الكاتبـه: دمــار الـ علي
رَحلـة البَحـر
لم تَكُن مُجَرد عيون
بَل صورة مُصَغرة
لِوَطنٍ أرغبُ بالأنتماء إليّه .
لا تنسون التصويت والتعليق على الفقرات🤍
☆☆☆☆☆☆☆☆☆☆☆☆☆☆☆
كنز- نمت بين افكاري الي لازالت تفكر بي فزيت على احد يناديني
شفتها فضه
- فضه موتيني رعب شبيج عبالك سعلوه يمي
فضه- ههههههه شمدريني بيج هيج تگبين يلا امشي ناكل
كنز- يلا هسه نازله وراج..
گمت اخذت شاور سريع وطلعت ساعدتهم بلـ اكل بدينه ناكل
خلصنه مر الصباح مثل كل يوم زيدان بلتدريب وبابا وعمو عمار ماعرف وين طلعو وداوود راح لاصدقائه
- امشي فضه خل نحضر ملابسنه
ترى تحمست
فضه- يلا امشي شوكت يجي المغرب عاد
كنز- صعدنه فوگ اخذت الي لبستين مريحات كلش واختاريت اللبس فستان اول منروح حتى يصير جو وكذا وفضه هم نفسي نزلنه جوه صبينه الغده انجمعنه كلنا ناكل
ايات- اي زيدان المدرب شگال؟
زيدان- وافق وگال اصلا ماعدنه مباريات هل اربع ايام
عمار- اي زين حتى كلنا نروح عود تحضروا بلـ5 ونص نطلع منا
كنز- كملنه اكل غسلنه المواعين التفت بعد ما خلصت شفت زيدان واکف مبين يريد يحجي مشيت بسرعه وعبرته طلعت من المطبخ صعدت فوك ضليت اتصفح بلتليفون جتني رسالة من حساب ميلا نفخت بضجر فتحت الرساله
(ميلا- مرحبا حبيبتي شلونج؟ شنو رايج نرتب طلعه سوه كـ بنات)
دزيتلها.
(كنز- مرحبا عيوني والله مشغوله هل يومين بس اخلص شغلي ان شاء الله
نرتب الي تردي)
(ميلا- تمام حبيبي فرصة سعيدة)
كنز- ودعتها وخرجت گلت الفضه
فضه- هسه تطلع تعرف انتِ وزيدان بنفس البيت
كنز- طبهم طوب شعلي اني راح اخذ شاور واطلع
فضه- تمام بس استعجلي اني هم اريد اخذ وخاف نتأخر
كنز- تمام..
دخلت للحمام سويت تقشير للبشرة وخليت كم سيروم لوجهي طلعت سشورت شعري شفت الساعه
4:20 نزلت جوه
