إبري المجنون (نوائب الفُرات)

part3

تعليق +تصويت +متابعة

القصة:- أبري المجنون
الكاتبة:-ديما قيس

................

تَمَّت وَتَمَّ الحُسنُ في وجهِها
فَكل حُسنٍ ما خَلاها مُحال

عبد علي
جنت منصدم من كَلام فُرات ضليت صافن بوجهة عيوني حمرة تجدح نار عبالك

عبد علي:-يا حسابات فُرات
فُرات:-حساباتي وينَهلة

راح دخل للبيت جان ابوي جوة يم عمتي ماعرف شنو راح يسوي سحب سجينتة ودخل

رحت ورا اشوف شنو راح يسوي ضل يحد بسجينته ذب قميصة شعرة نزل وعيونه تجدح نار بقى بفانيلته راح يم امة وجان يحرك بسجينته بعصيبة ضليت صافن ابوية راح عليه يهدأ بي

كمال:-فُرات اهدئ لا تتهور فُرات

فُرات عاط عيطة رجت البيت رج ضلينة خانسين كلنة ابوية راح جر من عندة السجينة وركعة راجدي ضلينا صافنين على تصرف ابوية ويا فُرات اول مرة بحياتة يضربة راجدي كدامنة فرُات قبض ايدة شرايينة كلها طلعت من العصبية

فُرات:-تضربني خالي تضربني علمود وحدة عافتني اني وخواتي بنص الطريق وراحت اتجهت الطريق الخطاً

كمال :-اي وبعدين شتريد تسوي تقتلها شنو راح تستفاد إذا قتلتها راح تغير شي راح تغير الشي الصار وياك لو تعالج نفسك فُرات باشا القتل مو حل حتى تنسى الصار وياك لو تشفي مرضك وعقدك النفسية

فُرات :- ما كاعد اشوف بوجها غير ذيج المرا العافتني وأني صغير وبيدي تؤام ثنين بنات ماعرف وين انطي وجهي لا اني العشت مثل باقي الأطفال ولا اني الكدرت اتخطى الصار وياي مثل الطير الانجرح بس ما مات تريد تقنعني هسة راح تعدل ورا كل السنين الفاتت ذنبت وبسببها كنت اشتري بذنوبي 'ذنب ورا ذنب الحد الرأس والمرض تارس الروح والرأس كلشي بحياتي يمشي عكس ماريد لا اني الصاحي ولا اني التايب' تريد هسة اغفرلها على كل شيء سوتة وياي وامشي ولا عبالك هي السوت ذاك الطفل البريء مريض من الصغر.

_وليدي فُرات ماكو انسان ميغلط بحياتة وهي اكيد هسة راح تترك هذا الطريق وتصبح من نفسها واكيد راح تتغير ماكو بشر يبقى على حالة .

_خالي ماكدر أشوفها بغير نظرة خالي كسرتني واني صغير ماريد ترجع تكسرني واني جبير وأما بنسبة للكحول والتدخين هي مدمنة ماعتقد تكدر تعوف ذاك الطريق