لم تكن حبيبتي

1

شمس ببكاء : ازاي عايزيني اقبل اتجوز واحد كان عايز صاحبتي الوحيدة و بنت عمي
سهيل : يا بت انتي هبلة ولا ايه الولد ده اتقدم ليكي انتي مش هيا يعني هو عايزك انتي
شمس بدموع : بابا ارجوك ارفضه انا مش عايزاه
سهيل بغضب : طول عمرك بت فقرية طالعة لامك العريس ده هيمليكي فلوس و يأمن مستقبلك لولد ولدك
شمس : يا بابا تتحرق الفلوس مش عايزاها
سهيل ببرود : اخر كلام عندي هتتجوزيه يعني هتتجوزيه و بكرا كتب الكتاب اجهزي

خرج من الاوضة و هي فضلت تبص لاثره بدموع
شمس بعياط : و بعدين بقا اعمل ايه يا رب مالك مش عايزني و هدى بتحبه اعمل ايه يا رب اكيد هتفتكرني خنتها اااه فينك يماما تيجي تشوفي الي انا فيه
و نامت وهي بتعيط

في اليوم التالي
ليلى ( اختها الكبيرة ) : يا بت يا فقرية ليه ما تتجوزيه و تأمني مستقبلك و مستقبل اولادك بدل الفقر الي احنا فيه ده
شمس : انتي كمان هتقولي كدة يا ليلى بقولك هدى بتحبه يعني مقدرش اجرحها حرام عليكو بقا
ليلى : ما تكونيش غبية يا شمس .. ومالك ومال هدى فكري بمصلحتك ما تعمليش زيي اتجوزت واحد كحيان مش لاقي ياكل و اهو بقا عندي عيال و بقيت اتشحطط عشان ااكلهم
دلف سهيل
سهيل : انتي لسا ما جهزتيش العريس زمانة على وصول
شمس بدموع : هجهز دلوقتي
مرت دقائق حتى ارتدت فستان طويل بالون النيلي مع حجاب ابيض 
خرجت و عنيها مليانة دموع التقت عنيها بعيون مالك الذي نظر لها ببرود

سهيل : هو فين المأذون يا فيصل بيه
فيصل بهدوء : هيكون هنا كمان شوية
نظرت شمس لمالك بمعنى عايزة تكلمه
مالك : بعد اذنك يا عمي ممكن اتكلم مع الانسة شوية
سهيل باستغراب : ماشي
خرجت شمس الى البلكونة و هو لحقها
مالك ببرود : في ايه ليه النظرات دي
شمس بانكسار : ارجوك الغي الجوازة دي انا مش عايزة اتجوز و بعدين انت عارف ان هدى بتحبك حرام عليك دي صاحبتي الوحيدة
مالك بابتسامة جانبية : انتي فاهمة الموضوع غلط يا شمس هانم
شمس : يعني ايه
مالك بتريقة : يعني مش انا الي هتجوزك يا عروسة
شمس بصدمة : نعم
مالك : انتي هتتجوزي رعد اخويا مش انا
نظرت له بصدمة
مالك ببرود : و بعدين لو انا اتجوزتك او ما اتجوزتكيش هدى بالنسبالي ولا حاجة و يا ريت تفهميها الكلام ده
تركها بصدمتها و دخل جوة

في مكان تاني
كان قاعد بالمكتب الخاص به و تقف امامه شابة جميلة جدا و ترتدي فستان يصل الى الركبة و مزموم على جسدها بطريقة تظهر كل مفاتنه

داليا بدموع : يعني ايه يا رعد هتتجوز ؟ بعد كل الحب الي بينا هتتجوز وحدة غيري.. انا قصرت معاك في ايه .... انا اديتك كل حاجة يا رعد ....انا مليش ذنب بالمشاكل الي حصلت بينك و بين بابا انا بحبك و ما اقدرش ابعد عنك
رعد ببرود : خلصتي ؟ ....اطلعي برة
داليا : يا رعد
رعد بغضب : قولتلك اطلعي برااااا
خرجت من عنده و هي تبكي بينما هو رمى الكاس من يده حتى تفتت
اخذ مفتاح العربية بغضب و خرج من الشركة باكملها