إن الأنفصام فالشخصية حاجة واضطراب الهوية الانشقاقي حاجة تانية خالص، ده غير مجالات الجيش اللي اتثقفت فيها وعرفت إني فالجزء الأول كتبت حاجات غلط ناوية اعدل عليها، يعني قبل ما تكتب أوعى تغلط غلطتي واتثقف كويس عن الشيء اللي هتكتب عنه واتثقف كويس فالكتابة عشان متتريقش على نفسك بعدين لما تلاقي نفسك مكنتش بتفرق بين التاء المربوطة وهاء مربوطة ولا بتفرق بين الافعال اللي بتاخد ألف قطع وألف وصل! متكتبش غير لما تحس نفسك جاهز أوعى ثم أوعى تتسرع وتغلط غلطتي

ندخل فموضوع مسحي للرواية  :

راعوا إن ده العمل الأول والأخير ليا فمجال الكتابة وحابة أخليه كويس على قد ما أقدر وأكون راضية عن نفسي وعن اللي كتبته، عارفة إني كنت متفقة معاكم إني هكمل الجزء التالت بعد إمتحاناتي؛ ولكن أنا مش حابة أبدًا بعد ما أكمله أرجع اعدَّله من الأول، لإن أثناء التعديل بيتم مسح الكومنتات وبكده الرواية هتقع خالص وأنا أكيد مش حابة تعبي يروح؛ فبالتالي هكمل الجزء التالت بعد ما اعدِّل الرواية