احـٰـــببــت قــٰـفصـــي
( حب التملك)
( بقلم شهلاء عماد)
و رسايّل مِنك لحَد
هَسه أداريّهن
مِثل نومة طفِل بالليّل
أهز بيّهن واگلبهِن
و أشوف ايامَك الحِلوات
مُو حلوات بَس
مجبور أَسميّهن .⠀
الـ علي طالب.«
مريم: ارجع للبيت واني تفكيري حاير
افكر محمد شنو يدور بعقلة
وليش الهل درجة مهتم الريماس وشنو غايتة
هو يدري رونق تحبة معقولة هو ميحبها؟
ياا الله اني عقلي يتعب من التفكير
اروح اريح راسي احسن اشربلي ستكان چاي ونام
ريماس: مامه وينج دورت الغرف ماكو دورت البيت وين راحت امي دكيت باب الحمام مامه موجوده جوه ليش متردين فتحت الباب والگه امي جوه والحمام مليان ريحه نفط ضليت اصيح مامه ششبيج ششتسوين هيه بغير عالم جنها حتى صوتي متسمعه بيدها عود الشخاط وتريد تعلگه سحبتها من اديها جانت سابحه بلنفط مختنگه بس طلعتها غابت عن الوعي وضليت ابجي ماعرف شسوي ركضت للشارع وضليت اصيح محمد الحگلي بدون وعي وليش صحتله ماعرف
محمد: گاعد يم الولد واجاني طفل يركض عمو محمد اكو بنيه تصيح بلشارع وتبجي محمد الحگلي اني حسيت ماعرف اجاني شعور هاي ريماس كمت اركض الولد اجو وياي كلتلهم رجعو اني اروح رحت اركض لكيت بيبانهم مفتوحه صحت ريماس وينج
ريماس: محمد امي الحگلي امي راح تموت امي الحگلها شسوي
محمد: لتخافين ريماس گومي اني اشوفها لتخافين شفتها مختنگه من ريحه النفط خابرت ع الاسعاف هسه تجي ريماس جيبي مي اغسل وجها غسلتلها ع مود تگدر تتنفس شوي
مريم: اسمع صوت اسعاف طلعت اشوف لكيتها رايحه البيت ام ريماس لبست عبايتي وطلعت اركض لگيت محمد وريماس طالعين من البيت وريماس تبجي
ريماس: محمد الاسعاف وصلت امي يلا محمد
طلعت للاسعاف اني ومحمد نزلو ياخذون امي
اجت ام محمد تركض
مريم: ريماس شبيج شكو امج شبيها شصاير
محمد حاجيني شبيكم حضنت ريماس وهيه تبجي
محمد: يلا ريماس ترحين ويانه للمستشفى
يمه ام ريماس رادت تحرگ نفسها انتضرينه
نروح للمستشفى صعدت ريماس وهيه تبجي
ريماس: صعدت واني ابجي ع امي وخايفه عليها
محمد امي مراح تموت وتعوفني اني ماريد ابقى وحدي امي متعوفني
محمد: مراح تبقين وحدج اني يمج وامج مراح تعوفج وهسه تصير زينه الاسعاف وگفت ونزلنه
ريماس: اخذو امي للطوارى بس مدخلوني محمد وعدني متعوفني وحدي
محمد: هيه مليانه خوف واني الوحيد المحتويها
وعد مني الج ما اعوفج وحدج
شعر بقلمي:
أوعدڪ تلگاني يمك وحتويك
يوم غيرك چان حلمه أوعده
ماريدك تروح عني بس أرييد
تقرالي أول سطر ووعدي تحفضه.
