جوري :رشا وش هالازعاج عندك
فيصل : دوبا وسمرا وقصيره مدري من وين اخترتوها
رشا : هلا جوري ايه هذا فيصل يهاوشهم
جوري : ليش
رشا : ههههههههههههههه مااعجبته يقول دوبا وسمرا وقصيره
جوري : اها اخليك يلا اول مايهدى الجو دقي باي
رشا : اوكي باي
وسكرت
جوري في نفسها "" معقوله مااعجبتك يافيصل""
فيصل : انا مااابغاها
رشا : بصراحه انا مااارتحت لها
ريم : طيب شوف اخلاقها قبل
فيصل : اوووه الكلام معاكم ضاااايع
وطلع فيصل برا البيت
رنا : يوه عسى مايصير شيء فيه الله يستر
رشا : انتم من وين جايبين الذوق وربي انها قبيحه حتى بالمكياج عاد وشلون بدون مكياج لو ان زوجته الاولى شينه اوكي بس انها تطير العقل وبعدين خذيتو له هالخاايسه
ريم : والله انك صادقه الا شخبار نفسية جوري انتي تكلمينها
رشا : مدري احيانا احس انها مبسووطه واحيانا لا مافهمتها
جت ام فيصل : وين فيصل
ريم : طلع وهو معصب
ام فيصل : ليش
ريم : مااعجبته هديل
ام فيصل : ايه هي ماتصلح له بس عاد وش نسوي فيكم
ريم : هي بس دبا وسمرا وقصيره
ررشا : وش بقى
رنا : ههههههه من جد
ام فيصل : ياما ناس تزوجو وهم يكرهون وبالاخير صار سمن على عسل
رشا : يمكن فيه ناس بس مع هذي الانسااانه مستحيل فيصل يعيييييييييش معها
الكل : ههههههههههههههه
ام فيصل بروح اكلم ولدي اشوف وينه
فيصل : نعم
ام فيصل: هاه وش جاك
فيصل : انتم من يون تشوفون وشلون اخترتو هالخايسه لي ماااابيها
ام فيصل : يافيصل اصبر لو شوي وبتحبك بعدين
فيصل : باي
ام فيصل : هاه وش فيه
رشا : انا بروح اكلم جوووري
ام فيصل : وانتي اربع وعشرين ساعه جوري
رشا : انتم ماتعرفون وش جوري بالنسبه لي هي كل حيااتي
وصعدت فوق ودقت على جوري
رشا : اهلن جوري
جوري : اهلن رشا
رشا : فاتك تو يااالله اول مره اشوف فيصل كذا
جوري : هههه ليش
رشا : مااعجبته هديل
جوري : لهدرجه هي كذا شينه يعني
رشا : لحظه بوصف لك شكلها البااايخ
جوري : حرام عليك
رشا : لحظه هي دوبااااا منجد و سمرااااااااااااء وكمان قصيييره
جوري : ههههههههههههههههههه معقوووله ولا تستهبلين
رشا : لا وشينه ملامحها بعد يعني فيصل ماتعود الا عليك قمر وجسم يهبل وطول وكل شيء
جوري : تسلمين يارشا بس انا بعد اللي فيصل مستحيل ارجع
رشا : وانا ماالووومك تدرين فيصل الحين طلع من البيت ومارجع لحد الحين
جوري : ليييش .؟
رشا : معصب على رنا وريم لان ماعندهم ذوووق
جوري: اهاا
رشا : جوري تعالي نامي عندنا
جوري: لااااا مافيه اامل
رشا : الله يخليك خلاص انسي انك تزوجتي فيصل واعتبريه اخوك
جوري في نفسها "" وشلون تبغيني انسى انسان اسمه محفور بقلبي بس يلا عشان ماتاخذين عني فكرا ""
جوري : اوكي بس اذا كانت بتجي نوف لحالي لا
رشا : احلفي
جوري: يعني بكذب
رشا : خلاص بكرا المغرب انتي هنا
جوري: اووكي
فيصل : رشااااااااااااااااا
رشا : نعم
فيصل : تعالي
رشا : اوكي
جوري : وش فيك من تكلمين انتي
رشا : فيصل جاء
جوري : يلا اجل بسكر انا
رشا : لاجوري انتظري بس بشوف وش يبي
جوري : طيب روحي له يلا
رشا : الحين انزل من الدرج
جوري : ههههههههه منتيب صاحيه
رشا : نعم وش تبي
فيصل : من تكلميين
رشا : وانت وش دخلك اخلص وش تبي
فيصل : كلمي هديلوه وقولي لها فيصل مايبغاك
رشا تكتم ضحكتها : والله اخوي انهبل
فيصل : سوي اللي قلت لك عليه
رشا : مو شغلي والله قول لرنا رنا صديقة هديل
جوري: رشا بسكر انا
رشا : لا جوري خلاص
فيصل قلبه شوي وبيوقف من يوم سمع اسمها
فيصل : هذي جوري
رشا : ايه يلا بصعد فوق
كملت رشا سوالف مع جوري بعدين سكرت
ونزلت جوري تحت شافت الهام جالسه
جوري: بكرا بروح لبيت عمي عند رشا وبنام عندهم
الهام : والجامعه وفيصل
جوري: ماابغى احسس عمي ولا رشا وابغى ارجع مثل اول
الهام ابتسمت ابتسامه عرييضه : ايه خليك كذا
ومرت تقريبا شهر وصار الحين موعد زواج فيصل وبيبدا عذاب جوري
يوم الزواج
هديل متحمسه لزواج وفيصل وده يصرخ ويقول ماااااابيك ياهديل واحبك ياجوري
قامت جوري وهي متنكده لان زواج فيصل اليوم بس الزواج بيصير في بيت ابو فيصل وماراح يجي ناس كثير
جوري قامت وراحت الكوفيرا مع امها والهام
وطالع شكل فستان جوري يهبببببل وهي تهبل
فيصل مره مو متحمس حتى السفر يقول ماراح اسافر
جوري رجعت العشاء وهي مخلصه كل شيء بس تنتظر امها والهام
جوري راحت لغرفتها وشغلت اغنية
فقدتك ياااعز الناس فقدت الحب والطيبه وانا من لي بهالدنيا سوواااك ان طالت الغيبه رحلت ومن بقى وياي يحس بضحكتي وبكاي حتى الجرح في بعدك يغزيني واههلي به وش اسوي بالالم والاااه ولاكن البقى لله يصبرني على بعااادك واذا حظي وراضي به
وبعدين طقت عليها الهام
الهام : جاهزه
جوري : ايه
الهام : اوكي يلا
في بيت ابو فيصل رشا بس تبكي على جوري وحظها
نزلت تحت رشا بفستانها ومكياجها وجلست بالصاله تفكر
دخل فيصل : السلام
رشا : وعليكم السلام
فيصل: وش فيك رشا تعباننه
رشا : لا <وبنبرة حزن تقول> مبروك
فيصل : وش تباركين لي عليه على اشين يوم عندي ولا على فراق جوري على ايش تباركين
رشا نزلت دموعها وراحت لغرفتها
جت هديل واهلها
وبعدين ام نواف وبالاخير ام الهام وابو الهام والهام وجوووووري اللي الحزن باين على وجهها
دخلت جوري : اهلين
رشا وقفت وشافت جوري وهي حزينه رشا مسكت جوري وطلعت بها برى بالحديقه
جوري : وش فيك رشا
رشا : انتي وش فيك وجهك مو عاجبني
جوري نزلت راسها : تخيلي انتي مكاني
رشا : وربي ماالوومك وفيصل قال لي اليوم لما باركت له قال على ايش تباركين على اشين يوم عندي ولا على فراق جوري
جوري: اهو جد قالك هالكلام
رشا : ايه جد بس جوري خلاص انتي انسي وصدقيني فيصل ماراح ينساااك ابدا
جوري : لا انا ماابغى ادخل بحياته فيصل اخوي لاااقل ولا اكثر
رشا : طيب امشي نضحك الحين بتطلع
جوري: مين
رشا : ههههههههه ماعرفتيها هديلوه الكلبه
جوري : حرام عليك البنت وش دخلها تعالي بس ندخل
ودخلو ونوف جلست جنب جوري وجلست تسالها عن اخبارها
والكل كان يناظر جمال جوري اللي بجد جذاااب وساااحر ولبسها وكشختها
طلعت هديل وانصدمت جوري من شكلها ماكنها عروس ابدا
الكل راح يسلم على هديل
وجاء دور جوري
جوري : مبروك وسلمت عليها
هديل : لا يكون انتي جوري
جوري هزت براسها ايه وطلعت برا بالحديقه وماكان احد منتبه لها وطلعت وجلست بالطاوله وجلست تبكي تبكي
فيصل حس انه مكتوم وطلع بالحديقه وشوفو الصدفه طلع وشاف اعز مخلوقه عنده تبكي
جوري كانت رافعه راسها وعيونها تدمع وفيصل شافها وانبهر من شكلها وجمالها وجلس يناظرها يمكن دقيقتين وبعجين مسحت دموعها جوري ودخلت
فيصل ""ليش ياجوري وربي احبك لاتبكين الله يخليك قطعتي قلبي ""
ودخل فيصل وهو باين عليه الحزن والكل مو عاجبته حالة فيصل ونفس الشيء جوري وكل المعازيم راحو فيصل مو كنه هو العريس مو معطي أي اهتمام لهديل ووعكس يوم زواجه لجوري راحو المعازيم باقي ابو الهام وام الهام والهام وجوري ونوف وام نواف ونواف وهديلوه اللي هدمت حياة جوري وبتشوفون كيف
دخل فيصل : السلام
ام نواف : مبروك ياوليدي
فيصل : الله يبارك فيك
ام الهام والهام : مبروك يافيصل
فيصل : الله يبارك فيكم
وددخل فيصل وصعد فوق ولا عطى وجهه لهديل وهي كانت جالسه مع ام نواف وام الهام وغيرها
هديل : ليش يعاملني كذا ودي اعرف
ام فيصل : اهو كذا بداية الايام بعدين عادي
رشا : جوري وش رايك نصعد فوق شوي ونرجع ابغى اقولك لك كلام ضروري
جوري: يلا
وصعدو جوري ورشا فوق وجلسو يسولفون سوالف عاديه
بعدين ام الهام نادت جوري عشان بتروح
هديل صعدت فوق عند فيصل وشافته نايم
هديل في نفسها ""والله لاوريك يافيصل شكلك ماتدري اني هدييل اللي فرقت بينك وبين جوري ""
ومر اليوم عادي يوم الجمعه قام فيصل ونزل وفطر
ريم : وين هديل
فيصل : مين هديل
ريم : لاتسوي نفسك غبي
فيصل : ايه للي مزوجيني ياها مدري اتوقع فوق
نزلت هديل : السلام
فيصل : الحمدالله شبعت
وطلع برا البيت
هديل : وش فيه هذا
رشا بصوت واطي وهي تاكل : والله ماالومه يصبح على ذالوجهه
هديل : قلتي شيء
رشا : سلامتك
قامت رشا :الحمد الله
وبعد الفطور اجتمعو كلهم باصاله
ام فيصل : رشا روحي كلمي فيصل يجي للبيت مدري وين راح والمشكله اليوم مافيه دوامات
رشا : طيب انشااءالله
وراحت تكلم فيصل
رشا : هلا فيصل وينك انت ترى امي مرا خايفه عليك وترى ضايق صدرها
فيصل : اوه خلاص شوي وجاي
رشا : فيصل بطلب منك طلب
فيصل : وشو
رشا : كلنا نحب جوري ونموت فيها <وبكت رشا> وانت اكثر واحد تحبها بس الله يخليك صح انك ماتحب ههديل بس لاتضيق صدر امي وسو نفسك تحب فيصل
فيصل : حاولت اليوم بس ماقدرت انتي شايفه نفسها نازله بالبجامه حقتها وهي توها عروس انتي يمكن عادي بس هي عروس ونازله ببجامه
رشا : والله ماالومك بس تحمل شوي
فيصل : خلاص بس قولي لي متى اخر مره كلمتي جوري
رشا : امس بليل
فيصل : وش اخبارها طيب
رشا : هي واضح عليها متاثره لانك تزوجت بس تتصنع انو مايهمها شيء
فيصل : طيب قولي لها اني مااحب هديل
رشا : من جدك انت اصلن هي عارفه انها ماعجبتك
فيصل : وش عرفها
رشا : امي تتكلم عندها انها مااعجبتك
فيصل : اها ودام امي داريه انها مااعجبتني ليش تزوجني ياها
رشا : والله مو عارفه وشو بس اهي تبغى تنسيك
فيصل : طيب انا جاي الحين والله يصبرني عليها
رشا : على مين
فيصل : هديلوه
رشا : هههههههههههههه معليش تحمل لو عشان امي
فيصل : طيب يلا مع السلامه
رشا : باي
وسكرو
ودقايق وجا فيصل وجلس وهو منسده نفسه من هديل السامجه
نروح لجوري وماادراك ماجوري اللي حتى الفطور مافطرت
كانت جالسه بغرفتها وتفتح في كتب الجامعه وتحوس فيها وتقرا فتحت الهام وجلست على الكنب مقابل جوري
الهام : ليش وجهك صاير افر من امس وانا ملاحظه
جوري : انا لا مافيني شيء
الهام : جوري خلاص فيصل راح انسيه زي مانساك
جوري : الهام ومين قال اني مفكره فيه اصلن عادي وانا اللي رافضته واكرهه ومااحبه والله يوفقه مع هديل
وهي تكذب بس تتصنع انها ماتحب فيصل وحب فيصل محفور في قلبها
الهام : طيب تعالي تحت
جوري : اوكي بس الحين بياذن المغرب
الهام : واذا اذن
جوري: بطلع مع ندى
الهام : اها
جوري: الهام ماتلاحظين صرنا مانطلع مع بعض ولا مخيم ولا حركات
الهام : الا ملاحظه
جوري: قولي لابوي يمكن يوافق
الهام: انا بقوله بس اهم شيء انتي اطلعي ووسعي صدرك وماعليك من فيصل اللي ماصار لكم شهر متزوجين يروح ويخطب
جوري : تدرين ان فيصل نحف كثيير بعد ماتطلقنا ومو هو اللي يبي يتزوج لا اهم زوجوه عشان تزين نفسيته مع الزواج وتدرين ان هو مااعجبته هديل
الهام : وانتي وش دراك
جوري : تقول لي كل شيء رشا
الهام : اها المهم انا بروح اقول لابوي قبل لايطلع
جوري : ليش ابوي وين بيطلع
الهام : بيروح لعمي
جوري نزلت راسها وتعلب باضافيرها : اها
الهام : يلا باي
جوري : بااي
كلمت ندى على جوري وقالت لها قولي لرشا ونوف يججون لانهم وحشوني جوري قالت لها طيب
الهام قالت لابوها انهم يطلعون ووافق اوبها وقال بقول لاخوي اللي هو ابو فيصل جوري وهي بالسياره دقت على رشا
جوري : هلا رشو
رشا : اهلين جوري
رشا كانت جالسه مع ابوها وعمها ابو الهام وفيصل معاهم
وفيصل طبعا سمع اسم جوري وصار ناطل اذنه عند رشا
جوري : كيفك ؟
رشا : والله بخير ياليتك جايه مع عمي
ابو الهام لما درى انها تكلم جوري التفت على فيصل وبعدين سوا نفسه مااهتم وسولف مع ابو فيصل
جوري : لا والله وليش اجي
رشا : حلوه ذي ليش تجين توسعين صدرك معاي
جوري : لا مدري استحي
رشا : من تستحين منه
جوري : من هديل
رشا : من جدك تستحين من هديل اصلن بنجلس انا يواك بالغرفه يعني ماراح تشوفنا
جوري : المهم اسمعي
رشا : هلا
جوري : بطلع مع ندى ماودك تجين
رشا : اممم مدري بقول لابوي لحظه
جوري: يلا بسرعه
رشا : بابا عادي اطلع مع جوري
ابو فيصل : بكيفك اذا تبين روحي
رشا : ايه اكيد ابغى
ابو فيصل : خلاص روحي
رشا : اوكي خلاص بس أي سوق عشان اجي
جوري : للملكه بنتقهوى فيه ونتعشى ونرجع
رشا : اوكي
جوري : يلا باي
رشا : باي
وسكرت
رشا : السواق موجود
فيصل : لا رايح مع رنا وريم لسوق
رشا : ياااشينهم اوف منهم طيب وشلون الحين
ابو الهام : فيصل يوديك
ابو فيصل : ايه يافيصل ودها والرجعه لو السواق يرجعها
فيصل: خلاص طيب بسرعه بس لاني بروح لربعي
رشا : ايه دقيقه بس
وراحت رشا وهي تركض لغرفتها
ولبست بنلطون وتيشيريت
وبعدين فيصل دخل وهو يصرخ : رشااااااااا يا رشا وينك تاخرتي الله يهديك
رشا : هذا انا جايه
هديل سمعت صوت فيصل ونزلت تحت
هديل : فيصل وين بتروح
فيصلأ: بودي رشا لجوري وصديقتها
هديل : بروح الله يخليك
فيصل : انا ماراح اروح
هديل : لا قصدي بروح مع رشا
فيصل : بس الطلعه طلعت بنات
هديل : وشايفني عجوز
فيصل: لابس بس اهم توهم باولى جامعه انتي متخرجه من زمان
هديل : معليش بروح
ونزلت رشا : سوري تاخرت فيصل
هديل : هاه فيصل وش قلت اروح
رشا : وين تروحين
هديل : وانتي وش دخلك
رشا : سوري يلا فيصل بسرعه لااتاخر على البنات
فيصل : هديل انا مالي شغل قولي لرشا
هديل من طرف خشمها تتكلم : رشا بروح معاك
رشا : بس الطلعه طلعت بنات وماتناسب لك
هديل : الله يخليك
رشا : اوف مالي شغل <وتلتفت على فيصل > فيصل ترى تاخرت
فيصل : يلا تعالي
وراحت رشا وركبت السياره وفيضصل جاء وشوي وتجي هديل القاطه وتركب وراء
فيصل : بصوت واطي بس تسمعه رشا : لاحووول نشبه بعد
رشا : ههههههههههههه
هديل : يلا امش وش تنتظر
فيصل: لا قولي قسم اقول التزمي بالصمت اوف منك
هديل : سوووري
ومشا فيصل ولما وصلو للملكه بالصدفه شافو جوري تنزل ومعاها ببالسياره ندى فيصل مو مصدق انه يشوف جوري
جوري سلمت على رشا وشافت فيصل وهو بالسياره وناظرته بعدين سلمت على هديل
بعدين مشو البنات وقبل مايدخلو للسوق جوري التفت على فيصل وفيصل ابتسم وهديل شافت فيصل وهو يبتسم وقلبها فيييه حره من جوري
مشو البنات وهديل وراهم وهي قصيره ممسكينه
جوري التفت على هديل : هديل ليش ورانا تعالي معانا
هديل : مو شغلك
جوري: اعصابك اوف كلتني
البنات جلسو بستار بوكس اللي بالمملكه
جوري : غريبه ماسافرتو ياهديل
هديل : انا رفضت
رشا : اوف وش هالشلخ
هديل : أي شلخ
رشا : مو انتي اللي رافضه فيصل اللي مايبغى يسافر
هديل : هاه ايه بس حتى انا رافضه
رشا : اصلن فيصل ماخذا رايك
هديل : وانتي وشدخلك
رشا : لان اصلن فيصل يقول لي كل شيء
هديل : المهم يلا نطلب
جوري : انا بطلع اكلم نوف اشوف وينها
وطلعت وكلمت نوف وصارت نوف في المملكه انتظرتها جوري ودخلت هي وياها في نفس الوقت
نوف : السلام
الكل: وعليكم السلام
وسلممت عليهم كلهم ولما جاء دور هديل : مين
هديل : انا هديل زوجة فيصل
جوري لما قالت هديل اني زوجة فيصل الدنيا بدت تدور بها والكل عرف ان هديل بس حبت تقهر جوري
رشا تبغى تقهر هديل : يااالله الى الحين مااحس انكم متزوجين لان ماقد شفت فيصل مع هديل ولا مره اما في زواجه مع جوري كان ينزل مع جوري ويجلس جنب جوري الحين مدري وش قصته
هديل مو عارفه وش تقول : لا لاني انا اقول له روح انزل تحت وانا اقول له اني استحي قدام اهلك تصير معي عشان كذا مايبين الا بالغرفه
رشا : اصلن حتى بالغرفه فيصل يصعد قبلك وينام وهو يقوله لي وترى عيب الكذب
ندى شافت وجهه جوري اللي صاير اصفر
ندى : فيك شيء ياجوري
جوري : لا ليش
ندى : وش رايك نروح نتمشى
جوري : يلا
ندى طلعت مع جوري وجلست تتمشى معاها بعدين رجعت
جوري : ماودكم نتقهوى
رشا : الا يلا
جوري : اوكي انا كابتشينو
رشا دق جوالها وصار فيصل
رشا : هلا فيصل
جوري ماكانت سامعه عشانها تسال البنات وش يبون من القهوه
جوري : وانتي ياهديل
فيصل : مين هذي جوري
رشا : ايه
جوري : وانتي يارشا وش تبغين
رشا : كابتشينو
بعدين جاء اللي ياخذ الطلبات
جوري تكلمه بالانقليزي وفيصل ناطل اذنه ورشا مدري وش تقوله وفيصل مايسمع رشا يسمع جوري
وبعدين فيصل : اوكي باي
وسكرت
ندى : ساعه تكلمين
رشا : مدري عنه فيصل يقول لي وين مفتاح غرفتك قلت وش تبغى فيه قال باخذ سيدي وباخذ افلام وجلست اوصف له مكانه
الكل : اهاا
وبعدين جاء الكابتشينو وتقهوو
جوري : يلاباي انا بروح
ندى : والعشا
جوري : مالي خلق اكل
رشا التفت على هديل وترجع تناظر جوري : طيب عشاني
جوري : اوكي بس عشانك
هديل : احنا من بيجي لنا فيصل ولا السواق
رشا : مدري باتصل على فيصل وبساله
هديل : لا انا باتصل واساله
رشا : اوف يالقلق طيب اتصلي خلصيني
جوري: تناظر هديل وهي ودها تعطيها كف على الماشي
هديل : اوف مارد
رشا : اكيد بيرد علي
هديل : مااتوقع يرد عليك وانا لا
رشا : طيب ابشوف
دقت رشا
رشا : هلا فيصل
فيصل : هلا رشا
رشا : غريبه مارديت على هديل
فيصل : لاني عارف ان جوري بتعصب ومالي خلق لها هالقلق
رشا : هههه حلوه قلق
جوري فهمتها
رشا : المهم من بيجي لنا انت ولا السواق
فيصل : طبعا السواق
رشا : طيب ارسله لنا
فيصل : طيب خلاص باي
رشا : وش فيك معصب
فيصل : ترى مالي خلق
رشا : ليش مالك خلق
فيصل : انتي عارفه ليش باي
رشا : اوكي باي
وسكرت رشا بعدين تعشو البنات ورجعو للبيت
ومرت الايام كذا عاديه يوم الاربعا يوم الطلعه للبر
جوري : شااديه تعالي نزلي شنطتي تحت ثقيله حاطه فيها كل شيء![]()
الجزء الثامن والعشرون ...........
شاديه : حاضر ياست جوري انا قايه حالن
وجت شاديه ونزلت الشناط
طبعا اتفقو انهم يمشون مع بعض يعني يجون بيت ابو الهام بعدين يروحون مع بعض
ابو الهام : يلا ياجوري تاخرنا عليهم ترا اهم برا
جوري وهي تنزل من الدرج : هاه هذا انا جيت وين امي والهام
ابو الهام : ركبو يلا باقي انتي بس
جوري : يلا هذا انا خلصت
وطلعو ابو الهام وجوري
فيصل شاف جوري قدامه جوري راحت وشافت نوف ورشا واقفين عن سيارة فيصل راحت وسلمت عليهم وهي عيونها على فيصل وفيصل عيونه على جوري
رشا : كيفك ؟
جوري: كويسا
نوف : ترى بتركبين معنا
جوري: أي سياره
نوف : هاه ايه سيارة فيصل
جوري: ايه لا لا لاتحاوللين يانوف سوري انتم تعالو اركبو في سيارتنا
نوف : لا وين
جوري : نوف لاتزعلين بس انتي عارفه السبب
وفيصل يسمع كل شيء وجوري ماكانت تعرف ان فيصل يسمع
نوف : لا وشدعوى ازعل عالدنيا كلها ولاازعل علىى جوجو
ابو الهام : يلا ياجوري
جوري : اوكي جايه < وتلتفت على نوف ورشا > اوكي اشوفكم هناك باي
رشا : ترى بازعجك بالاتصالات لاتستغربين
جوري: عسل على قلبي
رشا : هههه تسلمين
جوري : ابوي عصب باي
وراحت جوري وركبت السياره وسكرت الباب وشافت فيصل يناظرها شالت عينها جوري وجلست تحوس بجوالها ومشا ابوها ام الهام حاسه في جوري وحتى ابو الهام صعب تشوف زوجها مع حرمه ثانيه وهي اصلن تحبه يعني عذاب والكل كان حاس بجوري واكثر وحده رشا
كان الطريق عند البنات بايخ لان جوري مو معاهم
وصلو للبر نزل فيصل من السياره ونزلو البنات وجوري كانت بالسياره تددخل اغراضها لانها كانت مطلعه الايبود وجوالها والسماعات وجلست تدخلها بعدين طلعت
جوري مو مرتاحه لهذي الطلعه لان هديل فيه
نزلت جوري وكانت هديل قاطه وجهها مع البنات وهي مو كبرهم ولا حولهم عشان كذا البنات مو مرتاحين
مر اليوم عادي, بليل الساعه عشر الكل نام مابقى الا جوري ورشا ونوف وفيصل ونواف وعبدالرحمن
جوري: وربي ملل
نوف : نلعب دبابات
رشا : في ذاالليل
نوف : عادي ترى تونا عشر بس لانهم نامو وصار هدوء تحسون اننا متاخرين
رشا : لا خااايفه
جوري : نغامر لو مره
رشا : واذا ططلعو فيصل ونواف بيذبحونا في ذاالليل ودبابات
نوف : لا ماراح يقولون شيء متى قد هاوشونا
جوري: ايه صادقه يلا بس امشو وبنلبس عباياتنا احتياط
رشا : يلا اجل
وراحو من عند الدبابات وشغلوها ومشو جوري كانت مسرعه مره وحتى نوف ورشا ويستهبلون ويفحطون
فيصل : من اللي شغل الدبابات في هذا الليل
نواف : اكيد البنات
عبدالرحمن : بروح العب معاهم
نواف : فيصل امش نروح عندهم والله ملل
فيصل : يلا
وطلعو فيصل ونواف وعبدالرحمن شغل دباب وراح يستهبل مع جوري لان جوري تحب تستهبل معه
جوري: من انت مااشوفك زين
عبدالرحمن : افا ماعرفتيني
جوري: دحوم هلا وغلا وينك اليوم ماشفتك
عبدالرحمن : وحتى انا ماشفتك
جوري : اقول نواف وفيصل جو
عبدالرحمن : ايه ليش
جوري: لا بس اسال
وراحو جوري وعبدالرحمن بعييييييييييد مره
رجعو رشا ونوف عند فيصل ونواف
نوف : ماشفتو جوري
رشا : وعبدالرحمن بعد
نواف : لا مو معاكم
رشا : لا شكلهم بعدو
وبعدين شافو لمبات الدباب من بعيد فيصل قرب يبغى يتاكد
فيصل : شوفوهم هناك
نواف : يااالله عبدالرحمن وجوري اجتمعو وكلهم مهبل
رشا : امحق هذي الدكتوره وتلعب دباب لا وحقت عظام بعد
نوف : هههههههههههه والله انك صادقه
فيصل ابتسم على ضحكه خفيفه
ووصلو جوري وعبدالرحمن
جوري كانت مرفعه العبايه ورابطتها عند خصرها وباين بنطلونها : ياااهووو فزت علييك
رشا : ليش وش قصتكم
جوري وهي تنزل من الدباب : لعبنا سباق وفزت عليه
رشا : واحنا مالنا رب
جوري : انتم بطيئين اما هو سريع
نوف : فزتي على مين عبدالرحمن
جوري: يب يب
فيصل خاق عند جوري
نوف : امانه جد والله ياعبدالرحمن
عبدالرحمن شفتي عاد فازت علي اول مره بنت تفوز علي
نوف : ههههههههههه مسكييييييييييييييييييين
عبدالرحمن : مالت عليك هذا وانا اخوك
نوف : لا ابغى اشفي غليلي منك
عبد الرحمن : طيب يانووفوووه
نواف : امششو بس نجلس في أي مكان
جوري مستحيه من نواف وتستحي تقول لا ماابغى فتحملت وراحو يجلسون بعيد عن المخيم شوي
جوري وكان جنبها من اليسار رشا ومن اليمين نوف وبعدين عبد الرحمن وبعدين نواف وجنب رشا فيصل
عبدالرحمن : نواف الله يخلي غني لنا
فيصل: تكفى
نواف : طيب بس وش اغني أي اغنيه مو فاضي افكر
فيصل وهو يناظر جوري: فقدتك
نواف : لا غيرها يافيصل
فيصل : عشاني
نواف : طيب احم احم
جوري ودها الارض تنشق وتبلعها ولا تسمع نواف يغني فقدتك
نواف : فقدتك يااعز النااااس فقدت الحب والطيبه وانا من لي بهالدنيا سواك ان طالت الغيبه رحلت ومن بقى وياي يحس بضجكتي وبكاي وحتى الجرح في بعدك يخزيني واهلي به وش اسوي بالالم والاااه ولكن البقى لله يصبرني على بعادك وذا حظي وراضي به ...
فيصل طول الوقت وهو عيونه على جوري وجوري عارفه انه يقصدها فيصل
بعد ماخلص نواف الكل صفق له وجوري تصفق بدووون نفس
فيصل كان يناظر جوري
جوري مو عارفه وش تسوي تحس ان الدنيا تدور فيها وودها تموت وترتاح في هذي اللحظه
