الكاتبة: دمــار الـ علي
رَحلـة البَحـرُ
وتمشي في الأماكنِ ثمَّ تَبدُو
وحيدًا في المَغاربِ والمَشارِقْ!
لقد هَجَروكَ مَن أحيوكَ يومًا
وصاروا مثلَ أعوادِ المَشانِقْ
لا تنسون التصويت والتعليق على الفقرات ايلاڤيو🤍
☆☆☆☆☆☆☆☆☆☆☆☆☆☆☆
زيدان- اي وشنو ردج الي؟
كنز- بعدين ارد الك خليني افكر
زيدان- كنزي ليش تطولينها وهي قصيرة؟
كنز- ما مطولتها بس خليني افكر بهدوء الله يخليك
زيدان- فكري كنز اخذي كل الوقت بس لا تخيبي مشاعري
كنز- باوعت بعيونه شنو اگول اله اعترف اني احبه بس ماعرف شلون اكولها اله ماعرف ابادر
شردت بجمال عيونه الي جان يباوعلي بيهن نطقت بشفايف ترجف
- اا اني هم احـ احبك زيـزو
كنز- وسـع عيونه رمش لعدة مرات
تقربلي وحضني بقوه
زيدان- شنو كلتي هسه؟
كنز- دفعته قويه ودخلت للغرفه وتمددت بمكاني واحس فراشاات طايره بگلبي مو بس بطني نمت من الفرح ماعرف من شنو گعدت على صوت
فضه- لج كنز گومي ترى ما صورنه ولا شفنه البحر زين قضينه الوقت بس نوم
كنز- گمت بضجر ادري ما تفكني بحالي شفت الساعه 6:15 غيرت ملابسي وخلينه مكياج بسيط وگفنه على نهاية السفينه صار ورانه البحر مباشرتاً صعدو ويانه داوود وزيدان الي لحد هسه مبتسم ويباوعلي بحُـب
فضه- زيدان من فضلك تاخذلنه صورة اني وكنز اريد اخليها ستوري
زيدان- اكيد انطيني تقربوا سوه
كنز- تعالو ناخذ سيلڤي سوه ...
تقدموا علي اخذنه الصوره منشنتهم وخليتها ستوري
تقرب علي زيدان اكثر باعتبار يريد ياخذ(السنارة مال صيد السمك)
زيدان- عرفت غايتج شنو كنزي
كنز- اكيد غير اضوجها مثل ما ضوجتني من قبل وزيدان اذا لمحتك وياها والله انهيك
زيدان- اوف حبيبي العنيف
كنز- بقوا يصيدون سمج واحنه يمهم اجاني مسج؟ مافتحته بس شفته من فوك
ميلا- زيدان وانتِ مع بعض شسوون؟
كنز- وره شوي سمعت صوت تليفون زيدان يتصل اكيد هيَ اتصلت بي حتى تخرب. كلشي جان التليفون على خشبة جبيرة
زيدان- كنز جيبيلي تليفوني من يمج
كنز- سحبت التليفون شفت المتصل ميلا جان يباوعلي خزرته وانطيته اله
اخذه مني
