لم تكن حبيبتي

13

بارت 13

رمش بعنيه عدة مرات يحاول تصديق ما تراه عيناه
كرم برجفة : أ..أمل
نظرت له بعشق امسكت بيده و ادخلته الشقة و اغلقت الباب و هو مغيب تماما ينظر بعنيها بدون ما ينطق

أمل بعشق و بحة : ده حقيقة مش حلم
كرم و نزلت دمعة من عينه :  مستحيييل .. اكيد ده حلم .. كل مرة كدة بتضحكي عليا و بتقولي حقيقة و بيطلع حلم
وضعت يداها الاثنتان على وجهه و تقربت منه بلطف ،  رفعت نفسها قليلا ثم سرقت منه قبلة طويلة جداً كي يصدق

احاطت يداه خاصرتها بدون وعي و قربها منه ليتلذذ بطعم قبلتها التي اشتاق لها

بعد دقائق تركته قليلا و لكنه رفض ان يترك خصرها
كانت نظراته غريبة و كأنه بدأ يحس انه حقيقة
كرم بصوت مهزوز : ده بجد ؟
هزت رأسها و هي بتبكي
وضع يداه الاثنتان على وجها و ضمها لصدره و هو يبكي كالطفل الصغير كان يوزع قبلاته على كل وجهها فهو لا يصدق انها الان بين يديه
كرم بدموع : كنت عارف انك عايشة ... قلبي كان حاسس .... مغبتيش عن بالي ولا ثانية ... كنت متأكد انك هترجعيلي .. انا متأكد انت انتي الي شوفتها بالمول مكنتش احلم و الله مكانش حلم
أمل بدموع : سامحني يا حبيبي ... سامحني يا روح قلبي ... و الله العظيم غصب عني ... كان لازم اعمل كدة
كرم بدموع و هو بيوزع قبلاته على جسدها و يحضنها : مش مهم .. مش مهم ... المهم انك معايا دلوقتي ... المهم انك بحضني و ده مش حلم ... انا مش عايز من الدنيا الا حضنك .... مهما عملتي  هفضل اعشقك ... مش مصدق انك دلوقتي بحضني ... حاسس نفسي بالجنة
امل بعشق و بكاء : كرم حبيبي عايزة اقولك حاجة مهمة
كرم بدموع و هو واخدها بحضنه  : هششش .. مش عايز اعرف حاجة ... عايز حضنك و بس ... مش عايز غيرك معايا
امل بدموع : بس دي حاجة مهمة اوي .. انت لازم تعرفها
كرم بعشق : الي اعرفه دلوقتي انك معايا ... و ده بالنسبالي كان من سابع المستحيلات
امل بدموع : فاكر ابننا ؟
كرم : مش عايز افكر بحاجة .. انا مش زعلان عليه ... مش عايز عيال .. وجودك لوحده بحياتي ده نعمة من ربنا
امل  بدموع : بس هو عايش .... ابننا جيه على الدنيا يا كرم
نظر لها بصدمة فهو لم يتوقع كمية الصدمات هذه
كرم و سرت بجسده قشعريرة: يعني ايه ؟
امل ببكاء : ربنا حماه معايا ... و جيه على الدنيا ... سميته كريم الاسم الي اخترناهوله زمان
كان بنظر بوجهها بصدمة شديدة
فرت من عينه دمعة و قال ببحة : هو فين ؟
نادت امل لعايدة
امل بدموع : دادة هاتي كريم

اتى كريم و هو ينظر ببراءة بعدين بص لكرم بصدمة
كريم بسعادة : بابيييييي
و جري عليه
نزل كرم لمستوه و حضنه بقوة شديدة كرم بدموع : ان.. انت ابني ... انت ابننا ... انت حتة من امل
كريم بدموع : بابي انت وحشتني اوي ... ليه مكنتش بتزورني ... مامي قالت مسافر عشان الشغل ... كل يوم مامي كانت بتكلمني عنك ... و لما كنت بتبعتلي لعب معاها كنت بفرح اوي .. بس كان نفسي اشوفك من زمان اوي
كانت امل تستمع لصغيرها و تبكي
بينما كرم نظر لامل بعشق و دموع و حمل صغيره و احتضنها
و اخيرا اجتمع باسرته الصغيرة .. لم يحلم يوما ان يكون له اطفال ... كان يريدها هي فقط ... لم يتجرأ على طلب المزيد .... كانت اكبر طموحاته هي فقط