أصبح ملاذي...

بارت3

أللهم صلي على محمد وأل محمد...
~~~~~~~~~~~~~~~~~~~~~~~~~~~~~~~~
أصبح ملاذي..

بقلمي.. أية أل علي..
~~~~~~~~~~~~~~~~~~~~~~~~~~~~~~~
في مكان أخر...

ملاذ::-وانتَ منوو وتعلمني أصح من الغلط طول عمري مادنگت راسي ولا راح ادنگه بيوم أني الباشااا
طول عمري عشت طير حر ماأحط بس على فريستي
لا تتوقع أنزل على أنذال مثلك..
عزة نفسي ثم عزة نفسي... ضربت على ميز المكتب وطلعت صااح وراي

يجيك يوم ترجعلي متندم... ابتسمت بستهزاء أجه بيت شعر على بالي.

ٱگـص راسـي وجـيك لـحد
ٱلـمتون ٱخـاف ٱرجـع
عـليك مـدنك ٱلـراس...

حجيتهاا بوجها وطلعت.. اليوم نزولي توجهت للبيت وصلت أشوف ألمه الي متعود عليه.. ابتسمت لا أرادي...

نور الهدئ::-كل عاده متعودين بچيت ملاذ نلتم بلحديقة ننتضرة يطل علينه بهيبته.. صاحتني بيبي..
هاا بيبي مو اليوم ملاذ نازل وجاي احضر للعصورنيه بلحديقة..

بيبي::-وشنوو هاي العصرونيه يبعد بيبتج..
ادهم::-بيبي هاي سوالف زعاطيط كولي جاي نحضر للعصر يجي ملاذ منين طلعتي بلعصرونيه هاي..

نورالهدئ::-ادهم انتَ أخر من يحجي ماعليك لا اصير فيلسوف براسي..

ادهم::-گبر طم راسج منو حجه وياج..

نورالهدئ::- طلعت جهزة الكعك والكيك.. زهراء أتسوي بلچااي...

دخل ادهم لازم سبحة ملاذ ويقلدة..

ادهم::-عفيه بلنادراة يله بنياتنة الحلوات اجهزآ الكل جزاجآ الله خير الجزاء..

زهراء::-ادهم الله يخليك ولي من يمنه وأكفنه شرك كافي ماتمل مثل اطفل بالبيت..

نورالهدئ::- تعال تعال ملاذ يدري لازم سبحته..
بسيطه اذا مااروح أگله عليك..

أدهم::-أهووووو شلون وياجن ماعليج شدخلج أم الكمل. ههههههههههه

نور الهدئ::-اني ام الكمل بسيطه والله اليوم اله اخلي يشوي البصل ع أذانك..

بدت زهراء تحضر بطاوله طلعت أمي وبيبي وأيهم وملاذ...

بيبي::-هلاا وغلااا البيت يزهي بصاحبه

ملاذ::-أمي الثانيه بعد گلبي يزهي بوجودج

ادهم::-چاا اني شنوو هناا رجل كرسي اذا يزهي بملاذ وينور ب أيهم

بيبي::-انتَ معزتك خاصه ياا بيبي..

ادهم::-أمممم ان شاء الله خير...

زهراء::-عم الهدوء ياگلون سكته.. كسر الهدوء ادهم..

ادهم::- اني باجر لازم اروح اسوي جنسيتي..

ملاذ::-شبيها..؟

ادهم::- والله خويه مليت من حياتي اروح اشيل كلمة اعزب وأخلي أرمل..