الجوري والفيصل

البارت الثامن

جوري : تعالي بروح اسلم عليها
رشا : يلا
وراحو وسلمت عليها وجلست مع رشا شوي
رشا : نروح تسملين على ابوي
جوري : ايه يلا بس من عنده
رشا : ههههههههه فيصل بس بنسلم ونطلع
جوري : والله اني خايفه بس اخاف اجلس ويقول عمي ورا ماجت تسلم يلا تعالي بس
رشا : هههههههه يلا
جوري : نسلم ونطلع
رشا : ايه تعالي
راحو للمجلس اللي فيه ابو فيصل وفيصل
دخلت اول رشا وبعدين جوري وفز قلب فيصل ووقف ابو فيصل وفيصل وسلمت جوري على عمها وبعدين على فيصل
رشا : اقول امشي امشي امشي
جوري : هههه يلا
فيصل حاس في جوري انها مستحيه لانها كانت ترتجف
راحت جوري
رشا : ياالله ذكرت شكلي او مادخلت عليه في الملكه
جوري : ياالله ياكلني البرد اذا شفته
رشا : شفتي اننا كنت كذا
وجلسو يسولفون وبعدين دخل فيصل وجوري قامت ترتجف
جوري : رشا وين نوف
رشا : ماراح تجي
جوري: غريبه مانشبت في عمتي
رشا : شكلها مااهتوت
جوري : يمكن
فيصل : لانواف عيا يجيبها
رشا : ليش
فيصل : مدري عنه
جوري : ياشين ذاالنواف ماقد سوى شيء بدون طقاق الله يصبر نوف
رشا : من جد والله الله يعينها
فيصل يوقف : انا بمشي
رشا : وين
فيصل : وش عليك زوجتي ماسألت وانتي تسألين
جوري : ههههههه
فيصل يلتفت على جوري ويبتسم ابتسامه خوقااااق
رشا :طيب طيب
فيصل : بروح اتمشى مع ربعي
رشا : لا كان ماتكلمت
فيصل : تبغون شيء
رشا وجوري : سلامتك
وراح فيصل لاصدقاه وجلسو استهبال جوري ورشا
وبعدين عطت رشا جوري التعليقه
جوري : مالك داااعي
رشا : لا واللله تعطيني ولا اعطيك
جوري: انا مااهديتك عشان تهديني
رشا : جوري مين قال كذا بس انا ابغى اهديك لانك تملكتي
جوري : ياحبي لك مشكوره ياقلبي
رشا : العفو كان ودي بأكثر
جوري :لا والله تهبل تسلمين
رشا : اقول امشي نتعشى
جوري : ياالله
ونزلو يتعشو مع ابو فيصل وام فيصل وهيونه الصغيره اما فيصل كان مع ربعه
بعد العشى وهم جالسين بالصاله
جوري : ياالله انا استاذن
ابوفيصل : وين يابنيتي
جوري : لا خلاص الساعه12
ابو فيصل : بسلامتك ..
ام فيصل : سلمينا على الاهل ..
جوري : انشاءالله يوصل
وبعدين راحت لغرفة رشا عشان عباتها هناك
رشا : اجلسي بس بتروحين هناك والكل نايم
جوري : لا اخاف اروح مع السواق بليل مرا حدي 12 او1
رشا : ياالله الشكوى لله ترى فيصل بيجي بعد شوي ذا بتجلسين
جوري : ليش فيصل يرجع مبكر من ربعه
رشا : لا اهو يروح يتقهوى معاهم واحيانا يتعشى والساعه 12او1 يرجع ويغير ملابسه ويروح لاستراحه
جوري : لالا خلاص بروح لاتحاولين
ولبست عبايتها ونزلت باست راس عمها ابو فيصل وباست راس خالتها ام فيصل وطلعت
وهي طالعه قابلت فيصل
فيصل : وين
جوري : لا خلاص الساعه12
فيصل : اجلسي لحد 2 او على الاقل1
جوري : لالا اخاف اطلع مع السواق لحالي
فيصل : مو مشكله انا اوصلك
جوري : المره الثانيه انشاءاالله
فيصل ابتسم ابتسامه تطير الطير من السما : اوووكي خلاص سلمي على عمي وخالتي والهام
جوري : انشاءالله يوصل يلا تبغى شيء
فيصل : سلامتك
جوري : مع السلامه
فيصل : في امان الله
وركبت جوري السياره ولما مشت دخل فيصل
فيصل : السلام
الكل : وعليكم السلام
رشا : يوووه لو انك جاي من عشر دقايق كانت فيه جوري
فيصل : ايه شفتها عند الباب
رشا : اشوى
فيصل : يمكن مااروح للاستراحه اليوم
رشا : غريبه
فيصل : مالي خلق
ام فيصل : رح بس ووسع صدرك
فيصل : لالالا مالي خلقهم شفتهم من شوي خلاص
ام فيصل : انا بروح بس انوم اليوم تاخرت تصبحون على خير
فيصل : وانتي من اهله
ابو فيصل : وانا بعد بروح انوم لاتزعجون
فيصل : هاو يايبا شايفنا مبزره
ابو فيصل : انت ورشا منتوب كابرين ابد
رشا : هههههههههههه طيب فيصل بيتزوج بتقول له لاتزعج
ابو فيصل : هههههههههه ايه بقوله
فيصل : هههههههههههههههه
وراح ابو فيصل ينام

فيصل كان يحوس بالجوال
رشا : وش تسوي
فيصل : ادور مسجات حلوه
رشا : لمين
فيصل : مو شغلك
رشا : لجوري
فيصل : قلت مو شغلك
بعدين بعد خمس دقايق تقريبا
فيصل : ايوه هذي
رشا : تبغى تاخذ رايي
فيصل : لا شكرا
وارسل هذا المسح لجوري .........
اغليه يعني اعشقه ...
اعشقه يعني اموت فيه ....
يعني انا ميت مع عشقه ....
ومرتبت الشرف ...
ميت ويعشق ...
والسبب ...
مافيه داعي اني احكيه ....
...{.. احبــك ....
................................................
جوري كانت تبدل ملابسها ودق جوالها نغمة الرساله ولبست وراحت انسدحت بالسرير
قرت جوري الرساله
جوري ""ياالله مره رومانسي بس وش ارسل له "
وارسلت له ...
قررت اموت بحبك ...
وامشي معاك بدربك ...
انت ياساكن قلبي ...
اسمحلي اعيش بقلبك ...
قربك ترى يحيني ...
وصوتك انا يهديني ...
وبعدك ترى يبكيني ....
لاتغيب عني وربك ....
.............................................

فيصل قرى المسج
فيصل ""ياالله ادق عليها ولالا بس ليش ماادق اهي زوجتي خلاص يعني عادي شكلي بدق""
نروح لجوري جوري كانت جالسه تشوف فلم مرا رومانسي وفجاه دق الجوال وكان على المكتبه حقت الغرفه وراحت بتشوف مين صااار فيصل سكرت الفلم من غير راي وخذت نفس بعدين ..
جوري : الو هلا
فيصل : هلا بك اخبارك ؟
جوري: كويسا انت كيفك ؟
فيصل : بخير دامني اسمع هالصوت
جوري : ههه تسلم
فيصل : مليت من المسجات قلت اكلم احسن
جوري : ايه صح
فيصل : غريبه مانمتي
جوري : تونا الساعه 2
فيصل : اها وجالسه لحالك
جوري : ايه عادي متعوده انت
فيصل : ايه لحالي رشا تحت بس مو فاضي لها
جوري : اها غريبه ما رحت للاستراحه
فيصل : مالي خلق وتعبان اليوم
جوري : ليش سلامات وش فيك ؟
فيصل : لامافيني شيء بس تقدرين تقولين مليت من ربعي
جوري : ايه اذا كنت كل يوم تشوفهم اكيد بتمل
فيصل: من ناحية كل يوم ايه كل يوم اتعشى معهم واسهر معهم
جوري : اوه بعد
فيصل : هههههههههههه ليش مستغربه كل الشباب كذا
جوري: طيب في سهرتكم وش تسون
فيصل حاب ينرفز جوري : اممم اللي يكلم حبيبته واللي يطلعع يغازل بتحليه
جوري: اوف اوف يعني انت تسوي كذا
فيصل : مو كل يوم
جوري : معقوووله انت تسوي كذا طيب وش بتستفيد بالاخير
فيصل : اممم مجرد تسليه
جوري : ومن وين تجيبون الارقام
فيصل : ندق أي رقم مميز اذا صارت بنت حلو واذا صار ولد نقول غلطانين وبس
جوري : اها وانا اقول كل يوم يدقون ذالشباب علي بليل صار تسليه
فيصل : ليش قد احد دق عليك
جوري : ايه بس انا ارد اذا صارو يتفلسفون سكرت
فيصل : ايه خلك كذا لاتعطينهم وجهه
جوري : ايه عارفه اصلن انا متربيه
فيصل : وش قصدك
جوري : بصراحه يافيصل ماتوقعتك تسوي كذا طحت من عيني
فيصل : ههههههههههههههههههههههه
جوري: قلت شيء يضحك
فيصل : ايه اصلن امزح عليك بس حبيت انرفزك
جوري : اووووه وانا احسبه جد
فيصل : لالا ترى مو انا من هالحركات
جوري : اهم شيء
فيصل : المهم شكلي طولت عليك يلا تبغين شيء
جوري : لا شدعوى سلامتك
فيصل : باي
جوري : بااي
جوري في نفسها "" ياالله يافيصل كل يوم احبك اكثر من قبل ""
نامت جوري وقامت الساعه 1 الظهر وتروشت ولبست ونزلت
جوري : صباح الخير
ابو الهام : صباح النور
جوري : اجل وين امي
ابوالهام : رايحه لسوق تشتري لها اغراض
جوري : اها
ابوالهام : روحي تغدي ترى تغدينا
جوري : انشاءالله
وقامت جوري وراحت تقول للخدم يسون لها الغدى وبعدين راحت تتغدى وراحت لغرفتها
دقت رشا عليها
جوري : الو هلا
رشا : هلا اخبارك ؟
رشا كان عندها فيصل
جوري : بخير الله يسلمك انتي كيفك ؟
رشا : تمام
جوري : قايمه بدري
رشا : شفتي عاد المهم تعالي لنا اليوم
جوري : اقول روقي صار حلا انتي اللي تعالي
رشا : لابليز تعالي انتي
جوري : لا والله اصلن انا بروح اليوم بشتري لي شيفون انا والهام
رشا : ليش شيفون لفستان زواجك .
فيصل فز قلبه
جوري : ايه الله يعين
رشا : يوووه الله يصبرك لقيتي طيب موديل
جوري : ايه لقيت في مجله فستاان رااايق
رشا : ايه اهم شيء الموديل
جوري : هاه وش قلتي تجين اليوم ونروح انا وياك وبكلم نوف تجي
رشا : لالا شكلي منيب جايه من بيجيبني
جوري : فيصل ولا سواقنا
رشا : لا لا فيصل مااتوقع مااراح امس لربعه واكيد بيروح لهم وسواقكم مستحيل لاتحاولين خلاص مره ثانيه
جوري : خلاص بكرا اكيد
رشا : ايه خلاص بكرا بقول لفيصل يلا تبغين شيء بسكر
جوري : لا سلامتك
رشا :باي
جوري : باي
وسكرت
فيصل : ليش ماراح اوفق اوديك عادي بوديك
رشا : لا اصلن انا ماابغى اروح لانها بتروح تشتري شيفون لفستان زواجها هي والهام
فيصل : طيب عادي روحي
رشا : لالا هي واختها وشيء لزواجها واحس قاطه وجهي بكرا توديني اوكي
فيصل : ايه خلاص
رشا : اوف شكلي بروح انوم
فيصل : واحد ماسكك
رشا : لا هههههههه الحمدالله خرفت انت شكلك
فيصل : اووووف مليت من البيت
رشا : شفت وانا اربع وعشرين ساعه فييييييه تخيل
فيصل : اوف انا شكلي بطلع باااي
رشا : ايه لنا ربي باااي
وراحت رشا تنام
نروح لنووف اللي من زمان عنها كانت جالسه مع عبدالرحمن اخوها وتلعب اونو وفاز عليها عبدالرحمن
نوف : اوووووووووووف مليت
عبدالرحمن : هههههههههههه لعبنا خمس مرات ولا فزتي ولا مره
نوف : اقول بروح اكلم جوري من زمان عنها اخر مره الملكه
عبدالرحمن : طيب ترى تونا ثلاث ايام على الملكه مامرت
نوف : تدري لو اجلس هنا دقيقه بمووووت بنهبل
وراحت نوف وعبد الرحمن فاااطس ضحك
راحت نوف وكلمت على جوري
جوري : هلا وغلا بالقااطعه
نوف : هلا بك حرام عليك كلما جيت بكلمك مايصير وقت
جوري : لا والله