تبادل الجميع فيما بينهم نظرات الحيرة والقلق
"طب بصى احنا هنعملك اللى انتِ عاوزاه، بس سبينا فحالنا أبوس إيدك انا بجرى على يتامَى" تحدث بانغتشان بنوعٍ من أساليب الشحاتة لترمقه جيني بإشمئزاز بل ترمق جميعهم بإشمئزاز منذ أن ذخلت من الباب
"يتامَى؟ انتَ اتجوزت وخلفت ومراتك ماتت كمان يا بانغتشان من ورانا؟" سأله هان بتعجب
"بس يا عبيط، انتو اليتامَى" أردف تشان
"بقولكم ايه! انا ما صدقت اكون بشرية عشان اعمل اللى انا عاوزاه زى البشر" تحدثت جيني اخيرًا بنبرة حادة
"البشر بيعملوا اللى هما عاوزينه؟ مين المتخلف اللى قالك كدا!" قال تشانغبين
"استاذة جيني حضرتك انا كنت بحسد القطط و بتمنى اكون قطة عشان انا متمرمط وانا انسان" قال هيونجين بدرامية
"انتِ عشان جديدة فى حياة البشر بتقولى كدا، انتِ عارفة بعد اسبوع واحد بس هترجعى لسيجيونغ بنفسك عشان تحولك قطة" أردف أيان
"يااه يا استاذة جيني، لو تعرفى انا كان نفسى اكون جاموسة..مش هقولك قطة زيهم واكدب عليكى لا انا كان نفسى اكون جاموسة اصلا
المهم يعني كنت بروح الصعيد مع هيون واتفرج على الجاموسة وهى مش بتعمل حاجة غير تاكل و تشرب و تنتج لبن" تحدث سيونغمين
"خلاص خلاص انتو هتحكولى قصة حياتكم؟ بقولكم ايه عاوزيني اسيبكم؟"
قالت جيني
"اه" رد الجميع بصوت واحد حتى الارنبة و السنجابة و فيليكس الميت على الأرض بسبب لكمة جيني
"عندى شروط" قالت جيني مجددًا
إتسعت عينا فيليكس ثم إستفاق من موته و إستقام من الأرض يشهر سبابته بوجهها بينما يصيح بغضب
"هو ايه اللى عندك شروط! بعد كل دا وكمان فى شروط! يعني اقتحمتى بيتنا وخربتى عيشتنا.."
لم يكد ينهى حديثه حتى لكمته جيني مجددًا ليقع على الارض
"براحتك يفنانة قولى الشروط" قال فيليكس قبل أن يغمى عليه
"أولًا كدا تقولوا لسيجيونغ إنى مش فى بيتكم وتقولوها انى رجعت لشركة البسبس مان المهم متدورش عليا
ثانيًّا لازم تجيبولى بيت و تدورولى على وظيفة عدلة أكسب منها فلوس
ثالثًا بقَى ودا المهم، مش عاوزة أشوف الواد المغمى عليه قدامى تانى الا إتشاهدوا على صاحبكم"
إبتسم سيونغمين ببلاهة وقال
"ما شاء الله، دى عارفة حياة البشر أكتر مننا"
"تربية البسبس مان بقَى" همس له تشانغبين
"تصدقى يا أستاذة جيني، انا كنت بعشق القطط و أول ما شوفتك.." قال لينو
قاطعته هى قائلة
"بقيت تكرههم صح؟"
"ايه دا عرفتى ازاى.."
كاد أن يكمل لكن بانغتشان ضربه على ظهره بقوة ليتابع بينما تعابير الآلم على وجهه، بإبتسامة مزيفة قال
"ازاى تقولى كدا لا طبعًا بقيت احبهم اكتر"
"هو احنا ازاى هنجيبلك بيت يا استاذة جيني؟" تحدثت جيسو
"معرفش اتصرفوا، اشحتوا، اعملوا اى حاجة"
أجابتها جيني بلامبالاة
"نشحت تانى! ما احنا جربنا الشحاتة عشان نجمع خمسة مليون جنيه ومنفعش" تذمرت روزى السنجابة
"اقولك حاجة، روحى لبيت بتس هما أغنياء وهيعرفوا يجيبولك بيت"
قال هان
"يعم دا انا ما صدقت هربت منهم، دا اليوم الوحيد اللى يونغي جابنى فيه لبيتهم
نامجون عملنى قطة تجارب، و جين قاعد يقولى انتِ قطة كيوت بس مش اجمل منى، و يونغي اصلا نايم ومش عارف اللى بيحصل فى الكوكب، و جيهوب كل شوية يأكِلنى حتى وانا شبعانة علشان خايف لأجوع، و جيمين كان هيرميني من الشباك كذا مرة بس جيهوب أنقذنى، و تايهيونغ كان بيحطنى مع يونتان عشان نلعب و احنا اصلا بنقعد نضرب ف بعض، و جونغكوك كان بيحطنى فى التلاجة جنب الحليب بالموز" قالت جيني
"انا اتعاطفت معاكى اوى يبنتى، خلاص هنجيبلك بيت" مسح هيونجين دموعه الوهمية بدرامية ليضربه تشان على ظهره بقوة
"هنجيبلها منين يا زفت!" صاح به تشان
"هنتصرف" قال هيونجين
.
وحشتونيي أوي يبنوتات 😭💗
أسفة على الغياب بس الأفكار مش موجودة 🙂💔
يا ترى هيتصرفوا إزاى؟
وهل جيسو و روزى هيرجعوا بشر؟
أنت تقرأ
《 يوميات بيستات || بالمصري 》
Humor𝗠𝘆 𝗯𝗲𝘀𝘁 𝗳𝗿𝗶𝗲𝗻𝗱 𝘄𝗵𝗼 𝗶𝘀 𝘄𝗶𝘁𝗵 𝗺𝗲 𝗶𝗻 𝗷𝗼𝘆 𝗮𝗻𝗱 𝘀𝗮𝗱𝗻𝗲𝘀𝘀 🌿 صديقتي الصدوقة اللى معايا في الفرح و الحزن 🌿 ______________________________________..♡ Ⓒⓗⓐⓔⓢⓞⓞ الرواية خالية من اي ثنائي 🦋 الرواية للضحك فقط 🦋 ___________...
