اتمنى لكم قراءة ممتعة
وقبل أن نبدأ لا تنسوا الصلاة على النبي صل الله عليه وسلم والدعاء لأخواتنا فى فلسطين
______________________________
فى الصباح الباكر
كان المنبه يرن بجوار أستاچ
مدت أستاچ يدها لتغلق المنبه و هي تقول بصوت ناعس :انا نفسى اعرف انت بترن دلوقتى ليه الساعة دلوقتى ٧ ونصف هو ورايا شغل ولا حاجة..ثانية انا الشغل انا اتأخرت
ثم نهضت بسرعة و غسلت وجهها ثم ارتدت ملابسها وهي في الطريق اتصلت بصديقتها المقربة
:انتى يا زفتة مصحتنيش ليه انتى ناسية انى عندى شغل
:مين؟
استاج :مين ايه انا استاج
نورسين :استاج اه عاملة ايه
استاج :نورسين انتى لسة صاحية
نورسين :اه
استاج :هو مش كان على ما اعتقد يعنى إن انتى عندك امتحان انهاردة عشان كدا قولتلك تصحينى
نورسين :امتحان! امتحان ايه لا ثانية الامتحان اقفلى بسرعة
ثم أغلقت نورسين المكالمة
استاج :لا حول ولا قوة إلا بالله الحمدلله وصلنا بسلام وأمان
_______________________________
عند نورسين قامت بسرعة وارتدت ملابسها بسرعة وقالت لأختها ناردين التى كانت تشرب فنجان قهوة:انا راحة الامتحان
ناردين: امتحان ايه يا نور أنتِ خلصتى الجامعة اصلا
نورسين :اصلا طب ليه استاج قالتلى عندك امتحان
ناردين:يمكن عشان تقومى من على السرير وتبطلى كسل وتشوفيلك شغل
نورسين : انا وكسل فى جملة واحدة طب والله لأدخل وأكمل نوم عنداً فيكم
ناردين:لا حول ولا قوة الا بالله
_______________________________
عند استاج كانت وصلت مقر عملها
وهي فى طريقها لمكتبها قابلتها زميلتها لمياء
لمياء:على فكرة أنتِ كدا اتأخرتى ربع ساعة وانا هبلغ المدير عشان يخصملك
استاج :أنتِ مالك اتأخر زي ما انا عايزة لو عايزة تبلغيه بلغيه
ثم تركتها وذهبت إلى المكتب وجدت صديقها نوح بانتظارها
نوح :ليه تعملى مشكله مع الزفتة دى أنتِ عارفة دى تقرب ايه لباشمهندس مالك
استاج :تقربله ايه يعنى
نوح :خطيبته
استاج :عادى ميهمنيش
نوح :ولما يطردك بقى هتجيبى شغل وفلوس منين
استاج : فى طريقة اجيب منها فلوس كتير اوى
نوح :اي هي
استاج :هتعرف لما نتجمع كلنا
نوح :أنتِ بتتكلمى بجد
استاج:اومال بهزار انا هخلص شغلى بسرعة وبعدين نتقابل عندى فى الشقة بليل
_______________________________
فى الليل فى منزل استاج تجمع الاصدقاء حول طاولة صغيرة
استاج :بصو بقى انتم عارفين انى لسة نقله فى الشقة دى من قريب وانا بروق الشقة لقيت
نورسين وهي تقطع كلامها : المصباح السحري بتاع علاء الدين
نوح :اي الهبل دا اكيد لأ اكيد لقيتى فلوس كتير
استاج وهي تنظر لناردين :مش عايزة تضيفى حاجة عليهم
ناردين:لأ انا عايزة اسمعك
استاج :بالله نهال امك مجبتش غيرك انتِ دول هبل وهيشلونى اسمعونى لقيت ورقة مطوية تحت السرير بفتحها لقيتها خريطة كنز
نوح:انتِ متأكدة أنها حقيقية ولا لعبة
استاج :لا حقيقية
ناردين:عرفتى منين
استاج :هقولك لقيت كتب فى نفس الاوضة بتتكلم عن الكنز دا وان كان فى تلت ممالك اتجمعوا وكل ملك من الملوك حط حاجة ثمينة من مملكته جوا الكنز وخبوه فى مكان محدش يعرفه غير اللى معاه الخريطة دى
نوح :بس فين الطريق اللى بيبقى مرسوم على الخريطة
استاج:الخريطة دى غير هو واصف الطريق احيانا بصور واحيانا بلغة مملكة اراميا ودى لغة تلغبط اوى لأن هي بتتقرأ من اليمين للشمال وممكن برضو تتقرأ من الشمال لليمين
نورسين : وأنتِ هتعرفى تقرأيها
استاج :طبعا أنتِ بتشكى فى قدراتى
نورسين :لا طبعا هو انا اقدر
نوح :طب كدا احنا هنروح امتى
استاج :بكرا الفجر إن شاء الله الكل يجهز حاجته .
______________________________
انتهى البارت اتمنى يعجبكم
