أصبح ملاذي...

بارت6

أللهم صلي على محمد وأل محمد...
~~~~~~~~~~~~~~~~~~~~~~~~~~~~~~~~
أصبح ملاذي..

بقلمي.. أية أل علي..
~~~~~~~~~~~~~~~~~~~~~~~~~~~~~~~~

حرامات المشيتلهن مشني
هذا اخر سلام الروحي مني!

عشق::-رجعت واني بالي كله يمها ليش هيج وجهاا
ماكدرت احجي رجعت للبيت

مرت الايام و روان.ماكو مختفيه..

رنا::-گووومي ست الحسن بس تاكلين وتنامين گومي نضفي البيت..

عشق::-بس البيت نضيف مايحتاج تنضيف..؟

رنا::-وينه وين تنضيف بعدين العيد قريب سوي تعزيله للبيت ماريد اشوفه بهاي الكركبه وهاي الغراض البي كلها تتغير..

عشق::-ماكو شي يتغير غراض امي تبقه علقل ذكره منها..

رنا::-ههههههااي ضحكتيني واني مالي نفس اضحك شوفي لج الغراض تتغير وكلشي يمشي مثل مااني اريد عاجبج ماعاجبج
أكوو حايط وراج رگعي راسج بي. ذكره من امهاا تهي بهي تمشي عليه هاي سوالف

يله گومي شبيج أصنمتي بسرعه نضفي ولا تنسين نضفي غرف البناات..

عشق::-الدنياا طلعت من عيني وأني اشوفها شلون تغير كلشي تعبت عليه أمي وتشتغل بكيفهاا وأبوي، صاير محبس بأصبعها..
گمت بعصبيه انضف واعزل بالبيت دموعي تنزل لا أرادي تعبت واني انده أمي ترجعلي...

كملت تنضيف البيت. وصعدت لغرفتي صادفني جنى وجنات..

جنات::-نضفي غرفتي..

جنى::-وغرفتي هم وياج وصخه كلش

عشق::- شنووووووو..؟

جنات::-شبيج ماسمعتي نضفي غرفنه

عشق::-تعالي بله شوفي اكو نقطه بگصتي.؟

جنات::-لا ماكو ليش..؟

عشق::-چاا منو گالج اني هنديه اشتغل عندج وعند اختج.. مكسرات بيجن مرض موزين وانضف غرفجن

جنى::-والله طلعلج لسان  لا تخليني اصيح لزهر وتعرف شيصير..

عشق::-لا بالله خوفتيني سمعي لج انتِ واختج لو تموتن ما انضف خيستجن امهات الوصخ

حجيتهاا ودخلت لغرفتي وقفلتها.. يااربي هسه يجوني هسه اني جبانه ليش افتل عضلاتي.. شويه وسمعت صوت عالي بالبيت وابوي يصيح.. ندگ الباب بقوواا كمت بخوف.. يااربي الله ياخذني لمن حجيت حتى روان مو يمي هاي المره منو يدافعلي..

فتحت الباب طلع ابوي بوجهي وزهر وراا واكف وجنى وجنات حضنات امهن ويبجن..

حسن::-عشق ليش مانضفتي غرفهن للبنات..

عشق::-بابا اني من اصبح لهسه اشتغل بالبيت وماكلفن نفسهن يجن وياي وعندي أمتحان اريد اقراا وهنه ولا همهن يوصخن وعليه تنضيف... صدمني رد ابوي..