"بغداد "
زينة : شفت البيت متروس ضباط وبيبي كاضة عكازتهة وحاطتهة على الباب مانعتهم من الدخول
بيبي شكو شصاير
ام الياس: ماكو شي جدة روحي طبي جوة
سالم: انتي زينة ك******
زينة: اا ننعم اني ليش وشتريد مني
سالم: انتي متهمة بشرب الممنوع**وتشتغلين بيت دع***وهواي سوالف جاسم بسرعة جلبكها وخليهة بسيارة يلا ماعدنة وقت
زينة: لا لااا متمسوية شي والله مامسوية شييي عوفوني بيبي ونبي مامسوية شي
طلعوني لسيارة واباوع لورا شفت بيبي طاحت بالكاع بيبييييي عوفوني مادري شبيها وكعت خلوني اشوفها عوفوني ما اهتمولي ومشو والطريق كولة اني ابجي لحد ماوصلنا للمركز نزلوني وكلها تباوع وهذا كل الي صار عمو
فؤاد: عرفت السالفة كلها وعرفت هذا السيد وجماعتة بين فترة وفترة يخطفون بنية ويلبسوهة تهمة بدال ما همة متهمين بيهة
طلعت ورحت للبيت
ها يمة شونج
ام فؤاد: هلة يمة هلة بهل طول الحلو بعد روحي
شونك يمة
فؤاد: الحمدلله يوم شني شو البيت فارغ وين البنات والولد
ام فؤاد: والله يمة البنات كل وحدة بغرفتهة والولد طالعين مدري وين
فؤاد: ها تمام يلا اني راح اصعد انام ولحد يكعدني
ام فؤاد: الله وياك يمة نوم الهنا
فؤاد: بست راسهة وصعدت واني لهسة افكر بنجمة
ساعة ب10:12م
خابرت سالم
_الو نايم كاعد
_كاعد شكو صاير شي
_لا ماكو شي بس اريد منك معلومات تخص بنية ماعرف اسمهة
_اي جا اشون اجيبلك معلومات من زرف الحايط
_انجب لك بس شفتهة كاعدة بستان مال بيت ابو علي يمكن تقربهم انطيتة مواصفاتهة
_تمام تمام باجر كل معلوماتهة يمك
_يلا تصبح على خير
سديت الاتصال ونمت كعدت على صوت اتصال
_الووو ها سالم
_معلوماتهة كلهة يمي تجي لو ادزهن الك للبيت
_لا لا جاي سديت الاتصال وكمت بدلت ونزلت
صباح الخير
الكل: صباح النور
ام فؤاد: تعال يمة اتريك
فؤاد: لا يمة بالعافية مستعجل كلش بستهة براسهة وطلعت رحت للمركز وصلت اتلكاني سالم انطاني ملف واتجهت للمكتب كعدت اقرا معلوماتهة وانصدمت هاي بت.......
..........................................
"فيروز "
شفت الشخص الي جان كاعد ولابس زي عسكري بسيارة
كاض ايدي ومتجهين لمكان كلة نور
لحد ماوصلنة للحضرة مال (اباالفضل العباس)
واني لابسة كلة ابيض وفرحانة وهوة بزي عسكري وراي مرا ماعرفهة اتهلهل
فزيت من الحلم لا لا مستحيل ليش اتحلمت بي شنو ديصير اتعوذت وكمت شربت ماء ورحت صليت وجاي اسوي عشة وامي بعدها نايمة خطية جاي تتعب رحت كعدتهة حتى اصلي
يمة يوم كومي صلي حتى تتعشين يلا كومي حبيبتي كامت صلت واني حضرت الاكل وكعدت انتضرهة اجت اتعشينا وكمت غسلت امواعين
وكعدت حياة ملل كلشي ماكو بس اكل انام وانضف ومرات اروح للبستان اجة بالي شي ليش ما اشتغل وي مامة وعينها بس هية اكيد ماتقبل لان تخاف علية لان حلوة بس اقنعهة وانشوف بس شنو اشتغل؟ ضليت افكر
شفتها نامت واني تعبت من التفكير هم نمت وكعدت ساعه ب8:35ص كمت لكيت مامة طالعة من وقت اتريكت ونضفت واندك الباب
_منووو
_اني اني الكرار فيروز
(بلهفة)
_شتريد الكرار مو تدري محد بالبيت بس انا شتريد
_ار يدج فيروز افتحي الباب احجي وياج
_استغربت هذا شبي هيج يحي يجير بالحجي جر
تريد تحجي احجي من ورا الباب
_فيروز ا احبج انة والله احبج وميس فسخت الخطوبة منها وايشي تردينة اسوي ب بس لا ترفضيني
_انت شجاي تحجي شنو انت شارب شي بيك شي روح الكرار روح بعدني مامكملة كلامة سمعت صوت امي
ام فيروز: ها لك ادبسزز تتعدة على بنتي وهية وحدها والله عيب عليك ماغزر بيك عود حسبتك حسبة ابني انوب تجي وتريد تكسر الباب على بنتي تروح لا الم عليك الناس هسة امشييي يلا ياحيف على زلم
افتحي الباب يمة راح افتحي
فيروز: فتحت الباب وحضنتهة دخلت جوة واني رحت اسوي غدا كملت رحت اصلي على مايكمل الاكل
خلصت صلا حطيت الاكل وكعدنة ناكل
اكلج يمة ابو علي الي عندة بستان شوكت اتوفة وشعجب محد يحجي من تدخلة ناس تكعد بي
ام فيروز: والله يمة مادري بس هوة اتوفى ورا ماكعدنة احنة هنا كالوو مجلوط على امة لان ماتت الله يرحمه
ليش اسألين عليه
فيروز: ها لا هيج بس سوأل اجة بالي
خلصنة وكمت غسلت المواعين وبعديين مثل كل عادة نمت وكعدت على هوسة بيتنة ميزت الصوت هاي ميس تحجي وي. امي وهية تصيح كمت اشوف شكو وانصدمت من سمعتها اتكول........
..........................................
"بغداد "
سالم: من يوم الي شفتهة واني عيوني تراقبهة من بعيد حسيت مشاعر غريبة تجاهة معقولة الي بالي لا لا
اخذتهة من بيتهم واني اباوعلهة اشون تبجي عيونهة الشهل شعلتني وخدودهة من كثر مازلغت عليهم على مود جدتهة صارن دم وشعرها الي لحد امتونهة
مامعقولة ابد انو هية متهمة بهيج سوالف مامبين عليهة ابد
بيوم رحت لزنزانة بتخفي شفتهة كاعدة بالزوية
ومن انتبهت اكثر شفتهة ساجدة وتدعي بس الي سمعتهة منهة
(ربي بحق محمد حبيبك ان اطلع من هذا الزنزانة
وارجع لحضن جدة بخير وسلامة ربي انت اعرف انو اني بنت طاهرة وشريفة وهاي تهمة باطلة) حيل ضجت عليهة
رحت رجعت للبيت واني افكر بيهة ومثل كل مرا ادخل للبيت وبس صوت الصدئ مالي حركاتي صارلي 3سنوات عايش وحدي
(نرجع بزمن)
سالم: صباح الخير عائلتي الجميلة بست راس امي وابوي
الكل: صباح النور
ام سالم: هلة يمة صباح العافيه تعال اتريك يلا
ابو سالم: هلة يابة صباح النور
سرا: هلاوي سالم حبيب اختك شونك شخبارك
سالم: الله يستر من هل لواگة هاي خير شرايدة
سرا: امم شوف اني مو باجر راح اتخرج من السادس اعدادي وطلعتلك معدل 99.10 ورفعت راسك اشو لا انطيتني هدية لا شي
سالم: ومنو كلج ماجبتلج هدية
سرا: لا لا صدك والله كول شنو هية
سالم: تؤ تؤ مو هسة باجر بتخرج انطيج الهدية
سرا: عااااا اروحلك فدوة
سالم: يلا باي رايح لشغل
طلعت واني جذب رحت للمعارض مال سيارات اشتري سيارة لسرا اسويلهة مفاجأة لان بس هية عندي واغلا من روحي والي يطلب لسانهة اجيبة الها
اشتريت سيارة بسيطة على كدهة لان هية بعدهة مبتدئة بسواقة جيب سودة اخذتهة كلت من تتعلم السواقة زين اجيبلهة مارسدس وطببتهة للغسل وطلعت بيهة للكراج
رجعت للبيت ساعة ب10:30م كلهة نايمة وبس سرا شفت الباب مال غرفتهة مفتوح دكيت الباب
سرا: اتفضل سوسو
سالم: انجبي شنو سوسو مو شواربي يوكف عليهن النسر شعندج لهسة كاعدة ولج
سرا: اهوووو سالم شوف متوترة دا اسوي بروفا اشون اخذ الشهادة
وشوف حايرة شلبس من كعب
سالم: بلا شعندج احذية وشنو البس مالتج مال تخرج
طلعت زي اسود وابيض وطلعت الاحذية واني ختاريتلهة كعب ابيض وبي مكعبات سود.
عجبنها وفرحت شوفي باجر تجيج وحدة للبيت تمكيجج تمام
سرا: ياييي شكرا سوسو حبيبي
سالم: ادللي خوة انتي كورعتي راسي
طلعت وصعدت نمت وكعدت من وكت طلعت زينت السيارة واخذيتهة وصفيتهة شوي بعيد عن المدرسة مالتهة صار الوقت مال التخرج شفتهة جنها العافية شعرها بطولهة وبيضة تلفت النضر اخذت الشهادة واني دخلتلهة بستهة من راسهة وانطيتهة بوكس زغير فتحتة وانصدمت
سرا: عزااااا سوسو اااقصد سالم تشاقة
سالم: طلعت روحي بسوسو غلست مو وكتها اخذتهة لمكان السيارة وهية دمعت من الفرحة
سرا: ياييي تعال اصعد اصعد اخذك فرا
سالم: صعدت وهية فرتنة الفلكة ورجعتنة للمدرسة مكيفة حبيبة اخوها
رجعنا للبيت وهية راحت لغرفتهة واني طلعت للمركز جاي اشتغل واجاني اتصال
_الوو ها سرايتي
_حضرتك شنو تقرب لهذا الرقم
_اخوها اني ليش منو انت وشيسوي جهازهة عندك
_والله ياخوية ماعرف شكلك بس المدام سوت حاث وياهة. اثنين اشخاص رجال ومرا كبار بالعمر البقية بحياتك اخوية وتعال للمستشفى ال........
سالم: من الصدمة ضليت اضحك ومادري شحجي لحد مارجعت لوعي وركضت لسيارة وطلعت للمستشفى سألت اخر حالة اجتهم دلوني على قسم التشريح همة كالو هيج لو اني اسودنت ركضت للقسم وطبيت بعد مانطيتهم الباج وشفت ثلاثة اشخاص مغطيهم
لا لا لااااا مستحيل تعوفوني وحدي رفعت اول غطا وايدي ترجف شفت سرا مجرحة بكل مكان بوجهة
لا سرااا لا لا تسويت هيج بي لا خيتي حبيبتي اني سوسو هنا كومي كومي ركضت على ثاني رفعت الغطا وشفتهة امي اني ضليت اصرخ بدون وعي ورفعت الغطا الثالث وشفت ابوي الي حتة حاجبة طايح من قوة الحادث
صرخت بكل قوتي يااللللللللله
ياعلليييي دخيلك ليش خليتوني وحدي ليشششش منو الي بعدكن منو اكعدو اجو الممرضين كلعوني وان اصيح عوفوني اجة فؤاد يركض
فؤاد: كافي سالم كول يالله هاي سنة الحياة كافي
خوية
سالم: لك شوف شوف عيوني فرغت وكلبي باد من بعد ماشوفهم بعيني بعد من ادخل البيت الكا فارغ ياهو يجي يكعدني ياهو يكلي اسم الله من اوكع
ثلاثة راحو من ايدي بيوم واحد لا اكول واحد ولا اثنين اثلاثة تفهم شنو يعني انهدم حيلي
رجعت للواقع
دخلت للبيت راح سبحت وكملت واكليت ونمت كعدت على اتصال
_الووو نعم سيدي
_تعال بسرعة للمركز
_خمس⁵دقايق واني يمك
كمت بدلت سريع
اتصال من فؤاد
_نعم سيدي
_تعال للمستشفى ال......
_صايرلك شي سدي شكو
_تعال وبعدين نحجي
وطلعت للمستشفى
وشفت وجهة ينطي
خير سيدي شكو
فؤاد: لك.........
..........................................
اي حبايبي قفلة حلوة والبارت طويل وانشالله يعجبكم
تصويت حبايب
أنت تقرأ
يأسُ الخرساء
Mystery / Thrillerفي تلك اليلة المضلمة والباردة الممطرة كانت هناك امٍ تلد مولود الأول في بيت من طينً الذي كان في اي لحضة سوف يتدمر أتت فتاة جميلة كل القمر ولكنها اتت من غير اب حرمت من حنان الأب الذي استشهد قبل ولادة امها بها بشهرين في جريمة ق*ل فتاة صماء تتعذب ك...
