المهُاب

الحلقه الخامسه ⚓️

بسـم اللَّه الرحـمٰن الرحيم"

الكاتبه:-رمـيم الـ دليم

_المُهاب

_لاتنسون التصويت والتعليق بين الفقرات
+متابعه الحساب rt1ttttt
Instagram:rt1ttt. 
.............................................................

فليتك تحلو، والحياه مريرة
وليتك ترضى والانام غضابُ
وليت الذي بيني وبينك عامر
وبيني وبين العالمين خرابُ
اذا اصح منك الود فالكل هين
وكل الذي فوق  التراب تراب...
..............................................................

فتح عيونه بقوه اجه عليه بسرعه  ماحسيت غير براشدي قوي شهكت رفعت راسي ردت احجي  وسمعت صوت ضلام
ضلام: لااتمد ايدكك عليه.هل مرا راح اعديه لخاطر لكبار مرا ثانيه يصير غير تصرفف فهمت

شفت عمو حازم  خنس وبعد ماحجه عفتهم وصعدت فوك
واحلف اله اردهه اله اضعاف مرت فترا ونفتح لباب دخلت

دخلت جلنار منزله راسه
-جلنار: عادي ادخل
ضحكت علا فهاوتهه
-دمار: فوتي خيه فوتي
-جلنار:احمم شسمه دمار لضوجين محد يستاهل ضوجين نفسج عليه
ابتسمت
-دمار:منو كلج ضايجه
ابتسمت وكامت راحت علا جربايته ندك لباب باوعت عليه
-دمار:تفضل؟
دخل وهاب ابتسمت بوجه دخل وسد لباب راد يحجي وباوع علا جلنار تحمحم باوعت عليه ورجعت باوعت عليه فتهمت وكامت طلعت اجه كعد يمي
-وهاب: لتشيلين بخاطرج وداعت عيونج حقج يوصل ليمج
اذا ماكسرت ايده ماطلع وهاب
ضحكت بصوت عالي
-دمار: افاا وانااا دمار حقي اخذه بيدي ماتعلمت احد ياخذ حقي
ابتسم وندفع لباب بقوه صاح
-محمد: كفوو من شاربككككك يخويي
ضحكنه وفات يميل بخصره كامله وهاب بهمه راد يصعد علا جربايه وصحت
-دمار: هييي لللااا لتصعددد تنكسر
وكف وكال
-محمد: شايفتني ثور؟؟؟
-دمار : همزين اعترفت بنفسك
ضحك وهاب بصوت عالي اجه محمد عليه يركض ركضت بسرعه طلعت وهاب يصيح عليه حته يعوفني نزلت درج واني اركض درت وجهي اشوف محمد ماحس غير انردمت بشخص كال
-اسد الله: تو تو علكيفج بويه
رفعت راسي وكلت
-دمار: مادري نزلت اركض ونلطخت بيك
ضل صافن بوجهي ثواني فرك وجه وكال
اسد الله: مصار شي بويه
عفته ومشيت ادور علا محمد وين راح طلعت للحديقه شفتهم كلهم كاعدين وحاطين كعك وجاي ويسولفون جانو كلهم ملتمين بيبي وجود وعمو حازم ومرته وامي محاوطاته ريما وديما وحاضنه نار لكلبه نزلت راسي وتنهدت حسيت ايد حاوطت جتفي نداريت شفته ضلام ابتسمت بوجه
-ضلام:تجين ويايه لو نروح نكعد
-دمار: لا وياك ماحب هاي لكعدات لان لازم ننغث بيه
ضحك مشه وجرني من ايدي ناحيت لبستان شفنه وهاب ومحمد طالعين سوا شافونه واجو باتجاهنه يضحكون

-محمد : تدرون علا شنو وهاب يضحك
-دمار: لان شافك مضحك وكعد يضحك عليك
ضحكو وهوا طنكر عود زعل
-دمار: اخخ بويه كون محد غيرك يزعل
باوع عليه بطرف عينه
-محمد: حلو مو بلا؟؟
ضحكت
-دمار: تشبه القرد الي موجود بتركيا
صاح بصوت
-محمد:الله واكبر قرد وراح تركيا واني حدي لابو لفلافل
متت ضحك عليه ضلينه نمشي لحد ما وصلنه بيوت تلاثه صغار ويمهن حديقه جبيره مسيجه سياج خشب وبي خيل جوزي وخيل اسود ضحكت فرحانه
-دمار:الله جان بنفسي اركب حصان
-ضلام: ماخلي شي بنفس دماري
حسيت نفسي راح ابجي من اهتمامه
-دمار: اوييي راح ابجي ترااا ممتعلمه علا هيج كلام
ضحك وحضني لتفتنه علا صوت
-اسد الله: الله حيو شباب
-ضلام: حي اصلك ابن عمي
ضلو يسولفون ويتناقشون بامور شغل حجيت بملل
-دمار: هسه تصعدوني لو ارجع
-اسد الله: اففاا دمار تريد تصعد ومنصعده شكم دمار عدنه.
ابتسمت علا حجيه راحنه متوجهين يم لخيل فتح الباب اسد الله وكالو خلي نسابق ونشوف منو الاسرع
-دمار: بس اني مو كلش اعرف بي
-ضلام :مو مشكله نعلمج
راد يصعدني ضلام علا لحصان الاسود كال
-اسد الله: لا ميرهمله هاذا
كعد حاجبي مفاهمه
-دمار: ليش ؟؟؟
راح باتجاه بيت من خشب فتحه وطلع حصان ابيض بجوزي يجنن
-اسد الله: هاذا احلا مو
ضحكت وهزيت راسي بـ اي ضحك
صعد ضلام وصعدني وياه وعلمني شون امشي بي وشون اصيطر عليه تعلمت نوعاً ماا نزل وخلاني وحدي امشي بي

-ضلام: دبريه؟؟
-دمار: اي ادبرهه عرفت.
مشيت بي علا كيف شوي شوي بلشت اسرع وهمه واكفين يباوعون عليه مشيت بسرعه سمعت صوت اغنيه خلتني اتحمس وامشي اسرع

مشيت بسرعه والاغنيه تحمس ماحسيت غير طفت الاغاني وصياحهم ورايه صاح
-اسد الله: دمااااار...............

......................................................

علقو بين الفقرات حته استمر بتنزيله. طششوها بكُل مكان

الروايه احداثه قويه وجريئه