زوجوني منغولي !!
اجت الزفة صاحوا .. امي كالت غطي وجهج مانريد احد يشوف خلقتج خاف يبطلون ..
اختي الكبيرة رشا تهلهل وتكول للبنات ها خوتي ها
#عوبة_وعرست_يا_حظ_المفحمات
#عوبة_وعرّستْ_يا_حظ_المفحمات
و هم يردون وراها ..
تخيلوا احساس بنت اهلها بليلة عرسها هيج يقلدون عليها ..
و بسيارة الزفة كاعد بصفي هو لسانه مايضمه ابد وشايل بيده خردة 25 ألف كل شوي يطلعها من جيبه يباوعلها ويرجعها انوب يطلعها ويباوعلي مثل الي يكلي عندي فلوس ويرجعها لجيبه استغفر الله مو تنمر بس اني اخاف منهم مدري ليش عندي فوبيا أخاف يضربني او يخنگني ..
هذا رجلي راح يصير منغولي !
اكظي حياتي كلها بهيج زوج
واني جنت احلم اخذ انسان بي مواصفات تخدمني ..
امه كاعدة من كدام وتصفك كل حيلها وتكله ..
ـ #حودي حبيبي مثلما علمتك مو ؟
هو مو يمها بس يهز براسه ومنتبه عال25 الف اكثر من الزفة كلها ..
جان امه تباوع عالسايق الظاهر كرابتهم تكله والله يا #فرقد هي صح مو حلوة بس توفي بالغرض خصوصا حودي تعرف حالته ميحتاج اوضح .. هو يكلها نعم صحيح فاهمج
بية خوف على غليان على تفكير عايشة بخبصة مشاعر و انعاد عليه شريط حياتي ودعيت الف مرة لو مو مولودة احسن بهواي من العيشة الي عايشتها ..
تذكرت امي وهي تصيحلي #سمرة تتنمر عليه وعلى شكلي كبرت وهسة بسيارة الزفة وماسمعت ولا مرة صاحتني #سهام بإسمي
اني صحيح جنت سمرة كلش عكس رشا ومنى اخواتي هن صلاوات ع محمد شگر وعيونهن ملونات يخبلن بس حظي اني مصخم الحمد لله ع كل حال ..
تخيلوا تقسيم الشغل مال البيت امي مقسمته يوم الي ويوم لمنى او رشا تخيلوا الظلم مالتها حتى بتقسيم الشغل وجنت اتحملها رغم ابوي جان ميقبل هيج تعامل بس جان يشتغل مايجي لليل ومن يجي ابوي ميقبل احد يحجي عليه
جان هو الوحيد وعمو #رباح يصيحوني سهام بإسمي وما احجيلكم ع عمو #رباح شلون يعاملني بحنية مو طبيعية ..
#إيناس من اول يوم طبت البيت وهي تكول لأمي بنتج هاي تبور تلاحكيها كبل ماتكبر ومحد يگلبها لو الله يهداج تزوجيها لحودي اخوي نستر عليهم اثنينهم لان اثنينهم محد يكلبهم وامي تعرفين ماعدها ولد بس هذا وهيج حالته وخطية تريد تفرح ..
امي : اي والله غدي مفحمة تفحم لا خلقة ولا اخلاق تدرين هاي كلها (تأشر عليه بصبعها فوك وجوة ) من ورى #بيضات دجاجة الله بلاني بيها ..
الي يقهرني الف مرة كالت هالجملة كدامي وماعرفت شتقصد بيها ومن اكلها شنو معنى سالفتج تكلي معليج عود تدرين لتستعجلين ...
عاد اني ما صبرت كلت الها
ـ زين اني بنتج ترا ليش هيج تعامليني ؟
ـ انجبي ليش لترفعين صوتج عليه ..
هاي نبذة بسيطة قبل الزفة ..
نرجع للزفة ..
وصلنا بيتهم واحنه بسيارة الزفة والعالم تتمركص ونزلت من السيارة غير يجي هذا حودي افندي يمشي وياي شو هذا نزل من السيارة وطلع كدامي ويصيح
.. وين طيوري ؟ حماماتي طارن !
بس لسانه ثكيل كوة افتهم عليه ..
كم زلمة لابسين دشداشة كالوله موجودات موجودات ارجع اوكف ويا عروستك فشلة منا العالم ..
اني صرت الوان من المغثة والقهر شجابني هنا ليش ما انهزمت ليش قبلت وين عقلي معقولة الي يصير ..
ليش هيج جبانة اني ..
كوشة صغيرة كعدنا بيها شوي و كام هو ويرجعون بي يصيح بأمه عندي 25 الف ترا ..
ركصوا كدامنه وصوروا ..
وحدة يمي تريد تصور ويانه والثانية تكلها ايع شنو شايفة بيهم انثنهن اكسباير مو عرسان ..
الثانية تمر من يمي واني كاعدة تتعمد تدوس عالفستان ...
كالت امه ترا تعبانيين العرسان طببوهم لغرفتهم وتضرب ع كتف حودي وتكله مثلما كتلك انطيك 25 الف بعد اذا طبقت الي كتلك عليه ..
قبل مادخلنا الغرفة فكرت تفكير شيطاني كلت لو بالهدف لو بالنجف الفكرة هاي .. يتبع
صوت ع البارت لطفا
من قصة #سمرة للكاتب #وسام_الفراجي
🐢🌻
