عسولاتي 🍯 صوتوا اريد تفاعل حتى استمر
===≠====================≠===
شاه زنان: اي بابا نزع قميصه بيه فلوس خلي اخذ منه فلوس بدون ميدري مراح يحس على نقص الفلوس اشو يكرف بالفلوس كرف هو وزوجته بالمطاعم والمولات بقت عليه الا اخذ اييي خوش معجونيات يهفن هف اخابر حوراء احسلي مدام النسرة يم بابا مشغولة ..📞
📞 حوراء : الو ها حبي شهوزه شلونج شخبارج طمنيني عنج شلونهم وياج ان شاء الله زينين
شاه زنان: يا زينين موتوني قهر
حوراء : حطي عينج بعين الله
شاه زنان: ونعم با الله
حوراء: اي حبي ذكرتيني الجهاز يمي استلمته تسلم عليج أمي
شاه زنان: ايي حبي مشكورة يعمري سلميلي على امج هواية
حوراء: تدللين عمري مسوينا شي يوصل سلامج اهم شي تضلين تتواصلين وي امج وتخابريها
شاه زنان: ما أعتقد راح اتقبلها بعد كل هالفراق سنين عافتني
حوراء: ولج مهما يكون امج احن من زوجة ابوج خلي تعرف اخبارج مهما يكون تبقى ام وگلبها وعقلها يمج
شاه زنان: راح اسوي الي عليه و الباقي على الله بس تواصلي وياها مراح يغير شي خاف احن عليها اضل لو ابقى ناسيتها احسلي
حوراء : أمي تكول لازم تتواصل وي امها انتي شابة و بحاجة امج تعرف بكل زغيرة وجبيرة وياج تمام
شاه زنان: تمام عمري
حوراء : صح نسيت اكولج
شاه زنان: كولي
حوراء : دبرتي الفلوس
شاه زنان: اي دبرتهم
حوراء : عفية عليج بس منين
شاه زنان: ها من جارتنا تسلفتهن منها
حوراء : تمام شوفي بس انطيها شوكت ميصير بأيدج فلوس باقرب وقت لتبقين الدين حتى ميكولون لابوج
شاه زنان: تمام هاي التفاصيل يمي بعد مشكورات وان شاء الله راح اتواصل وي أمي والفضل ل الله والكم اسمع صوتها من بعد كل هالسنين حرمان
حوراء : يمعودة شمسويلج اقل شئ ممكن نقدمه الج حتى نخلصج من هاي اللئيمه
شاه زنان: صح ذكرتيني بيها روحي باي تعالي وجيبي الجهاز وياج مو تنسينه باي
حوراء : باي
زوجة ابو شاه زنان: اكلج شاه زنان تعالي رايتدج بموظوع
شاه زنان: الله يستر شكو كولي وكفتي كلبي
زوجة ابوها: يمه كلش اسم الله على كلبج تخافين انتي تموتين خوف مبين عليج
شاه زنان: مشكورة على هذا كلامج استهزئي اكثر
زوجة ابو شاه زنان: ترا هاي حركاتج وسوالفج تمثلين البرائه كلها مارة بيها جنت اسويها وي زوجة ابوي يعني كلهن طاكات جواي اعرف هاي السوالف
شاه زنان: الله يصبرج ياروح يجوز انتي تمثلين على زوجة ابوج اما اني وجهي واحد ما أمثل على نيتي
زوجة ابو شاه زنان: شنو تقصدين ولج العوبة أني مو على نيتي
ابو شاه زنان: شكو صياحكم واصل لآخر الشارع
وانتي گلتيلها عن الموظوع لو لا
زوجة ابو شاه زنان:: بعدني هي تنطي مجال واحد يحجي وياها مسوية نفسها مرعوبة لان رايدتها بموظوع
ابو شاه زنان: هم على كيفج وي البنية
شاه زنان: شعجب طلعت منك هاي الكلمه اليوم تنبسط عليها الظاهر ضحيت بنفسك اي ابقى احجي وي نفسي اتمنى احجيلهم واصارحهم ترا إفهم الي يصير حولي
زوجة ابو شاه زنان: دروح يا عيني خلي احجي وي البنية
ابو شاه زنان: يلا رحنا بس فضوها
زوجة ابو شاه زنان: ولج خلي بالج وياي واذا ضليتي تصرخين لو تبجين اسوي بيج سوايات ماصايرة افتهمتي
شاه زنان: احجي بلا مقدمات
زوجة ابو شاه زنان
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
التكملة في البارت الاخر
تفاعل عسولاتي 🍯 صوتوا
أنت تقرأ
العرف العشائري دمرني
Horrorالحياة مُستمرّة سواء ضحكت أم بكيت، فلا تُحمّل نفسك هموماً لن تستفيد منها. الكاتبة والروائية زهراء عدنان 📝✍️
