الفصل السادس
صقر الصعيد "قضيه شرف"
كان يقف في المستشفي بتوتر ينتظر اي خبر حتي وصلت زهراء واقتربت من صقر وتحدثت بلهفه:
صقر عشق كويسه بالله عليك طمني عليها جول انها كويسه ابوس يدك
نظر صقر اليها بغضب ومسك يديها وهو يردد؛
انتي اي ال جابك اهنيه هاااا... اي ال جابك هو مش كل ال بيوحصل دا بسبب عيلتكم.... مش كل دا بسببكم انتوا
زهراء بألم:
والله العظيم ما عملت حاجه جسما بالله
صقر وهو يبتعد عنها:
امشي من جدامي دلوجتي يا زهراء علشان مش عايز اطلع كل عصبيتي عليكي
زهراء ببكاء:
مش همشي انا مش همشي من اهنيه غير لما اطمن علي عشق و
لم تكمل زهراء كلماتها حتي خرج الطبيب فردد صقر بلهفه:
هااا يا حكيم.. طمني بالله عليك.. جول انها كويسه
الطبيب:
الجرح ال في بطنها سطحي بس حالتها النفسيه صعبه جووي ولازم تخلوا بالكم منها علشان ال حوصلها مش سهل
القي الطبيب كلماته وذهب فأقترب شاهر من صقر وردد:
هنلاجيه.. والله العظيم هنلاجيه وهننتجم منه بطريجه مستحيل حد يتخيلها وانتي يا بنت علام... امشي من اهنيه وروحو حضرو للعزا
زهراء بصدمه:
عزا؟! عزا مين عاد
القت زهراء كلماتها بخوف وبعد فتره كان يقف مهران امام بيته وهو يري جثه صالح الملقاه علي الارض فاقترب منه واحتضنه وهو يبكي بقهره مرددا:
صلاح... جوم يا ابني.... جوووم يا ابن الغالي... دا انت امانه من ابوك الله يرحمه... صلاح جووووم بالله عليك يا ابني
القي مهران كلماته وهو يبكي بشده. حتي وصلت زهراء ورددت بصراخ:
اخوووي..... .. صلاح.... يا لهوووي صلاح
القت زهراء كلماتها وهي تبكي بشده وفي يوم جديد عند صقر كان يجلس في غرفته بجانب عشق ينظر اليها وهي نائمه بهذه الحاله جتي انفزعت فجأه وهي تصرخ فاقترب منها صقر وردد بلهفه:
عشق.... اهدي انا معاكي اهه... اهدي
عشق بانهيار:
هما فييين.... حوصلي اي عملوا فيا اي
القت عشق كلماتها ونهضت ووقفت امام المرأه ولكنها انصدمت عندما وجدت هيئتها هكذا فرددت ببكاء:
اي دا.... حرام عليهم.. ليييه يعملوا فيا اكده... امشي... ابعد عني مش لازم تشوفني... يلا امشي... انا بكرهكم... بكرهكم. كلكم ربنا بنتجم منكم... امشي
