نـجمه فـي الضلام ( انـتقام )

الحلقه الثالثه

بسم الله الرحمن الرحيم

*زمرد*
من وصلنا جان هناك الـكل
بعد السلام والكلام المعتاد راحو خالاتي وعماتي وماما يسوون الاكل وعمامي وخوالي وجدي يسولفون اما احنا فـ التمينا بالاستقبال لان همه كاعدين بـ صاله المهم جان كل واحد كاعد بجهه لحد ماحجت الماسه

الماسه : اكلكم

الكل :ها

الماسه : خلي نلعب لعبة الصراحه

تاليا : يلااا

روز : اي والله

مصطفى : انفضحنا

الريان : ههههههه

عبدلله : ديلا يلا هو احنا مفضوحين

الكل : هههههههه

سامر : تعالو تسوي دائره يلا جيبولنا بطل

زمرد : هذا بطل
كعدنا على شكل دائره فر عبدلله البطل وكع عليه و الريان يسئلني

الريان : تحبين شخص

زمرد : تؤ اكيد لا

عبدلله : صدكك

زمرد : شبيكم

مصطفى : خطيه صفنو لان عبالهم تحبين شخص

زمرد : الله يبعدني

سامر : ليشـ

زمرد : مدري غلس يلا كملو

مصطفى : انييي افر البطل جيب
فريت البطل جان يطلع على سامر وعبدلله يسأله

الريان : وكععع سامر في الكمين

سامر: يبووو

تاليا ، الماسه ، روز : هههههههههه

عبدلله : بلا لف ودوران اسم الحب

سامر : استهدي بالله

تاليا : انجب وجاوب

سامر : مقبوله منج اختِ الطايح حضها

الماسه : الله يطيح حضك مو حضها

تاليا : وكفووو

روز : يلااا

عبدلله : جاوب

مصطفى : اويلييي

الريان : ختيه ختيه

سامر : راح اكول بس اخر حرف

الكل : اي

سامر "د"

الماسه : شنو رأيكم الكل يكول اخر حرف من الشخص الي يحبه ماطول سامر كال

مصطفى : اخر حرف "ه"

روز : اني هم "ه"

عبدلله : اني "ز"

تاليا : نون

الريان : الف

زمرد : لا احد

الماسه : اني الف هم

*بيلا*
كملتتت انيي

جان عرس ابن عمتي فـ طبيعي كملت اول وحده وطلعت بره لابسه فستان قصير لونو ازرق و ميكب خفيف كعدت بره لا شغله ولا عمله منتضره شوكت يكملون حتى نروح

ام حسين : ولج بيبي وين حبوبتج

بيلا : بيبيتي ام بنين بالمطبخ

ام حسين : خوش حبوبه عدج فلوس ؟

بيلا : اي ابويه انطاني الصبح اشتريت جبس

ام حسين : جا بيبي ليش ما متغديه تعاي شربي وياي جاي وخبز وروبه طيبات تعاي يمه مو زين عليج

بيلا : بيبي مااشتهي

ام حسين : انتِ وصية حسين شون مااخليج تاكلين جدج يزعل عليه تعاي يمه اكلي

بيلا : هزيت راسي بـ اي

ام حسين تصير ام جدي جدي متوفي قبل سنين وهيه اكثر شخص متعلقه بيه من بعد جدي ابو امي الي يصير ابنها

بعد وقت قصير الكل كمل واخيراً راح نولي لـ عرس ابن عمتي رجعنا للبيت وامي كالت الي اني وسيرا ننام من وكت حتى نكعد من وكت علمود الصباحيه مال ابن عمتي همه بيتهم بصف بيتنا ف عادي

فزيت الصبح امي تصيح يمي

ام بيلا : يله كومنن ما تشبعن نوم؟؟؟؟

بيلا : يمه ها ها

ام بيلا : كومي بـ..
قاطع صوتها صوت صرخات يجي من بره كمزت طلعت طلعت زوجة عم امي تصيح

: ماتتتتتتت ولكممم ماتتت ام حسينن

رجليه بعد ما يحملن امشي

بيلا : يـ يـا داحي الباب عيني على مصيبتي ركضت لبيت اهل امي دخلت ام امي تتفتر

بيلا : شـ شبيها بيبي!

ام بنين : ماادري اجه جدج كرم سئل على وصفاتها وكلشي يخصها يردو الدكاتره وجنسيتها بس ما كال بيها شي !

بيلا : اي واخذ السعلوه ام شروق وياهم

ام بنين : بيلا!

بيلا : اسفههه بس هاي شبيها ام علي وكفت كلبي وحك داحي خيبر جسمي لسه يرعش

ام بنين : الله كـريم

مااعرف شنو وشون بس باوعت اني لابسه اسود واكو مله تنعى اديه رجفن

ام بيلا : يمه طلعي صيحي لـ سقراط و حسنين خلي يجيبون كارتون مي من بره

سقراط ابن عمتي وحسنين ابن خالتي ثنينهم نفس عمري طلعت بره وعيوني ذبلانات ليش راحت مو جانت تكلي يمه وصية حسين انتِ مااهدج
صحت للولد وكعدت بمكان قريب على البيت صافنه بسماء شويه واجت سيرا تركض

سيرا : جـ ج جابو تابوتها بيلااا ومحد يخلينا نفوت

فزت روحي وياها
مجنت اعرف انو الي يموت يجيبون تابوته للبيت ف عبالي تجذب عليه مر ايام وايام وخلص ثالثها وبده الحزن الجديد

تخلص الفاتحه ونرجع للبيوت
وتبدي فاتحتنا الجبيره.

يتبع.....