البـــــــــارت التاســــع
مرحبا حبايبي شلونكم ❤❤
#ذنوب على قيد الغفران
#للكاتبه براء
الرجال يعتقدون إن الانثى
تحب الغنى !
وتعجب بالوسيم والجميل !
بينما الانثى تحب وتعجب بمن يكون لها ؟
اباً ، واماً ، واخاً ، وصديقاً ، وحبيباً ، وسنداً
تحب من يحترم عقلها ويقدر كيانها
تحب من يهتم بأبسط تفاصيلها
تعجب بمن يراها شيئاً مقدس
واخيرا تعشق من يحبها بصدق .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غنى : لحكته للمكتب اول مادخت ماحسيت روحي غير نجريت .... هااايييييي شبيييك
جعفر : بعصبيه منو هذا الي نزلتي من سيارته
غنى : دفعت ايده ... شبيك استاذ شهالاسلوب و عليمن هالصياح
جعفر : غنى جاوبيني منو هذا لتشلعين كلبي لخاطر دينج
غنى : تره ماله داعي هالاسلوب تكدر تسألني بهدوء واني اجاوبك تصرفك هذا مامقبول وبالنسبه للي وصلني فهذا جوارينه وما اجيت وياا وحدي اخته ويانه
جعفر : وليش تصعدين وياا ... اذا ناسيه اذكرج اني سنين اتوسل بيج حتى تصعدين وياي وترفضين بحجه تستحين مني شو هذا الي وصلج ما استحيتي منه شنو مو رجال حتى هيج ماخذه راحتج وياا
غنى : شنو ماخذه راحتي وياا شنو شفتني بوضع غير اخلاقي حتى تحجي هيج وبعدين انت شنو تحاسبني اصلاً ما الك اي حق تكلي ليش ووين اني جبيره وواعيه واعرف شلون اتصرف ومستحيل اسوي شي غلط لا ويه هذا ولا ويه غيره
جعفر : يعني تردين تقنعيني انو انتي ماعندج شي ويه هذا الي وصلج
غنى : وانت منو واني احاول اقنعك اسعمني زين استاذ وافتح اذانك عدل ... اني من جنت مراهقه مسويت شي غلط يجيب الحجايه لبيبيتي وهي عدله تريدني هسه من صرت جبيره اسوي غلط واجيب الحجايه لبيبيتي وهي ميته شنو انت ناسي اني منو ... اني غنى استاذ عمري ماسويت ولا حسوي شي يجيبلي الحجايه
جعفر : غنى انتي فهمتيني غلط اني ماجان هذا قصدي .... بس من حبي وغيرتي عليج تكون هيج ردة فعلي شايفه شصار بيه من شفتج نازله من سيارته
غنى : على اي اساس تغار عليه هو شنو الي بيني وبينك استاذ وبعدين انت كلتها شفتي نازله من سياره مو بوضع موزين فعليش هالهوسه
جعفر : تقربت منها احنه بينه كلشي غنى ... اني احبج واريدج واغار عليج حتى من نرجس ومن شفتج نازله من سيارة واحد غريب ترديني ما انقهر واعصب هذا شي مو بأيدي مديت ايدي اريد الزم ايدها
غنى : جريت ايدي ...استاذ رجاءاً اني احترمك واعتبرك مثل اخويه بس مع هذا ميحقلك تحاجيني بهالطريقه اني موبت شارع ولا ممتربايه وتجي انت تعلمني شلون اتصرف ... رجاءاً خلي يكون بيناتنه احترامات انت استاذي ومثل اخويه واني طالبه عندك لا اكثر ياريت متفكر انو ممكن نكون غير شي ... عفته وطلعت شفت البنات واكفات كبالي ماحجيت اي شي غير .... يله بنات امشنه راح تبدي المحاضرات
