الفصل الثالث
صقر الصعيد "قضيه شرف"
صرخت عشق ببكاء عندما وجدت صقر يشير الي احدي حراسه وفجأه فقدت وعيها فاقترب منها صفر وحملها وصعد الي غرفته ووضعها علي الفراش فدخلت شريفه بسرعه واقتربت منها وهي تردد:
عشق...جوومي يا بنتي اي ال حوصلك... انت عملت فيها اي... عملت اي يا صقر حرام عليك.... حرام عليك ال بتعمله دا والله
صقر بضيق:
هتبجي كويسه يا حجه متخافيش... هي زي العفريته مش بيوحصلها حاجه
نظرت شريفه اليه بغضب ورددت:.
علي فكره ال انت بتعمله دا ميرضيش ربنا وانت والله هتتحاسب مش معني انك اتظلمت جبل اكده انك تظلم حرام عليك يا صقر... اتجي الله لو فاكر انك اكده بتهدي غضبك فـ تبجي عبيط.... انت بتزود غضبك اكتر واكتر... حرقت الدنيا كلها... عايز تعمل اي تاني.... فكر في كلامي وارجع عن ال انت فيه دا بجا
القت شريفه كلماتها وخرجت من الغرفه فـ تنهد صقر بحزن واقترب من عشق وبعد خصلات شعرها عن وجهها وهو يردد؛
انا اسف.... اسف علي كل حاجه بس مجدرش اعمل غير اكده... انتي واهلك متتأمنوش... انا مجدرش امنلك تاني ولا اثق فيكي تاني... انتي تستاهلي كل ال بيوحصلك... زي ماساعدتي اخواتك بعد ال عملوه وهربتيهم لازم تاخدي عقابك انتي كمان
القي صقر كلماته ثم تركها وذهب وفي صباح يوم جديد كان يجلس مهران امام احدي حراسه وهو يردد:
عرفتوا منين عاااد انه راجع... انتوا متأكدين
الحارس:
ايوه يا بيه.. ال نعرفه ان صقر بيه بعتله علشان يرجع من السفر وهو هيوصل انهارده ان شاء الله
مهران بغضب:
طيب وانت مبسووط اكده ليييه هااا... انت مجنووون دي مصيبه.. انت ناسي دا مييين ... دا شاهر اخو امينه مرت صقر الاولي
الحارس:
اوامرك يا بيه... جول ال حضرتك عايزه واحنا نعمله... تحب نجتله وهو راجع من المطار
مهران بعصبيه:
لع طبعا.... مستحيل انت مجنون عايزهم يجوا يجتلونا كلنا اهنيه.... سيبهم اصلا انا متأكد انه هيجي في حراسه كبيره مش علشان يحموه... علشان يحمونا منه... صقر عارفه زين وعارف انه متهور فـ هيبعت حرس كتير جووي ياخدوه... فلازم بجا في الوجت ال هما مشغولين فيه تعملوا ال انا جولتلكم عليه... دا الوجت المناسب... انا مش عايز الولد ال في بطنها دا يعيش مهما حوصل فاهمين
الحارس:
اوامرك يا بيه
القي الحارس كلماته وذهب ولم ينتبه الي زهراء التي تقف في الاعلي تستمع اليهم بصدمه وبعد فتره كان يجلس هذا الشاب في سيارته وهو ينظر خلفه بتذمر حتي ردد بضيق:
