يله نبدي كايزز حتخر بل بل بارتات لان كلش متعبه هاي الشغله وهسه انبدي
......؟..............
ولج رتاااااج كومي ما شبعتي نوم
رتاج... ماما خليني انام بعدني ماشبعت
الام... صارت الساعة 12 وما شبعتي
رتاج... حبابة ماما بس شوية
الام... اذا ما ادكومين اذب عليج مي
رتاج... خلص كمت كعدت مكسرة كلش ومالي خلك اليوم عندي عطلة وباجر عندي امتحان انكليزي ولازم اقرة زينرتاج.... كعدت لكيت ماما ضامتلي اكل جبن ومربى حميت الجاي وكعدت اتريك كملت وشلت الماعين غسلتهن ونضفت ويا ماما شوية لكيت ماما مكملة الغدة للعصر اجة بابا واخوي الصغير
الاب... اليوم ريحة الاكل تخبل صبيلي ميت جوع
الام... هلة بيك ابو ياقوت صار من عيوني
مؤيد... ماما واني هم ميت جوع
الام... دخلو غسلو لبين ما اكمل الصب
رتاج... ساعدت ماما مدينة السفرة وصبينة الاكل
اجة اخوي مؤيد طخني بايدي عمدا دائما يتحارش بية لا خبيث
رتاج..... بابا شوف مؤيد ضربني
مؤيد.... بابا جذابة
الاب... لك مؤيد ليش تمد ايدك على حبيبتي المدالله
مؤيد.... بابا ماسويت الهة شي جذابة
رتاج... اطلع السانهة وتعيب علية 😂
مؤيد... اني اعلمج خبيثة
الام.... كافي تتعاركون تعالو اكلوا
رتاج. مؤيد.. حاضر ماما
رتاج... كملنة اكل وشلت الاماعين وغسلتهن
وسويت جاي وصبيت الهم
مؤيد.... بابا اصدقائي راح يطلعون سفرة سياحية اريد اطلع وياهم
الاب.... وين هاي السفرة
مؤيد... للبصرة يومين بس ونرجع
الاب... لا بعيدة ما اكدر اخليك تروح وحدك واخوك ماموجود لو موجود اخلي يمشي وياك
مؤيد.... بابا شنو اني زعطوط وما تخليني امشي وحدي كتلك جماعتي وياي
الاب... لا يعني ما مرتاح لهاي الطلعة انتة طايش واصدقائك ابد مو راحة وما احب الف مرة كتلك ابتعد عنهم بس انتة ما تسمع حجايتي الة لان اذبنة بمصيبة
اني رايح انام منار كعديني ب6
الام... صار بعيني
مؤيد... ماما الله يخليج قنعي بابا
الام.... انتة تعرف ابوك اذا حجة حجاية بعد ما يعيدهة
مؤيد... ماما الله يخليج حاولي ويا
الام... اشوف الله كريم
بعد مرور ثلاث ايام
ريتاج.... اليوم اخوي البطل راح ينزل هواي فرحانة
الام.... تعاي ساعديني خلي نسوي الاكل
هسة يجي تعبان وادور يروح يجيب المسعدة مرتة
ريتاج... هههه ماما شعندج ويا سوسن
الام... ما تشوفينهة بس يروح رجلهة كبل تتكبع وتاخذ جهالة وتروح لهلهة
ريتاج... ماما عيفيهة هسة دك الجرس يمكن اجة رايحة افتح الباب
فتحت الباب ياقوت اخوي البطل مشتاقتلك هواي حبيبي
ياقوت... يروح اخوج اني هم مشتاقلج
الام.... وج رتاج خلي اخوج يدخل
دخل اخوي وسلم على ماماوسلم على مؤيد
مؤيد... اخوي حزام ضهري اشتاقيتلك
ياقوت... هلا بيك حبيبي اني هم مشتاقلك
ياقوت.... وين ابوي
الام... نايم هسة اكعدة
ياقوت.... لا عوفي اني اروحلة
رحت للغرفة لكيت ابوي نايم كعدت بصفة بست راسة
الاب... هاي ريحة الغالي
ياقوت... شلونك يابة
الاب... حضن ياقوت هلا بيك وليدي مشتاقلك طولت هل مرة
ياقوت... صار عدنة عمل وماكدرت اجلة
رتاج.... بعد ما اجة اخوي وسلمنة علية وارتاح
صبينة عشة وتعشينة وشلت الموعين وغسلتهن وعزلت البيت وخلصت كل شغلي ادور رحت اقرة
الام... يمة ياقوت ما تجيب مرتك اني ما اكدر بعد الشغل هواي واختك عدهة دوم شنو كلما تروح لشغلك مرتك تروح لهلهة
ياقوت.... هسة يمة اجيبهة وبعد ماتروح لهلة من اروح هاهية راضية
الام..... خلص هية يروح امك
بس راسي وكام تامرين شي يوم
الام....لا يمة سلامتك
رتاج... كملت قراية ونزلت جوه لكيت اخوي جايب مرتة وجهالة اجوي جهالة يركضون علية
حيل مشتاقتلهم
هلا بيكم يروح عمتكم
رحت سلامت على سوسن تسلم من ورة خشمهة
رتاج... شلونج مرت اخوي
سوسن.... هلا بيج عيني
رتاج...بگلبي هاي شبيهة شايفة روحة عابت 😅
سوسن... يلا حبيبي نروح للغرفة اكيد تعبان
ياقوت... اي تعبان روح حضرليلي الحمام اريد اسبح وانام كبل
سوسن.... حاضر حبيبي
الام... يمة الحية من جوه ليجوة
رتاج... عفتهم ورحت اراجع دروسي
مؤيد... ها ماما قنعتي ابوي يخليني اروح
الام... يمة كتلة كال الله كريم بليل نشوف
مؤيد..مؤيد...اجة بابا كعد يمنة بالصالة
الاب... مؤيد
مؤيد.... ها بابا
الاب... شوف راح اخليك تروح بس لعلمك ما باكامل رضاتي لان هاي الروحة ما مرتاح الهة واشوفك اتجيب مصيبة النة
مؤيد... لا بابا لتخاف ما اسوي شي صدكني هنا كلهن يومين وارد انشالله
الاب... الله كريم توكل بالله شوكت السفرة
مؤيد....عكبة
الاب... امممم
الام.... ها ارتاحيت
مؤيد.... شكرا يوم فرحتيني اي ارتاحيت
الام... الله يديم فرحتك
ريتاج.... نزلت لكيت بابا وماما ومؤيد كاعدين بالصالة
مساء الخير يحلوين كعدت بصف بابا وحضني
مؤيد.... اجت الجذابة
ريتاج... سمعت بابا
الاب... مؤيد عيف اختك لا ما اخليك تروح
مؤيد... خلص عفتهة وهو يباوع رتاج ويكلب بعيونة
ريتاج... شنو بابا قبلت يروح
الاب.... اي بابا يروح هنة يومين ويرد
ريتاج... اي حخلص منك يومين واخذ غراضك
مؤيد... حسبالج اعيفهن الج اقفل الكنتور والغرفة واخذ المفاتيح
ريتاج... المهم راح ارتاح منك يومين
نزلت سوسن وبنتهة اجت تركض لباب
ودق.. جدو.. جدو
الاب... يروح جدج تعالي لحضني
ريتاج... ها بابا بدلتني
الاب... هههه صار عمرج 16وبعدج تغارين تعاي لحضني تعاي
ريتاج... ابتسمت وكبل حضنتهاحس بحنان من احضنة وامان
احس وكأنما هاي اخير حضنة الي ما اعرف ليش تملكني شعور غريب
مؤيد... حضرت غراضي واتصلت على جماعتي وكتلهم ابوي قبل فرحو اهوي
اجة اليوم الي اروح بي ودعت اهلي وبوستهم
الاب... بوية مؤيد ما اوصيك دير بالك لا تسويلنة مشكلة احنا في غنى عنها
مؤيد.... لا بابا اطمئن ما يصير شي لتخاف بست امي براسهة ودعتهة
الام... يمة دير بالك اخاف عليك يمة ليصيرلك شي حطني بين عيونك من تريد تسوي شي مو زين
مؤيد... لا تخافين يوم ما يصير شي ورضاتج موجودة
الام... مودع بالله يمة
مؤيد.. رحت على ريتاج ودعتهة
وحضتهة اختي المشاغبة باي
ريتاج... الله وياك حبيبي روح خلي اخلص منك
الاب والام... هههه
مؤيد.... طلعت وصلت يم جماعتي سلمت عليهم وصعدنة بالسيارة وانطلقنة للبصرةلهنا وينتهي البارت الاول اشوفكم بالبارت الثاني حبايبي اتمنى دعمكم علمود تصعد الرواية
