ថេយ៉ុងបានចាកចេញពីមន្ទីរពេទ្យនៅចុងសប្តាហ៏តាមអ្វីដែលបាននិយាយទុកជាមួយគ្រូពេទ្យពិតមែន ប៉ុន្តែត្រូវត្រលប់មកអោយពិនិត្យរបួសមើលរបួស១ទៅ២ដងក្នុងមួយសប្តាហ៏ប្រើរយ:ពេលមួយខែពេញទម្រាំតែរបួសគេជះសះស្បើយអាចកម្រើកស្មារកម្រើកជើងឡើងវិញបានខ្លះគ្រាន់តែនៅត្រូវប្រើឈើច្រត់ដើរនៅឡើយ
កម្លោះតូចស្ថិតក្នុងឈុតអាវសាច់ក្រណាត់ដាច់ខ្លីពណ៏ទឹកសមុទ្រអមជាមួយខោខ្លីត្រឹមជង្គង់ពណ៏ស អង្គុយយោលជើងនៅញ៉ាំនំនិងទឹកតែលើទោងក្នុងសួនក្រោយផ្ទះជាមួយលោកជំទាវមានឈើច្រត់ក្បែរដៃផង...ថ្ងៃនេះជាថ្ងៃសម្រាកទើបគ្រប់គ្នាអាចសម្រាកនៅផ្ទះ ចំណែកគេក៏មិនចាំបាច់ត្រូវងើបលឿនមករៀនអីដែរ
"ថ្ងៃនេះកូនប៉ាងើបលឿនទាំងដែលជាថ្ងៃសម្រាកសោះ ច្បាស់ជាភ្លៀងរហែកមេឃមិនខាន"លោកម្ចាស់វីលៀមដើរមកនិយាយបង្អាប់កូនលេង អោយថេយ៉ុងធ្វើមុខស្អុយដាក់គាត់ស្របពេលម្តាយក៏សើចកខឹកហើយនិយាយជំនួសកូន
"ថ្ងៃនេះជុងហ្គុកមកនាំថេយ៉ុងទៅដើរលេងនៅសួនសត្វណាបង"
"រពឹសអញ្ចឹង មិនដឹងជាទៅមើលសត្វឬក៏រត់ឆ្វេចឆ្វាចអោយជុងហ្គុកតាមចាប់ឬក៏អត់ទេ"
"លោកប៉ាហ៏! កូននៅដើរបានតិចៗនៅឡើយទេ រត់ម៉េចនៅលឿនទៅកុំចេះតែចោទកូននោះ"ថេយ៉ុងប្រកែកលើកឈើច្រត់មកបង្ហាញឪពុកដែលគ្រវីក្បាលសើចដាក់គេ
"ហើយម្យ៉ាងពេលនេះខ្ញុំមិនដែលរពឹសទៀតឯណា ឡើងសុភាពរម្យទមនៀក"
"អញ្ចឹងហ៏!! "ថេយ៉ុងភ្ញាក់ព្រើតពេលលោកប៉ានិងអ្នកម៉ាក់បន្លឺព្រមគ្នាជាមួយទឹកមុខសើចញញឹមដូចគេនឹងនិយាយរឿងកំប្លែងអញ្ចឹង
"ឈប់និយាយជាមួយអ្នកទាំងពីរហើយ! ពេលលោកពូមកកូននឹងប្តឹងលោកពូហើយ"
"លេងប្តឹងផង?ស្មានតែខ្លាចឬ? "លោកម្ចាស់ចូលមកក្តិចថ្ពាល់កូនតិចៗឌឺកូនអោយខឹងឡើងចង់ពេបមាត់យំ ទាល់តែលោកជំទាវត្រូវធ្វើជាអាជ្ញាកណ្តាលចូលមកឃាត់ទើបបាន ស្របពេលជាមួយគ្នានឹងអ្នកបម្រើដែលចូលមកជម្រាបពួកគាត់ថាជុងហ្គុកបានមកដល់ទីនេះដើម្បីមកយកថេយ៉ុងទៅ
YOU ARE READING
«ល្បួងស្នេហ៏បងពូសង្ហារ» COMPLETE✔️
Romance«អាយុគ្រាន់តែជាតួលេខ ជាមិត្តរបស់លោកប៉ាក៏កាន់តែមិនមែនជាបញ្ហា សំខាន់អូនក្មួយម្នាក់នេះfalling in love withបងពូហើយ» ប្រលោមលោកបរទេសបែបប្រឌិត(omegaverse) [សូមអធ្យាស្រ័យទុកមុនបើសិនជាមានកំហុសឆ្គងកើតមាននៅត្រង់ប្រការណាមួយ]