بسم الله الرحمن الرحيم
اللهم صل على محمد وال محمد
~~~~~~~~~~~~~~~~~~~~~~~~~~~~~~
جميلاتي ان شاء الله بخير
اني : شفت ياسر نزلني وياه لبيتهم وي زوجاته
ياسر : اي نزلي
اني : ما انزل خاف هم يسولي شي وكعن طفلي بسبب تعليمهن لبنتك وخلنا تسوي الزيت تصبه على الدرج و وكعت اني ما اريد اخسر اكثر من الي خسرته
ياسر : هذا الموجود عاجبج عاجبج مايعجبج ولي منين ماجيتي
اني : ياسر ما اعرف اتصرف وياك كلساع شخصية تعبتني ما اعرفلك لان رجعن زوجاتك استغنيت عني
ياسر : دوختيني
اني : دوختك الله كريم يلا بوجهك دزني على اهلي
اروح ما ابقى دقيقة يمك
اني : همزين مابقى بيني وبينك طفل أصلا من اول مرة مقتنعت بيك
ياسر : بسيطه انتي تحجين هيج وياي
اني : اي ومثلا شنو تسوي ترا والله تعبت نفسيتي وتمرضت كاااافي اوووف يا الله وين اروح حتى ارتاح
ياسر : انتي بلاء من الله عليه
اني : بلاء ؟
ياسر: اي .....
اني : ليش هيج خليتني اتعلق بيك وكلامك الحلو واهتمامك تالي بس رجعتهن انقلبت عليه
اني : جنت شاكه بزوجته الجبيرة هي الي سوتلة سحر من اتصلت على بنتها من جانت عد اهلها مطلقه
اني : اكول لنفسي يمكن هي ومو يمكن الا هي ومتاكده رجعته الها بسحر
اني : بتليت بلاء خلصت عمري بالقهر لازم اسوي حل لنفسي كافي
اني : ياسر دزني على اهلي ما اكدر اتقبل اتعايش وياهن
ياسر : اني اسوي الي تريديه مو تكولين ميريدني بس ما عندي امكانية أفتح بيتين
اني: لو وحدي لو تطلق هذا شرطي
ياسر : خلي ادزج لاهلج ويصير خير لأن اني هم ما أ أمن عليج يمهن واني بالدوام خاف يسولج شي
اني : ها شفت شلون حتى انت ما واثق بيهن
اني : ترا عمليتي خظرا بعدها لسى مطابت خاف الله انت وياهن
اني : جان اباوع وهن يضحكن وبنت زوجي تأشر ببطل الزيت
اني : فار فوران دمي من القهر واصريت على الروحه لاهلي
ياسر : اخذاني ورحت لاهلي
اني : رجعت للبيت زوجة ابويه بس تسأل ما الي خلك
اني : رحت لغرفتي الي جنت أنام بيها قبل الزواج تذكرت شلون جنت بس من زوجة بابا اتضايق هسى عند ياسر عائله كلها مأذيتني
اني : عرفت الدنيا مو الي نخلقت الهن الضالمات
اني : نمت تحلمت بياسر حلم غريب شفته حيل فرحان بزوجاته وبرجوعهن وهو مدللهن ويسولف وياهن
اني: فزعت من نومتي أكيد هو فرحان
اني : نوب فكرت لا العكس صحيح ضايج عليه لو مرايد يتزوج ومو كد المسؤولية جان ماتزوج محد جابره بس هو أكيد يحبني راح اجرب واتاكد يحبني يفتحلي بيت لوحدي
ثاني يوم الصبح
اني : صباح الخير ماما وبابا
زوجة بابا: صباح النور
بابا : صباح النور باباتي شلونج شخبارج ؟ شلونه ياسر وياج ؟
اني : زينه
بابا : ليش نقطعتي ثلاث اشهر ما اجيتي وسألتي
اني : بعد ضروف
بابا : شبيج متشنجة كوة تكعدين
اني : بابا سويت عملية
بابا: شلون يعني عملية ولشنو ما كلتي
اني : بابا سالفه طويلة تعبانه
بابا : الا تحجيلي شنو صاير وياج ياسر مأذيج بشي ؟
اني : بابا انت تعرف بياسر متزوج ثنين قبلي ويريد طفل ولد وراد يتزوجني علمود ولد
بابا: الا والف لالا شلون هيج
اني : بابا ياسر غشانه كلنا
بابا : هسى هاي عرفناها بطنج شبيها
اني : بابا حملت وياسر اكتشف زوجاته يخوننه وطلقهن وطردهن واخذ بناته يمه
بابا : ايي كملي اسمعج
اني : وجان اسمع بنت زوجته الاولى تتصل بأمها وأمها تعلمها على خباثه
اني : ثاني يوم نزلت الصبح من الدرج و وكعت
اثاري داهنة الدرج بزيت
اني : فتحت عيوني مغمى عليه بالمستشفى تحت العملية
اني : طول الوقت انزف وقررو انزل الطفل خسرت كل شي يابه
بابا : الله اكبر كل هذا صاير وياج ومنعرف
اني : اي لان محد يجيني ويتفقدني
بابا : الا اشوفج بيهم بلاء عظيم اخليهم يندمون على الي سووه بيج
اني : اي بابا اريد اخذ حقي
زوجة : بابا عليمن يمعود هي هاي غثة شبيك
بابا : اسسسس كافي هواية مشيت. ورا قراراتج وندمت ما الج علاقة ب بنتي ابوها واخذ حقها
زوجة بابا: اووييي وهسى شنو حجيت شعليه بيكم سوي الي يعجبك عوذه
بابا : سوا شي ابد ممطروق في بالي
.
.
.
.
.
.
.
...
.
.
.
.
التكملة في البارت الاخر
بنات تعليق شنو رأيكم بالقصه
رأيكم يهمني
تصويت بين الفقرات تفاعل متابعه
احبكم ونبي كل وحده تدعمني
=============
+++++++++++
::::::::؛؛:::؛؛:::::
عسولاتي 🍯 انتو
أنت تقرأ
العرف العشائري دمرني
Terrorالحياة مُستمرّة سواء ضحكت أم بكيت، فلا تُحمّل نفسك هموماً لن تستفيد منها. الكاتبة والروائية زهراء عدنان 📝✍️
