تضحكين وقلبِي يذوب بعذوبُه المشهدّ

البارت الثالث

تذكير للبارت الي قبل
شهد : يلا بنات امشو بنرتب الفرش والمكان
هيام : حسبي الله وانتي مغير يلا ننظف ونرتب ارحمينا
شهد ضحكت وبدو البنات يساعدون بعض
خلصو البنات ترتيب والعيال فرشو بعيد شوي عن البنات
جاهم حاتم وتنحنح وقال : يابنات جت الدبابات تبون تركبون الحين ؟
سما وهي تتدلع: اء اممم مدري انت تبي الحين نركب؟
ليان وهي تدف سما : اقول دزي انتي وياه انا بركب الحين
اسيل : وانا معه بعد
والبنات كلهم راحو مع ليان
الدبابات كانت ثلاثه عند البنات وثلاث عند العيال
ليان واسيل وتهاني وهيام وهيا لحاله
وسما الي عيت تركب
عند العيال الي كانو
حاتم ومحمد وسعود وعزيز وعقاب وفلاح
حاتم الي كان يسوق ولف على ليان وهيام وقال ل ليان : تسابقين يابنت الجار ؟
ليان : يلا حرك
حاتم ومحمد وليان واسيل الي بدو منافسه شرسه
اسيل وهي تعزز لليان: ااااايوه ليووون كفو عليك فوزي عليه واكسري راسه المربع
حاتم وهو يضحك : حسبي الله عليك يا اسيل ههههههههه
بعد معاناه فازت ليان بصعوبه وقالت : فزت عليك ههههههههه
حاتم: اوف والله انك سواقه ما توقعت
ليان : اي ياحبيبي شعرفك انت
حاتم : وشوو حبيببك ؟
ليان : اء قلت بدون ادراك معليش
حاتم الي شق ابتسامته : عادي يابنت الجار
ابتسمت ليان ورجعت للبنات
سما وهي تشمق بعيونه : وش قلتي لحاتم يالي ماتستحين
ليان وهي معد تتحمل شدت شعر سما وهي كانت واقفه وسما جالسه ونزلت شوي بمستواه: اسممعي ياسما انا من اليوم حاشمتك بس انتي مو كفو حشيمه يا تعقلين ولا دفنتك هنا
سما وهي تبلع ريقه : فكيني يالمتوحشه وجلست تصارخ
ليان وهي تشد اقوى : انا اعلمك مين المتوحش الحين
جو العيال والبنات ماكانو متغطيات
صارخت شهد الي تكشف عندهم كلهم الا عقاب وفلاح
لان الجده سلمى مرضعته
شهد وهي ترفع صوته : ارجعووووو البنات مهن متغطيات

محمد : شههد ارجعي معنا عقاب وفلاح
شهد وهي حطت الشال على راسه
والبنات كذالك
حاتم الي لمح عيون سما تصيح وتشاهق وليان معصبه مره وجلس يضحك وقال ل ليان :ضربتيه ؟؟ههههههههه
ليان وهي معصبه : اقول اسكت لا اكمل عليك ترى بي حره ماطلعت
محمد : ههههههههه ليان خير تضربينه وشسوت لك
هيام الي قالت : بعذره به خكريه وبس تتلفظ على ليان
فلاح وعقاب الي عصبو من سما
عقاب : لعنبو حيك متى تعقلين انتي
فلاح : تسلم يدك ياليان الصراحه مالومك به
سما وهي تتدلع لما شافت العيال : افا يا اخوانيء انا اختكم الصغيره
سعود الي قال بصوت طويل :ووووووع الله يلوع كبدك
عزيز : انا سعيله لين اموت ههههههههه
حاتم الي مات على تقليد عزيز : ههههههههه عزيز الله يقطع بليسك
عقاب الي ماتحمل وضحك بس قال : هيه انت وياه كانكم فليتوه يلا عاد اعطونا قفاكم
اسيل : وانت بعد عطنا قفاك ويلا ارجعو كلكم ما صار شي
ومشو العيال
وجلسو البنات وحطو شاهي وشبو الضوء وكذالك العيال
حاتم الي جاهم مره ثانيه وقال : احمم بنات ماودكم تجون فلاح يبي يطربنا بالعود
شهد : وانت مغير تجينا شعندك راز وجهك اربع وعشرين ساعه
حاتم بنفسه : اخ عشان اشوف ليان ولا من زينكم
حاتم : شسوي هم قايلين لي
هيام : شلون نجلس عندكم اخيه
حاتم : بخلي اسيل جنبي وتجلسون انتم بعد اسيل وبالنهايه شهد بتجلس عند محمد وكذا يصير وضعنا تمام
شهد :نلبس نقابتنا ولا لا
حاتم : تلثمو بس
وبالفعل تلثمو البنات وجلسو زي ماقال حاتم
حاتم وجنبه اسيل وبعده ليان وهيام وتهاني وهيا وسما وبالاخير شهد الي بجنبه محمد
فلاح الي كان قدام شهد ولفتت انتباه بعيونه وحركاته وهي تحارش محمد
فلاح جلس يغني بعض الاغاني وكان حاتم مركزززز بكل تفاصيل ليان من يدينه الي كانهم قطنه ولا من عيونه وليان كانت منتبهه لنظرات حاتم بس كانت تحاول تنسى الموضوع وكانت تسولف ل اسيل الي مهي معه وكانت تناظر بعقاب كيف مندمج مع الاغنيه وكيف انه مز مره
اسيل بنفسه : ياربي طول وعضلات وجمال وشخصيه  مواصفات رجل الاحلام
اما عند عقاب الي كان يشوف ليان وهي تسولف ل اسيل واسيل مهي معه وتناظر به واستغرب حركته بس ما انكر ان اسيل كانت جممميله بالثمه الشماليه وجلس يناظره وعيونهم تلاقت وتوترت اسيل ونزلت عيونه
ليان : اسيل وجع ردي على كلامي
اسيل : هلا وش قلتي ماكنت مركزه معك
ليان وهي تدق اسيل وقالت : حبيتيه ؟
اسيل الي تجمدت : اء منهوو
ليان الي به ضحكه : ومن غيره عقابوه
اسيل : قصررري صوتك يالفضيحه وبعده ما احبه من كذب عليك
ليان : اها اي مصدقتك معليك ههههههههه
اسيل : تشب بس
ليان الي قالت بصوته الاثنوي الجميل : فلاح غن اغنيه وشلون مدري روحين بروح
فلاح : ابشري
ابتسمت ليان وحاتم الي مايدري ليه يحس بشعور حرقان بقلبه
فلاح
    وشلون مدري روحين
   في روح ماكنت اصدق
    ب اندماج الارواح
وجلسو يغنون معه البنات والعيال وكلهم بصوت واحد وجممميل جدا
هيا الي كانت تصور الاجواء الجميله ذي والي تدعي ربه ان يبقون كذا للابد
عزيز الي كان طفشان وهو مايحب الاجواء الهاديه هاذي وكانت قباله هيا وجلس يناظر به واعجب بنعومته مره
هيا الي عصبت واشرت بيده الي خير ؟
عزيز ابتسم على حركته واشر له ان مابوه شي
هيا شمقت له
اما عند شهد الي كانت تحارش محمد وتساله اسائله غريبه
شهد : محمدوه من تهوجس فيه ؟😉
محمد :ياليل انتي ماعندك شغله الا انا
شهد : افا ياحمودي قده
محمد : مليون مره قلت لك لا تناديني حمودي
هيام الي كانت منتبهه لسالفته : الله واكبر ياحمودي ترى كله اسم
محمد الي لف عليه وقال : ما احب هذا الشي يا استاذه هيام عندك شي
هيام وهي تقلده :ما احب هذا الشي يا استاذه هيام عندك شي اممم ياملهك بس
عزيز الي مات ضحك على تقليد هيام :ههههههههه ههههههههه والله وطيرت جبهتك ياللوء حمودي
محمد الي كان من المتوقع انه يعصب بس مايدري ليه كان قاعد يضحك
رجعو البنات لجلستهم وكانو مستعدين للنوم وكان معهم اكياس للنوم ( مدري تعرفونه او لا ) وكانو يتاملون النجوم ويسالفون بصوت هاذي
اسيل : يابنات وش شعور الحب
ليان : هم الحب شعور مايوصف بالنسبة لي الحب هو شي يربط بين شخصين ويصيرون كانهم روح وحده
هيام : عن نفسي احس الحب شي جميل جدا يعني تخيلي شخص عادي يموت بس عشانك يضحي بكل شي عشانك
هيا الي ما تومن بالحب ابد : عن نفسي اكرهه الحب واحسه استغلال مشاعر
شهد : الحب هو انك تهيم بشخص وتزعل اذا تضايق وتفرح اذا شفته فرحان يعني شي من هذا القبل
سما : الحب هو حب حاتم ليء
ليان : ياشينك انتي وحاتم بس
ضحكو البنات ونامو بسعاده تغرمهم والعيال بعد
الصباح
قام محمد ولف على العيال وصفق عزيز برجله وفر عزيز وفزو معه العيال كلهم
عزيز بخرشه: يمممه محمد ياحيوان خرشتننن الله يقطع بليسك
محمد ضحك وقال : يلا قومو صلو وافطرو نبي نرجع الديار
حاتم : بنرجع يووه ماشبعت من البر
عزيز الي انبسط وهو مايحب البر مره : اخيرا بنروح
شات حاتم قاروره عليه وجت بنص راسه
سعود وهو يضحك : والله وطلعت قناص ياحاتموه
حاتم : ههههههههه شعرفك انت
سعود وهو يهمس ل اخوه : حركات وصرت تتكلم مثل كلامه
حاتم قمط وقال : كلام من هههه
سعود : ليان ههههههههه
حاتم دق سعود وقال: اهب شدراك انت
سعود : تراك واضح والله من نظرات امس شكيت
حاتم الي تنهد : والله اني احبه واهيم به بعد
سعود : يارب تتزوجون بالحلال
حاتم :يارب ياخوي
عقاب رفع صوته على عقاب وسعود :شعندكم تتاهمسون انت وياه
سعود الي حط يده فوق كتف حاتم :اسرار اخوان شدخلكم انتم
محمد الي رما عليهم ماء وقال :امحق اخوان بس
ضحكو العيال
عند البنات الي قامت شهد من اصوات العيال
وكانت عطشانه وراحت لسياره محمد تبي تاخذ ماء
وفلاح الي ارسلوه العيال عشان يجيب ماء وانصدم من الملاك الي قاعده قدامه وقال: اء احمم
شهد الي على عيونه النوم وتحسبه عزيز :عزيزوه انقلع عني
فلاح : انا ماني عزيز انا فلاح
طيرت عيونه شهد وحطت رجله وركضت
اما فلاح الي انصدم من جمال شهد وشعره الاسود وقال :اوويل قلبي وش هالجمال كله
اما عند شهد الي كان قلبه يدق كثير : يمه بسم الله انفجعت منه ، بعد ماهدت قالت بنفسه : والله انه مزز ملامحه سممحه مره
هدت شهد نفسه وراحت للبنات وقالت : قمنننن قمن يلا بنفطر
ليان بنوم: مابي بنام روحي
شهد الي جلست تصارخ وتشد شعر كل وحده لين ما قامو
اسيل : والله شهد نفس شخصيه جده سلمى
ليان : تشوفين لاحظت والله
ضحكت اسيل وقالت :شسوي بكم انتم ماينفع معكم الا كذا
اما عند العيال الي قامو وسوو قهوه
حاتم  وهو يصب القهوه
محمد الي دقت امه  وابتسم وقال : هلا بالشيخه
ام محمد بتوتر : محمد الااااان ترجعووون بسرعه
محمد فز وقال : ابك وش العلم
ام محمد وهي ترتجف : جدتك غاليه طاحت علينا
محمد الي ترك الجوال وبهتت ملامح وجه
حاتم الي شاف محمد وقال : اخوووو سعوووود شبلاك ياولد
العيال لفو على محمد
وقال محمد بصعوبه :جهزو جهزو اغراضكم بنرجع
عزيز : ياولد تكلم احد صاير فيه شي ؟
محمد : جدتي جدتي
حاتم :ووووش به ؟؟!
محمد :امي تقول طاحت عليهممممم بسرعه تكفون
العيال انصدمو وقامو يجهزون وقال محمد لشهد تعطي البنات خبر
شهد :  بنات يلااا بسرعه استعجلو
هيام : وشو نستعجل تونا خنفطر ونروق بعده نمشي
شهد : محمد مستعجل مرره مدري وش فيه
هيام الي شمقت: عز الله محد يخرب الروقان غيره
ليان : خير لو سمحتي ههههههههه
هيام : وانا الصادقه
رتبو البنات الاغراض وحطوهن بالسياره وكانو نفس الترتيب
هيام الي لفت انتباه شلون محمد متوتر مررره
ودقت تهاني  وقالت : ياهوه شعندهم الناس متوترين
تهاني الي كانت فاهيه وقالت : اي ناس
هيام : العيال شعندهم
تهاني : اها والله مدري عنهم حتنا شكيت
هيام : الله يستر

هااااي ياحلوين واعتذر ان البارت قصير وبصير انزل بارتات قصير هالمده عشان فاينل وكذا ، احبكم مره 💕💓💗