❤️❤️❤️❤️❤️❤️❤️
"الحب هو أن ترى النور في عيون من تحب"
🖤🖤🖤🖤🖤🖤🖤🖤🖤
1. "الظلم هو الظلام الذي يغطي نور العدل ويشوه ملامح الحق."
💖💖💖💖💖💖💖💖💖
واقفة قدام باب دارها لابسة واحد الݣندورة فالاصفر او دايرة زيف حياتي على شعرها او باينة فيها معصبة او هادشي باين من تزنيݣة لي فخدودها او نفيخ لي كتنفخ كل دقيقة البشرة ديالها بيضاء الى شفتيها تخلفي عليها الى شلحة و عنيها كبار او مشفرين او حروفها كحلين فمها منيفخ شوية او غوز يلا عكر بلا والو ( ايوا اختي هادشي لي كتقول هي فاش كيسولوها 😂) ، اما لاطاي ديالها 🐋 حوتة صافي عندها ليهونش او جناب مكينينش او الكرش تا هي والو او هادشي لي نقصو ليها الله من الجناب او الكرش زادو ليها فطرمتها 😂😂 عندها واحد الطرمة البنات اش غنقول ليكم واااتشباركالله 😂😂😂 ، المهم ما هي الى دقائق قليلة حتى جا واحد الدري شاد فيديه ليمنى باكية ديال الخميرة او يديه لاخرة صرف مع شافتو كتحس براسها بات طير علسه بشي قجة
جيهان: واخ عليك القرد فين تعطلتي من صباح او أنا كنتسنى فيك بقينا ليوم بلا خبز 🍞
حمزة: والله الفريزة ديالي ❤️ الى لقيت دراري كيلعبو كورة او دخلت معاهم مركيت ليهم جوج بيوتة صتفي او أنا نجي عندك دغيا اوا ها انت راه دايرك فالبال راه دغيا جيت
جيهان: ارى ليا خرايا او سير بحالك
حمزة: ايوا ها انت مدير خير ميكرا باس
جيهان: خليتي فيها شي خير أنت
شدات من عندو لفلوس بنطارة او دخلات لدار هدا هو حال حمزة البريهيش ديال الدرب عندو 12 لسنة او جن كيطير ايلى سخرتيه عولي على السخرة متجيك تا تشيبي ههههههههههه
مشات دغيا حطات لماء يسخن خلطات دقيق او بدات كتعجن ، حتى دخلات عليها مراا كبيرة فالسن شوية او هي تقول ليها يلاه كتعجني!!!!!!!!😦
جيهان: والله اماما الى يلاه جاب ليا حمزة السخرة
غزلان الام ديال جيهان او السند ديالها لي ديما واقف معاها ❤️❤️❤️
غزلان: الله يا بنتي الله وعلاه هداك يسخروه الناس ايوا ها باك دروك يجي من الخدمة او أنت عارفاه كيبغي خبز الدار و غادي يتعطل عليه ناري ناري قفرناها
جيهان: لا لا ماما متخافيش ها هو 5 دقايق يوجد
غزلان: اويلي على 5 دقائق بيتي تحطيه ليه فطير ، عرفتي اشنو ديري غير يقرب يجي سيري جري عند خالتك فتيحة قولي ليها تعطيك خبزة غير يطيب ديالنا او ردوها ليها
جيهان: صافي واخ
كملات داكشي لي فيديها او مشات هزات تيليفونها كتشوف سطوريات ديال انسطا او كتشوف ݣاع صحاباتها حاطين تصاورهم هالي فلبحر ها لي فموروكو مول، ........ تنهدات او قالت الحمد لله على كل حال 🥺 جيهان عائلتها على قد الحال فاش كيجي الصيف ميمكنش ليها تسافر فينما بغات عندها واحد خالتها ديما كتمشي عندها كل عام كتبحر شوية او كدوز عندها ديك 15 يوم او كترجع فحالها ،ولكن احسن حاجة فهاد البنت انها متقبلة الوضع ديالها كيفما كان. كانت طالعة هابطة فالتصاور او كدير ليهم لايك حتى وصلها مساج من عند واحد صاحبتها
بشرى: فين اتيتيز
جيهان: لباس عليك
بشرى: الحمد الله ، فين شداها ؟؟؟
جيهان: والو غير الدار هاد الساعة
بشرى: ههههههههههه ايوا بقاي دار دار دار والله اختي الى ديمة كنتعجب ليك مكيجيكش كتأب من دارك او الشقا او تمارة
جيهان حسات بيها بحالا كتشفا فيه او هي تجاوبها
جيهان: ههههههههههه مالكي أنت واش تشكيت عليك ؟؟ اختي الحمد لله الى خدمة او شقيت راه غير فدارنا
بشرى : أنا راه غير قلت ليك المهم الى عفا عليك الله او بيتي تسافري حاولي تجي ل رباط راه زوين وااااعر باش نيت نتلقاو
يلاه بات تجاوبها جيهان او هي تكتب ليها بشرى عاوتاني
بشرى : اه سمحي ليا نسيت أنت مكتمشي لتا بلاصة اخرى من غير اسفي عند خالتك عرفتي اشنو ديري فاش تبي تمشي عندها قوليها ليا نجي أنا او عائلتي ندوزو شي 2 jours او نشوفك نيت منها
جيهان حسات بيلا كتحشي ليها الهضرة او مرضاتش او هي تقول ليها
جيهان: واخ
أو خرجات من الكونفيرساسيو ، او هي مرضياش
هاد بشرى كتعتابر الانتيم ديال جيهان ولكين جميع الافعال ديالها كيبينو على انها مكتحملهاش او كتغير منها ، عائلتها من الطبقة المتوسطة المهم كلشي تقيبا عندها تا من زين ولكين مريضة حيت كتشوف كلشي حسن منها .
جيهان حطات تيليفون او مشات تشوف ماماها فالكوزينة باش تعاونها مع دخلات عند ماماها كتشوفها ما هياش
غزلان: مال بنتي مالها
جيهان: والو اماما
غزلان:وليتي كتخبي عليا
جيهان شافت تا عيات او هي تعاود ليها كلشي لي دار بينها او لين صاحبتها
غزلان: ياك كنقول لكلبة لي حطات عطي لديك بشرى لتيساع ياك ديما كنقولها راه أنا لي كنشوفها كيفاش كدير فيك راه مصلحاش
جيهان: راه عارفت اماما ولكين اشنو اندير راه مجاتش نبعد منها هكاك خصوصا انها دوزات معايا اعوام
غزلان: شوفي ابنتي حنا غير ناس بساط او باك مكيقدرش يوفر ليك داكشي لي بغيتيه ولكين راه كلشي اديريه ان شاء الله بقرايتك قراي ابنتي قراي قراي راه لقرايا هي لي اتنفعك او ديك الساعة مكيناش شي حاجة لي اتبكيك او غادي تمرضك او غادي تخصك او كلا عام اتمشي لبلاصة زوين او فشكل ولكين أنا دابة راه ملقيت ليك جهد
جيهان: ماما صافي الحمد الله على كل حال انا راضية بلي قسم عليا الله و عطات امامها بوسة او عنقاتها
غزلان: ايوا دوزي تݣرصي لخبز دوزي راه ممݣرصاهش ههههههههههه
جيهان بدات كتݣرص فيه حتى كيسمعو سوارت كيحلو فلباب و تم داخل باها او خوها لي كان كبر منها دخل نيشا عندهم لكوزينة و عطاها جوج ميكات عامرين بالخضرة او لاخرة الغلة شداتهم غزلان من عندو و هي تقول ليه
غزلان: كي كانت الخدمة ؟؟؟.
قاليها اشرف: مزيانة الواليدة راه غير دعاويك لي واقفين معايا او صافي
غزلان : ايوا الله يرضي عليك
هو يصور عند ختو جيهان وقال ليها لحادݣة لباس
جيهان: الحمد لله اخويا
غزلان: شوف سير عند باك لاهيه بالهضرة على ما تمشي ختك عند فتيحة تجيب من عندها لخير راه ديالنا ايتعطل شوية او انحطوه لغدا سخون او انولي سامعة نݣير ديالو او مفيا ميسمع شي حاجة سير الله يرضي عليك
اشرف: ديما مشكلتك هي مشكلتك اوليدة هاني غادي هههههه او بدا كيضحك
مشات جيهان دارت زيف على راسها او خرجات زادت غير واحد الشوية و دقات على الدار ديال فتيحة لي كانت قريبة لدارهم حل ليها وليد صغير او تلاح عليها بتعنيقة كبيييرة و هو يݣول ويييييييي جيهان جات 😝😝😝😝😝😝
و حتى هي عنقاتو او هزاتو و دخلات بيه لدار شافتها فتيحة و سلمات عليها كانت امرأة فالثلاتينات من عمرها ارملة و عايشة هي و. لدها جهاد
فتيحة: كيدارة لاباس عليك
جيهان: الحمد لله اخالتي كلشي بيخير أنت تو هاد لفنيكيش لاباس ؟
فتيحة: أنا الحمد الله او تا هاد ضويسر بيخير ههههههههههه
جيهان: خالتي قالت ليك ماما عفاك ايما عطيها خبزة من عندك على ما يطيب ديالنا ههههههههههه راه ايتعطل او بابا ضاروري ليه من خبز الدار
فتيحة: اكيد هاهو راه جبدتو قبيلة أو قولي ليها ماشي مشكل بلا متجيبيها راه مكناكلزش الخبز بزاااف
جيهان: شكرا اخالتي
حطات جهاد باش تهز لخبز اوتمشي فحالها و هي تقول ليها فتيحة ااااه تسناي تسناي واحد الدقيقة
دخلات لبيت او جيهان بقات كتلعب مع جهاد على متجي
فتيحة: هاكي
مدات ليها 300 درهم
جيهان: ديالاش اخالتي ؟؟.؟
فتيحة: شوفي شدي من عندي 100 درهم حيت كتراجعي مع جهاد او 200 درهم الكادو ديال النجاح ديالك فالباك او سمحي ليا عطيتها ليك معطلة ولكين راه بحرى تخلصت
جيهاد حشمات معرفات مدير حيت هي فعلا كتراجع مع جهاد ب 100 درهم لشهر او هادا كان اقتراح ديال فتيحة حيت عزيزة عليها او على ولدها. ملقات مدير او هي تشدهم شكراتها بزاااف او فاش بغات تمشي لصق فيها جهاد ههههههههههه او هاد الحركة ديما ملفينها بقا كيبكي و كيقول ليها لا لا لا متمشيش عفاك جيهان جيهان 😭😭😭😭😭😭 ديما فاش كيبقا يبكي عليها كتحس بقلبها كيتقطع ولكين عنقاتو و قالته: ياك أنت بطل او الابطال مكيبكيوش بحال هكا ها انت شوف فلعشية انجي عندك او نبقاو لعبو تال ليل 🌃 جهاد ضحك او عنقها او قال ليها وعد صافي قالت ليه: وعد 🫴
رجعات فحالها او دخلات لدارهم و هي تلقا ماماها واقفة كتسنى بقات كتشوف فيها و هي تقول ليها
غزلان: لاش جيتي كون غير بتي تم عندها حسن
جيهان بدات كضحك و هي توري لماماها لفلوس قالت ليها: شوفي شحاال عطاتني خالتي فتيحة
( كان هدا هو اكبر مبلغ مالي كتشدو جيهان فحياتها كاملة)
غزلان:تبارك الله 😦😦😦 الله يكثر خيرها ايوا عرفتي دوززي عجني معاك مسيمنات يلاه ترتاح عجينتهم من هنا لعشية نقادهم او نديوهم معانا عندها فاش نكونو غاديين
جيهان: واقلة اماما من صباح او أنا كنعجن واش بنت ليك عجانا أنا
غزلان: كون كانت عندي ݣاعمة نحاشيها ليك 😂
كيسمعو صوت جاي من صالة لهيه واش مبيتو تعطيونا نتغداو راه فينا جوع
باباها كان كيغوت على لغدا ، زعزعهم من بلاصتهم بداو كيتجراو كيحطو فلغدا غزلان يلاه جبدات الخبز حطاتو فطبيقة ديالو او هزات الطاجين من فوق البوطة تمات غادية بيه ، جيهان كتحط فالطبلة يالاه بغا باها يحط يديه على الخبر يقسم منو و هي تقول ليه لا لا ابا أنا انعطيك و هي تهز لخبزة ديال فتيحة و قسمات منها ليه او عطاتو بدا كياكل او جاه الطاجين سخون او قال ليهم
سي العربي: ديمة الماكلة سخونة بيت غير نعرف كتفيقو بكري قبل مني مع الصباح او تا حاجة مكتحطوها هي هاديك ها لغدا سخون، مكتحطوه تا كنبدا نغوت عليه ، منافعين فوالو كي حليب لحمارة
غزلان نغزات جيهان. وقالت تحت من سنانها : الحمد لله لي الخبز بارد اما والله تا يصيفطنا لحبس جملة
اشرف كان كيسمع فالهضرة لي قالت ماماه او بدا كيضحك عليهم 😂😂😂😂 او كيفاش خرجات راسها من الوقف
أما سي العربي مع عرݣها مزيان دار ليمن او ليسر ديالو مبانش ليه الديسير و هو يبدا يݣول : فين الديسير مبيتوش تجيبوه بلعاني باش تاكلوه فالركاني او فاش نسول عليه لقاكم كليتو أنا لي كنخخدم على لفلوس او نجيب الماكلة مكنشوفهاش كتاكلوها غير انتوما هكاك بالبارد ( أنا لي كنكتب او قهرني هاد الراجل او باقي غادي يقهرني بهضرتو او منݣيرو على ابسط الحوايج 😑)
غزلان طلع ليها لخرى وهي تقول ليه: ياهاد الراجل الله يهديك داكشي كي جبتيه كي بقا تم مقاسو تا واحد راه غير مع زربا نسينا مجبناه
العربي: اويلي على باقي كيما هو محيدتوهش من الميكة او درتوه فالتلاجة كتسناوه يخماج اويلي على بنات الحرام ( جمع بنتو او مرتو ب الحرام مسخوط هدا) 😂😂 واكين سري أنا لي معدب فيه او جايبو باش تجغددوه ولكين مكيݣرش فيكم الخير لبنات الحرام
جيهان: حبساتها الضحكة مقدراتش تبقى حدا باها ناضت كتجي تجيب ليه ديسير او ضحك فالكوزينة 😂😂😂😂 و خلات مها واحلة معاه مرة تسنط ليه مرة تجاوبو
فاش غسلاتو وحطاتو ليه قالت: ليه هاك ابابا بصحة
شاف فيها و هو منو بدا كياكل جاتو التفاحة حامضة و هو يحطها وقال ليها كوليه أنت وزاد وخلاهم 🤣🤣🤣🤣🤣🤣🤣 جيهان ماتت عليه بضحك او مها قالت ليها اويلي على الراجل مالو دار هكا ، ناضت تا هي تغسل يديها او بدات جيهان كتجمع فالطبلة او تجمع لبيت فين اينعسو مشات حطات لماعن فالكوزينة او سبقات لعجينة ديال المسمن هي اللولة او بداتك كتغسل فيهم او كتضحك مرة مرة فاش كتفكر كلام بها او تصرفاتو اللخرة فراه ولا فيه النݣير بزاااف او واخ صعيب فالطبعو ولكين حنين من لداخل ( هادشي لي قالت هي تاني 😂😂) كملات لماعن او مشات دخلات لبيتها او سدات عليها عندها واحد لبيت صغير دايرة فيه حوايجها او اي حاجه ديالها بزز باش وفروه ليها مع دارهم غير صغيرة ، المهم ݣلسات و حيدات زيف حياتي من شعرها اووووو على مفاجأة 😲😲🤯 شعرها طويل بزاااف فايت المؤخرة ديالها بدات كتمشط فيه او بدلات ديك البيجاما لي كانت لابسة مع حيداتها كيبان جسمها الانثوي بامتياز كل حاجة عندها فبلاصتها صدرها واقف كبير فالقياس او جسمها لبيض و الخالي من التصبغات سبحان من صورها هادشي لي نقولو بدلات عليها او نعسات حتى كتفيقها ماما
غزلان: نوضي نوضي باركة واش كتشبعي من النعاس ؟
جيهان بتكاسل: واخ هاني نايضة
غزلان:سربي راه طيبت لمسمن يلاه نمشيو عند السيدة باش منتعكلوش عندها قبل ميجي باك راه خرج تاني
جيهان ناضت غسلات وجهها و لبسات واحد العباية و توكلات على الله هي و ماماها دخلو عند فتيحة و رحبات بيهم
فتيحة: اهلا اهلا بالغاليين
غزلان مدات ليها طبسيل ديال المسمن
فتيحة : شكراااا وعلاش عدبتي راسك ؟
غزلان مكاين لا عداب لا والو عدابك راحة او خيرك سابق
ݣلسو مجمعين على براد ديال اتاي او جيهان كتلعب مع جهاد و كضحك معاه مع هي بديك الفورمة لي عندها كتبان كبيرة على العمر ديالها لي هو 18 لسنة كتبان بحالا هي ماما واحد لحضة بقات فتيحة غير كتشوف فيهم و كتشوف كيفاش ولدها مولف جيهان و هي تنطق فتيحة: ايوا الالة جيهان عرفتي اشنو اديري، لباك ها انتي شديتيه ايوا اشنو اديري
جيهان: والله مزال معرفت اخالتي وليكن كنفكر ندير استاذة ديال الفرونسي كنتسنى غير يفتحو تسجيل
فتيحة بفرحة: والله ايلى اتجي معاك احبيبتي مع اصلا أنت عندك الخاطر آلله يوفقك المهم الى فتحو تسجيل أنا انقولها ليك راه بالي معاك احبيبتي راه أنت بحال ولدي جهاد ❤️❤️❤️🥰🥰🥰 عزيزة عليا
جيهان: شكراااا اخالتي ربي يخليك والله ايلى تا أنت عزيزة عليا
بقاو مكملين جامعتهم تا اذنات المغرب او رجعو بحالهم و في الطريق قالت غزلان: هاد السيدة شحال طييبة مسكينة الله يقدرها على تربييت ولدها راه منين مات المرحوم و هي كتقاتل عليه
تساؤلات جيهان لماماها: ماما دابة هي منين كتصرف على ولدها
غزلان: راجلها كانت عندو قهوة فالمدينة لوسط جات ديك القهوة واحد لبلاصة زييينة شوكة و كدخل ليها لفلوس غير هي مبقاتش بغات تبقى فالمدينة من بعد فاش مات راجلها جات هنا لهاد لبلاصة فيها الكالم و مرتاحة هي وولدها
جيهان: هي قولي عندها 2 ديار وحدة هنا او لاخرة وسط المدينة
غزلان: اييه الالة ايوا قراي تا أنت باش ديري 4 ديال الديار
كملو طريقهم بالضحك حتى دخلو لدار او لقاو السي لعربي باقي مرجع دخلات جيهان نيشا لبيتها حيدات عبايتها و هزات المخدة ديالها لي كتنعس عليها و خدات دوك لفلوس لي كانت حطاهم تحت منها او خباتهم فواحد الصندوقة صغيرة كتحط فيها لفلوس ديال و هو يقول ليها راسها تبدا كتحسب فيهم او داكشي لي دارت بدات كتحسبهم بحكم انها غير كتجمع عمرها حسباتهم او فاش كملات لحساب لقات راسها جامعا 50 الف ريال 2500 درهم فرحات بزااف حيت هيا هزا الهم لقرايتها او فين ايخصها تكري ايلى تقبلات فالمدرسة لي هي باغة .
المهم مشات ايام او جات ايام او نفس الروتين عند البطلة جيهان تفتح التسجيل فمدرسة الأساتذة او دفعات ليهم لجوج لغات الفرنسية او الانجليزيه حيت هي مزيانة فيهم بجوج او فهاد النهار ايخرجو الاحصائيات ديال الناس لي ايدوزو الكنكور .
جالسة كتسنى يصيفطو ليها واش تفبلات فالكونكور ولا لا حتى كيصيفطو ليها انها متقبلاتش فمادة الفرنسية بقا فيها الحال بزاااااااااااااااااااااااف حيت كانت بغات تقبل فيها و لكين مكتابش ولكين مفقداتش الامل جلسات كتسنا فصحاب لونغلي تشوف واش قبلوها ولا لا و ما هي الى دقائق حتى صيفطو ليها القبول ديالها و الحمد لله شدات ليها الانجليزيه 😁😁🥳🥳🥳🥳🥳🥳🥳 فرحات بزااف او مشات عند ماماها قالتها ليها او فرحات ليها تا هي فهاديك الليلة كلشي فرح ليها تا العربي تا هو فرح و هي تعيط لفتيحة قالتها ليها و هي تفرح ليها تا هي
فتيحة: ايوا شوفي خاصكي تمشي تشري حوايج زوينين باش دوزي لكونكور شي لبسة تكون رسمية vest 🦺او pantalon ديالها اااه ensemble لي بغيت نقول حيت راه كيخادو تا لحوايج بعين الاعتبار
جيهان فرحات بزااف او قالت ضاروري اخالتي شكرا او قطعات من تم او هي كتوجد لكونكور ديالها حيت المهم عندها هو انها دوز شرات كلشي او تدريبات مزيان تا نهار الموعود مع دخلات مع باب الكلية كيبان ليها بنادم كثير و هي تبدا تفقد الامل انها تدوز معا بنادم كثير كتقلال ليك الفرصة انك دوز المهم تبتات راسها باش دوز او دازت المقابلة مزيان او خرجات لواحد القهوة كانت حدا الكلية عامرة بالطلبة و هي تݣلس فيها جا عندها السرباي و قال ليها: Mademoiselle اشنو تشربي
جيهان : عفاك café crème
سرباي: واخ بزربة
حتى جات ݣلسات حداها واحد البنت زوينة و قالت ليها: السلام أنا اسراء
جيهان طلعات فيها راسها مصدومة 😐 منها
يتبع.........
