طرقت روزى الباب ليفتح لها هيونجين و فيليكس
"صباح الخير يا أطفال" قالت روزى
"صباح الخير ، عاوزة ايه ؟" قال فيليكس
"جبنالكم هدية" قالت روزى تعطى لهم الصندوق فأخذه هيونجين منها و لكنهم لاحظوا عين روزى المجروحة
"إيه اللى عمل ف عينك كدا ؟" سألها هيونجين
"لا مفيش دا انا أكلت أكل جيسو بس فَ خربشتنى"
"جيسو خربشتك عشان الأكل ؟ مع إن جيسو مش مفجوعة يعنى زيك" تعجب فيليكس فأرسلت له روزى نظرات قاتلة قبل أن ترحل
.
"إيه القطة دي؟" سأل بانغتشان يحدق بالقطة النائمة على الأريكة فأجابه هيونجين
"روزي و جيسو جابوهالنا هدية"
"أنا سمعت كلمة قطة!" صاح لينو ثم أتى بسرعة البرق أمامهم ليبحث عن تلكَ القطة
بعد أن وجدها حملها ثم أسرع لغرفته حتى يطعمها و إعتبرها من أطفاله
بعد ثوانٍ خرج لهم لينو و هو يصيح
"القطة طلعت بلطجية!" إنتحب و هو ينظر ليده التى تحتوى على جرحٍ تسببت به القطة
"إزاى يعم دا القطط كيوت حتى" تعجب هان
"أنا فهمت! روزي و جيسو قرروا إنهم يبعتولنا القطة دى بعد ما خربشت روزي"
تحدث فيليكس
"تصدق ممكن! طب نعمل إيه عشان نخلص من القطة؟"
سأل أيان
"نقولها: ممكن تطلعى برا يا قطة؟" إقترح سيونغمين
"و القطة هتفهمك يعنى يا أينشتاين؟"
قال تشانغبين
"ما إحنا هنقول لها: مياو مياو مياو مياو"
تحدث سيونغمين مجددًا
"بصى يا سيونغمين يا حبيبى إنتَ تفضل ساكت أحسن" قال بانغتشان فأومأ سيونغمين
"طب ما نرميها من الشباك؟" إقترح أيان
"إنتَ متخلف ياض! عاوز تقتل قطة!"
صاح لينو
"طب متيجوا نوديها لشركة البسبس مان تبع يونغي مش يمكن يعرف يتعامل معاها؟" إقترح بانغتشان
"مش يمكن أصلًا تكون القطة من شركته" أضاف هيونجين
"طب ثوانى بس، إحنا إزاى هنوديها و هى لو حد شالها بتخربشه؟" سأل لينو
"نعمل معاها زي ما بتعمل معانا، يعني نهددها بمطوة" تحدث تشانغبين وهو يخرج المطوة من جيبه
"تصدق صح، عندك حق" قال هان
"بس ياض إنتَ و هو، أنا عرفت الحل"
قال بانغتشان
"إيه ؟" سأل كلهم فى صوت واحد
"نروح لشركة -حل المشكلات-" تابع بانغتشان حديثه لينصدم الجميع
"مش دى الشركة اللى مديرتها كيم سيجيونغ؟"
تسائل سيونغمين فأومأ بانغتشان
"إزاى مجتش فى بالنا!" تعجب هيونجين مع بسمة بلهاء ليزيل بانغتشان الغبار الوهمى عن كتفه بفخر
"أنا ذكى، عارف"
.
وصل الأطفال الضالة لشركة حل المشكلات
كانوا منبهرين بجمال الشركة ليس لأنها شركة جميلة و نظيفة
بل لأنها أول مرة يدخلون شركة أصلًا
توجهوا لمكتب سيجيونغ المديرة
و عندما دخلوا كانت منشغلة فى بعض الأعمال لذا لم تلاحظهم
تحمحم بانغتشان ثم بادر بنبرة متوسلة
"يا ست هانم، عندنا حالة طوارئ محدش غيرك هيعرف يحلها"
بدلت سيجيونغ بصرها إليهم تتفحصهم بعينها قبل أن تقول
"إيه حالة الطوارئ؟"
"قطة!" قال لينو بدرامية
"إنتو بتتكلموا جد؟ إنتو جايين و حالة طوارئ و مش عارفة إيه عشان قطة؟"
قالت بنبرة حادة
"لا ميغركيش دى قطة بس أقوى مننا أصلًا يعني قطة بلطجية بإختصار" وضح تشانغبين
همهمت سيجيونغ ثم إستقامت من مكتبها
"تمام، يلا بينا نتخلص من القطة"
.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مديرة الشركة:
أنت تقرأ
《 يوميات بيستات || بالمصري 》
Humor𝗠𝘆 𝗯𝗲𝘀𝘁 𝗳𝗿𝗶𝗲𝗻𝗱 𝘄𝗵𝗼 𝗶𝘀 𝘄𝗶𝘁𝗵 𝗺𝗲 𝗶𝗻 𝗷𝗼𝘆 𝗮𝗻𝗱 𝘀𝗮𝗱𝗻𝗲𝘀𝘀 🌿 صديقتي الصدوقة اللى معايا في الفرح و الحزن 🌿 ______________________________________..♡ Ⓒⓗⓐⓔⓢⓞⓞ الرواية خالية من اي ثنائي 🦋 الرواية للضحك فقط 🦋 ___________...
