تضحكين وقلبِي يذوب بعذوبُه المشهدّ

البارت الثاني

بالمجلس حق الحريم البنات كل وحده راميه نفسه على الثانيه ونايمين بتعب
قامت ليان من الثقل الي فوقه ولقيت اسيل منسدحه عليه : قوووومي ياحيوانه كسرتي رجلي
اسيل بنوم:اممء
ليان : اف تعب وحر كانه غيبوبه العيد
راحت ليان للقسم حقهم وتروشت ولبست بنطلون اسود مع بلوزه ورديه
لما نزلت لقت الجده غاليه والجده سلمى وساميه قايمين
الجده غاليه : ياصباح الخير يابنيتي قمتي
ليان : اي والله تكسرت من هالحيوانه اسيل
الجده سلمى : روحي قوميهم هالمالهلات
ليان : ابشري
وراحت البنات يم المجلس الي كان بحاله يرثى له ولقت اسيل نايمه على الارض وبدت تقومهم
ليان : اسيل قومي قومي
اسيل : انقلعي بنام
ليان : انا اوريكن
ليان راحت يم الجده سلمى وقالت ان البنات عيو يقومون
الجده سلمى : انا اوريك بهم دليني عليهن
ليان ضحكت بشر
دخلت الجده سلمى وانصدمت من اشكال البنات الي حرفيا حفله
الجده سلمى بالعصى دقت اسيل مع رجله : قوممي يا قليله الحياء
اسيل فزت من نومه :اوووتش جده ليه كذا
سلمى وهي تضرب البنات وحده وحده وفزن كلهن وقامن
اسيل وهي تلتفت: اخ خلوني اكمل نوم بعد ما راحت جدتي
تهاني : جدتي شوفي اسيل نامت
فزت اسيل وراحت تضرب تهاني
تهاني:ياحيوانه اوجعتيني
اسيل : تستاهلين
شهد الي شافت المكان شلون وصخ وفوضى : رحن البسن قمصانكن وتعالن سريع
استغربو البنات لكن لبسو قمصان روز كل وحده لون مختلف
شهد ضحكت على اشكال البنات: كانكم علبه اللوان ههههههههه
هيام : نفط نفط مو دم
هيا : ليه قلتي لنا نلبس وشفيه
شهد وهي اعطت البنات الي مكانس والي منظفات :الي ابيه ياحلوات تنظفن ويلا كل وحده تاخذ قسم والعيال كلهم برا يعني ما عندك عذر
ليان بتأفف: لااااا قولي غيره مابي انظف
شهد : ولا كلمه يلا
عند العيال الي قومهم الجد صالح كالعاده
سعود : ياعيال انا طفشان طفشان
حاتم : وش نسوي لك يعني
محمد : امش نتصارع
سعود : يرحم والدينك لا مابي اتكسر وانا مالقيت فتاه احلامي
محمد : الله واكبر يافتاه احلامك
سعود : خل فتاه احلامي على جنب
شرايكم نمقلب البنات
عقاب : وانت ماغير تمقلب ب هالاوادم ارحمهم ياخي
سعود: ياخي طفشان طفشان
حاتم الي على امل يلقى ليان وهم يمقلبون البنات : انا موافق شف الباقين
سعود: حيييك والله انك قادح
محمد الي نفس سبب حاتم : وانا موافق
سعود : اسللللم ومعنا اللوء محمد بعد حماااااس
الباقين الي وافقو على المقلب بحكم الطفش
نرجع عند البنات
ليان وهي جالسه تمسح قزاز دريشه المجلس : اوووووف تعبت
هيام :انا بحشر شهد وادقه والله اني كرفت كرف الله وكيلكم وكله بسبته
شهد : عز الله انك رفلات
اسيل الي ماتت خلاص : انا الحين بدقك وقولي رفلات ياحيوانه
اسيل الي نطحت شهد وجلست فوق ظهره : احسن احسن تستاهلين كسرتي ظهورنا القمي
ليان الي ماتتت ضحك: ههههههههه ههههههههه اسيل ياحيوانه قومي عن عمتي ههههههههه
شهد :توني صرت عمتك حسبي الله عليكم كلكم
اسيل الي نفضت يدينه : القمي ههههههههه
شهد : يارب انصرني انا عبدك المظلوم
هيام: ياساتر وشو عبدك المظلوم انتي الي ظالمتنا ههههههههه
البنات خلصو تنظيف وراحو تكشخو وجلسو يتقهون
هيا :يابنات اذن المغرب ؟
تهاني : اتوقع
العيال الي اتفقو يخرعون البنات على اساسا انهم جن وكذا 🤪 ههههههههه
المهم
حاتم: اسمعو خل يجي المغرب ونروح نخرعهم
عزيز : ياذكي انت شلون بنخرعهم
سعود: شف هم الان يتقهوون بالمجلس الي داخل الي علينا اذا جاء الليل نروح من الدريشه ونحط الشاش الاسود والبيض واساسا بنكون مغطين بالشاش الابيض فا منقدر نشوفهم
عزيز : عز الله انك شرير
ضحك سعود
وبالفعل جا الليل وكانو البنات يلعبون ومبسوطين ويحشون بعزيمه امس
هيا الي كانت قدام الدريشه وشافت شي اسود وابيض طب عليهم
صرخت هيا اقوى صرخه ممكن احد يسمعه
البنات فزو على صرخته ولفو وراهم وصرخووو وتجمعو ورا اسيل
اسيل : ابك حراميه!
تهاني وهي شوي وتبكي:يمممممممه دقو على الشرطه
حاتم الي قرب لهم وبسرعه بدهيه نطحته اسيل: ابك والله ماتقربون منهم وانا حيه
شهد الي لاحظت احد يضحك بينهم وهو سعود الي ما يقدر يمسكك ضحكته
شهد مدت يدينه تسكت البنات :اص بنات وحطن الطرحات على وجيهكن
وبالفعل البنات حطو طرحهم الي اساسا على رقبتهم على وجيهم
قربت شهد من الي يضحك وكان سعود وسحبت الغطاء الي عليه والبنات يشاهدون بصمت
شهد:اووووووبااااا سعود وش تسوي هنا
وقربت بتسحب الغطاء حق فلاح واستوقفه صوت سعود الي منعه ولف الغطاء الابيض عليه
لما تاكد سعود ان الكل متغطي ضحك ضحكه عررريضه وكشفو العيال عن الغطاء
حاتم وهو ميت ضحك على طيحته وان طرحته اسيل: ههههههههه اسلم اسيل ياحيوانه قدرتي تنطحيني
اسيل وهي مصدومه من العيال: اء وشتسون انتم ياخبول
عقاب الي انصدم من شخصيه اسيل وانه قدرت تنطح حاتم الي اعرض واطول منه بمراحل : اسلممممم نطحتيه ؟
اسيل وهي مستغربه من ذا : انت من اساسا
عقاب : معك العقيد عقاب
اسيل كشرت وقالت : امحق هيا هذا اخوك عز الله انه خايس
حاتم طق اسيل بالسبحه وقال : استحي على وجهك ههههههههه
عقاب الي كان منصدم
اما اسيل الي انصدمت من عقاب ما توقعته مزيون كذا والطول والهيبه كان شكله خرافي
ليان الي تكلمت : حسبي الله عليكم طاح قلبي ليه تعملون كذا
حاتم الي عرف صوته وميزه: خلاص اسفين والله وش تبون رضاوه
ليان الي كانت زعلانه وخايفه : نبيكم تبطلون هالحركات
العيال : ابشرو
شهد :تبون تراضوننا ؟ نبي نطلع البر بس حنا البنات وانتم تكفون طفشانين
محمد الي قال : تمممم على ذا الخشم
العيال الي مابعد كلمه محمد كلمه وافقو
البنات الي تحمسو مره وجلسو يضبطون امورهم ولبسو بلوفرات بماا ان الشتاء قرب يدخل وكانت كل وحده تقول الزين عندي
البنات الي هم -ليان واسيل وهيام وتهاني وشهد وهيا و سما الي بعد ما عرفت ان حاتم بوه وافقت -
العيال الي هم -محمد وعقاب وحاتم وعزيز وسعود وفلاح -
طبعا كان زحمه وش وش السياره الي تشيل كذ ذا القوم
انقسمو بالسيارات
سياره محمد -محمد يسوق وجنبه حاتم و وراء ليان وتهاني وهيام
سياره عقاب -عقاب يسوق وجنبه فلاح و وراء هيا و اسيل وسما وشهد
و بشنطه السياره كان بوه عزيز وسعود الي حشروهم وراء مع الاغراض
اول ما وصلو البر
حاتم وهو يتمدد من تعب الطريق : اووووه يبي لنا ننام هنا
محمد : ابد ابشر ننام وش ورانا
حاتم : حيك يابو شهاب
البنات الي كانو مبسوطين بالاجواء
اسيل : بنات ابي لي دباب بفحط
تهاني : وشو دبابه تبين العيال يذبحوننا
ليان : ياعمي يدزون والله بنات نبي دبابات
البنات هزو روسهم بالموافقه وكالعاده حطو شهد بوجه المدفع
راحت شهد لحاتم ومحمد وقالت : احم ياعيال تكفون نبي دبابات
حاتم : ابك وشهو دبابه والله لو يدرون الشيبه انهم لا يذبحوننا
ليان : ياخي تكفون والله مانطول
حاتم الي فز من صوته وكلمه تكفون منه : بنشوف اذا بوه دبابات حولينا
محمد الي استغرب بس كان الموضوع عادي عنده وماحب يكسر كلمه حاتم
ليان : شكرررررا مرررره
حاتم ابتسم
ليان وشهد الي راجعين من عند العيال يرقصون
هيام : خير انتي وياه ههههههههه
تهاني : شعندكن انتم ورقصكم ذا
ليان وهي تنط وتمسك يدينه : وافق حاتم نلعب بالدبابات
شهد وهي تغمز: العيال كلهم وافقو بس ذي الخبله بس همه حاتم
ليان الي شهقت خوف ان احد يسمعهم: ياحيوووانه شدخل سديه
اسيل الي جلست تضحك
سما الي عصبت : خير انتي وياه تروحين عند العيال وهم مو محارم لكم وع
اسيل : الله واكبر ترى مثل اخواننا وترى كلنا ندري الحين ودك تخمين حاتم بس تخافين من عقاب ههههههههه
ليان : الحمدلله والشكر شف من يتكلم لا تستشرفين على راسي وانتي اكثر وحده مسويه بلاوي
هيا: خلاص بنات وانتي سما لو ماعقلتي ترى بخلي عقاب او فلاح يودونك للبيت
شهد : يلا بنات امشو بنرتب الفرش والمكان
هيام : حسبي الله وانتي مغير يلا ننظف ونرتب ارحمينا
شهد ضحكت وبدو البنات يساعدون بعض

هااااااي ياحلووووين اسفه على ذا البارت القصير بس تعرفون موسم اختبارات وتعبانه 😅😅المهم قولو لي وش احسن كوبل تبون اكثر من البارتات حقتهم 🤭؟