چا وَ النَاس وَ الوهَواس واثار البچَي وَ نُوحَه !
ترا الـ تعَبان مِن روحَه ما أظن تُبرد جروحه.
الكاتبه: رقو الطائي
ـــــــــــــــــــــــــــــــــــــــــــــــــــ
أُنثى خائِفةٌ مِن وحُوشُ الدُنِيا
تَعيش لِكي تُربي أختها
ثُم تترك دِراستها وتَعمل من أجل العَيش
توفر الراحة لاختها لكنها تحتاج الراحة
تفتقد حَنان ابيها منذ 15 عام
حيث كانت تُعَوضَهِن أُمهِن عن حَنان الاب المفقود
لكن في ليلة وضحاها تُوفِيت أُمهن
وهن الان يعيشن بمفردهن في غابة الدنيا
تخطف الاخت الاصغر
تقع الأخت الاكبر في يد وحش
وتكون فريسته
هل ستبقى طوال حياتها فريسه الوحش
ام ستتحرر في احد الايام؟
هذا ما سَنَعرِفهُ لي هذهِ الرواية
في احد الدول العربية
كاعدة مثل كل مرة اسوي ادرس واسوي الغده النا انا وسما كل مرة تروح سما للمدرسه لان دوامها ضهري وانا اكوم اسوي الغدة واجهزة ومن تجي نصب الغدة ونكعد ناكل ونسولف وتشاركني يومها وشصار وياها
وانا اطبخ الغدا اجاني اتصال استغربت لان محد يعرف رقمي بس سما وتاخذ موبايلها وياها واذا طلعت من المدرسه وتعبانه او بيها شيء انا اخذ تكسي واروح الها بس الغريب انو سما هسه طلعت من البيت مصار الها حتى ساعة!.
رحت جاوبت والصدمة جانت
_الو السلام عليكم
_اهلا عليكم السلام منو وياي؟
_انتِ اخت سَما؟
_اي نعم انا اختها منو انتَ؟ سما بيهه شيء؟
_اختج حاليا عندي جيبي 30 مليون واخذيها خلال 48 ساعة اذا ما جبتي 30 مليون اقتلها واذب راسها بباب بيتج
_شنو يثبت هي عندك يجوز تضحك علية؟
_هاج اسمعي صوتها
صوتها يگطع للكلب عمت عيني يمه سما شصار وياج
جاوبت بسرعة
_لا لا هاهيه اجيبهن اجيبهن بس عوف سما الله يخليك
انقطع الاتصال
بجيت ولطمت شسوي يربي شسوي ما عندي احد يساعدني اخخ يا يمة وين رحتي يمة وين عفتيني يمه.
گمت صليت ودعيت الله يسهل عليها كمت ادعي وفجأة اجة ببالي اروح لابوي اخذ منه 30 مليون ودين عليه اشتغل شغل ثاني وي شغلي وارجعهن اله
كمت لبست فستان ولفيت شعري شلون مجان وتخدت فلوس من راتبي صارلي يومين من استلمته وعلى الاساس اليوم نطلع انا وسما لكن للقدر رأي اخر.
اجرت تكسي وانطيت عنوان بيت ابوي بعيد عن بيتنا صارت الافكار تاخذني وتوديني وتذكرت الايام الحلوة الي عشناها انا وسما رغم الفقر واليتم بس ما حسستها بهذا الشيء ابدا اخذتني ذاكرتي لذاك اليوم
(رحلة الماضي)
دخلت سما تضحك واجتني تركض حضنتني حيل وتضحك
_فدوة يمه فدوة شنو هاي الضحكه أمي شنو هاي انت تخبلين
_ماما نجحت بالامتحان اليوم
_ادري بيج شطورة وحبابه
بستها وحضنتها حضنه طويله
_يلا امي روحي بدلي خل اصبلج غدة
راحت تبدل وانا صبيت وصحتها
_سمسمة يلا تعالي
جاوبتني بدلع
_اجيت مامي
_روحها لامج انت
جان يوم حلو وبوقتها جنت مجمعة فلوس من راتبي حتى اشتريلعا هديه وطلعنا وهي اختارت بس محبس صغير
سما كلش قنوعة تعرف احنه حالتنه شوي مو زينه رغم ابدا ما بينتلها انو انا احتاج بس هي تفهم وتعرف كلشي
اشتريت الها وتمشينه شويه ورجعنا للبيت
(انتهت الرحلة)
وصلت للبيت ودكيت الباب اجة الحارس فتح الباب من شافني عرفني مدري منين وراح يصيح للشخص الي يتسمى ابوي
بعد السلام حجيت كلشي صفن بوجهي وكال
حسن: انطيج 31 مليون بس بشرط
كلت بكلبي كام يتشرط النذل اخخ يا هذا الوكت الاغبر خلاني اطلب منك
رقيه: موافقه ع كل شروطك بس انطيني والله دين ارجعهن الك والله
حسن: تتزوجين رعد
صرت بين نارين اوافق وتعيش اختي وانا اتعذب لو ارفض واضل مرتاحة بس اختي تموت
أكيد الاختيار الاول لان انا صارلي 7 سنوات اتعب عليها وافديها بروحي اي شيء اسوي علمودها ما اعوفها تموت وانا عندي الحل الي يخليها تعيش
رُقية: موافقه .
انطاني الفلوس ورجعت للبيت اتصلت ع نفس الرقم الي اتصل علية وطلب فلوس انطاني العنوان حتى اروح اله بس عندي شخص بعدين تعرفوا ساعدني وحددلي موقع المتصل وهو المكان الي مخطوفه بي سما
انتضرت يجي الليل كلش تقريبا ساعة 2 حتى محد يشوفني ولا شيء اروح اجيب سما وارجع لبست كلشي اسود وتلثمت وسويت شعري ذيل حصان رحت اركض للكنتور نكثت الملابس بالكاع واخذت المسدس ورجعت الملابس شلون و ماچان واخذت فلرس الفديه اتوقع هيج اسمها وفلوس للتكسي
أنت تقرأ
هوس الانتقام
Боевикبين الهوس والانتقام والموت والفقدان الحيرة والخدلان تولد شخصيه جديدة لاشخاص قديمة ستطرأ تغيرات عميقه على افراد هذه الروايه لكن يوجد أسئله كثيرة ومنها من هو المهووس؟ ومن هي المخطوفه؟ ومن الذي تحمل الالم؟ ومن المنتقم؟ هل سيُأخذ ثأر الدماء؟ كل ه...
