ببيت الجد تحديدا بغرفه جموح الساعه ١٠ بليل دخلت عليها امها وهي ترسم وقالت:جموحي؟
جموح ابتسمت:عيوني امري ماما؟
ريم:بكرا بيجون كل اعمامك و عيالهم نامي وارتاحي ياقلبي علشان لما نقعد نجهز ونظف
جموح ابتسمت وقالت بحماس:صدق يعني لمى راح تجي واشوفها؟
ريم بابتسامة:ايه يروحي قومي نامي الحين
قامت جموح تنام واما ريم طلعت وطفت المبه وسكرت الباب ونزلت عند ابوها الجد شافها نازله من الدرج وقال:
تعالي يا ريوم تعالي ابيك
راحت ريم عند ابوها وقالت:يبه؟
الجد قال:عيونه يقلبي شفيك؟
ريم نزلت دموعها وقالت:يبه خايفه خايفه
الجد بستغراب:من وش خايفه؟
ريم ببكاء:خايفه يجي يوسف مره ثانيه
الجد قال:ما عليك مهب جاي وانا ليه جمعت اخوانك كلهم بالبيت علشان لو جاء يوقفون قدامه والحين مسحي دموعك وقومي نامي وتعوذي من الشيطان
ريم قامت ومسحت دموعها وحبت راس ابوها وراحت نامت اما عند الجد راح مكتبه وفتح الدرج وطلع صندوق من زمان ما فتحه وفتحه وقام يطالع صوره هو وزوجته يوم كانو صغار وقال:اخ ياميس وينك انا ضعت ضعت من غيرك اهخ محد يحس فيني كثرك كنتي لي امي وابوي واختي واخوي واهلي وحبيبتي وام عيالي وفجأه رحتي الحين ماعندي احد الجأ له ما عندي مخبئ اسراري ما عندي احد لا تضايقت اروح له ويقعد يقرا علي قران اهخ وينك ياميس وينك وتمردت دمعه منه ومسحها بسرعه وسكر الصندوق وورده مكانه وسكر الدرج وقام راح غرفته ونام وكل تفكيره بجموح وريم
~°•
اما عند جموح كانت تحلم بكابوس الحلم(بابا تكفى تكفى لا تضرب ماما يوسف عطاها كف وطاح مغمي عليها )وهي فزت وقامت مفجوعه من الحلم وقامت تشهق وتبكي ومرعوبه غرفتها بجنب غرفه وفزت على بكي جموح وركضت غرفتها وفكت الباب وشافت جموح تبكي وبقوه وراحت ركضت لها وحضنتها وقعدت تقرا عليها الين ما هدت وقالت ريم:شفيك يروح امك ؟
جموح قالت:ماما حلمت بكابوس
ريم انسدحت جنبها وقالت:يقلبي انتي نامي وانا جنبك
جموح ابتسمت وانسدحت وكانت تحمد ربها على ريم نامت وريم قعدت تقرا عليها الين ما نامت جموح وضلت تتاملها الين ما نامت ريم
~°•
الصباح تحديدا بغرفه جموح دخلت ريم وشافت جموح للحين نايمه وراحت تصحيها
ريم:جموحي حبيبتي يلا قومي تجهزي خوالك جايين يلا يروحي
قامت جموح بكسل وقالت:ماما بس دقيقه امانه
ريم قالت:خوالك على وصول يلا يا حبيبتي؟
قامت جموح ودخلت الحمام وتروشت ولبست بجامتها وطلعت شافت امها موجوده حبتها من خدها وقالت:صباح النور يوجه النور
ريم ابتسمت وقالت:صباح الخير يوجه الخير
ضحكت جموح وطلعت ريم برا وقامت جموح تسوي بشرتها سكن كير وخلصت وحطت ميكب وسوت شعرها فير ولبست فستان سماوي هادي ماسك عالجسم من فوق وتحت شوي فيه ريش وخلصت ونزلت تحت
جموح:ماما وين بابا؟
ريم :بالمجلس روحي له
جموح راحت للمجلس ودخلت ولقت جدها موجود
الجد شافها جموح قالت:صباح النور والسرور والورد المنثور يقلبي
الجد ضحك وقال:صباح الخير يروح ابوك تعالي جنبي تو تجددت روحي بشوفتك
راحت له جموح وهي تضحك وقالت:بابا متى نروح للمزرعه؟
الجد:بس يجون خوالك نهايه الأسبوع نروح للمزرعه
نطت جموح وحبته من خده بقوه لدرجه الروج طبع على خده الجد ابتسم وقامت وقالت:باي بابا ابي اساعد ماما الجد ابتسم وهز براسه وطلعت جموح وعلى وراحت عند امها تجهز معاها وجهزت مع امها وخلصت
وعقب ما خلصو جو خوالها وراحت شافت ام مشاري دخلت هي وبناتها وسلمت عليهم وشافت لينا وراحت حضنتها وقالت:يالتبن اشتقت لك
ضحكت لينا وقالت:من اولها سب قولي لي كلمه حلوه
ضحكت جموح وقالت:تمام يقمر وشافت وتين و هتان
وراحت حضنت هتان وقالت:كيفك هتون
هتان ضحكت وقالت:بخير دامك بخير
طالعتها لينا بطرف عين وقالت:وجع شوف شوف بالبيت لسانك يلط اذانك علي اما هنيه صرتي هاديه ملاك
طالعتها هتان وشمقت لها وقالت:الي يقول ما تقعدين طول اليوم تصارخين سابع جار سمع صوتك
ضحكت لينا وقالت:هي لا تطلعين فضايحنا
ضحكت جموح وقالت:وين وتين توني شفتها
ضحكت لينا وقالت:حبيبتي جموحي ما تعرفين وتين الحين تلقينها وتفر بالبيت تستكشفه
ضحكت جموح ودخلت ام سيف وقالت لمى :عسى هالضحكه ماتفارق صاحبها وجموح ابتسمت وركضت لها وحضنتها وقعدت تبكي وقالت:امين يارب
لمى ضحكت وقالت:شفيك تبكين
جموح قالت:الشوق خلاني ابكي
طالعتها لينا وقالت:وجع انا ما بكيتي علي تبكين عليها
ضحكت جموح وقالت:كلكم ابكي عليكم
وضحكو وجو الباقي وحضنو بعض وبكو وخلصو
بالصاله الأمهات راحو يسون الفطور
عند البنات بالصالة دخلت عليهم العامله وقالت:مدام جموح بابا سعود يقول خلي يجي مجلس رجال
جموح قالت:ليه
العامله قالت:سلم على كوال انته
جموح قالت:طيب ولفت عالبنات وقالت :بنوتات منو عندها عطر ؟
لمى قالت:انا عندي وفكت شنطتها وعطتها عطر
وقالت جموح:تدرين نفس عطري المفظل
ابتسمت لمى وقالت:هم انا عطري المفظل الله هم نحب نفس العطر اخخ ضحكت جموح وتعطرت وطلعت للمجلس (للمعلوميه جموح ما تتغطى )دخلت وشافت خوالها وعيالهم وما كان احد منتبه لها وقالت:السلام
التفتو الكل حولها وقال الجد:هلا هلا بجموحي هلا
ابتسمت جموح وقالت:هلا فيك بابا
وقال ابو مشاري:هلأ والله ببنت الغاليه هلا بجموح تعالي سلمي وراحت جموح تسلم عليهم واحد واحد وعقب ما خلصت الجد قال:اقعدي يا بنيتي جنبي
ابتسمت جموح بخجل وراحت قعدت جنب جدها وقالت بهمس:بابا ترا روحي مطبوع على خدك
الجد ضحك وقال:حلالك الخد وراعيه ضحكت جموح
وقالت:ابوس ابوي انا ضحك الجد وقال ابو سيف:بشنو تتهامسون تحشون فينا؟ ضحكت جموح من كل قلبها وما كانت تدري بالعيون الي تراقبها ومنعجب فيها
جموح قالت:وي خالي ليه نحش فيك بس
__________________________________________________________________________________
خلصت هالبارت وكل اسبوع انزل بارت واتمنى هالبارت يعجبكم وهذي اول روايه اقراها طبعا انا قريت روايات وأخذت فكره وخططت وسويت واتمنى تنال اعجابكم
ولا تنسون النجمة حبايبي 💫💙
أنت تقرأ
لقيتك في مساعي العمر صدفه
Poetryالجد قرر يجمع عياله واحفاده كلهم ببيته علشان يحمون البطله من ابوها ويوم البطله دخلت تسلم على خوالها و البطل اعجب فيها واخر شي تنصدم بان ابوها يوم تزوج امها كان مسحور وامها وهي رجعو لابوها واجتمع شملهم والبطل قرر يدخل العسكرية وتمر سنتين ويوم جمعهم ا...
