تصويت +تعليق +متابعة
ابري المجنون
بقلمي#ديما قيس
............
صغيرة چنت وانتَ صغيرون
حُب عرفنا بنظرات العيون
كالو ترا ذولة يحبون
من صغير لمن يكبرون
مثل نجمة والگمر
كُبر حبنا وازدهر بعيونك حبيبي
نبتدي دروب السَفر
بَينت الصدمة على الشاهين وكعد رافع حاجبة الكمال ويباوعلة من ورا خشمة اللحضة فكرنا راح يكون يضربة نَهر وجهة صار اصفر من بعد جفصتة كدام الشاهين وجه نظرة الكمال وهزلة بيدة بعصبية
_اريد جواب مقنع الكل الحجة بي نَهر
كام خالي كمال كعد على الكاونتر وابتسم ومبينت علية ابد ملامح القلق والتوتر باوع على فدعة
_ قلبك من صخر ماحن علية
_مافهمت احجيلي بنظيف
باوع بعينة وضل يحجي بدون خوف وتردد كلنة نصدمنة كمية الشجاعة اللي بي الي خلتة يحجي هيج والشاهين
_طبعاً راح اسولفلك من حقك بنهاية هي امك شوف شاهين من اني وشاب عمري طب العشرين حبيت امك جانت تروح يم النَهر تغسل وتشرب مي منة ومرات اشوفها تغسل ملابس هناك وتغني بصوتها الحنين اني كُنت اختل ورا الشجرة واباوع عليها من بعيد البعيد واشوف مرات صديقاتها يجن يمها هي تكسر عليهن بجمالها من بعد خمس سنوات امك وجديتك شالن من بعد موت جدك الله يرحمة كان خوش انسان من بعدها اني انتقلت الغير مكان وامي حجت وياي بخصوص بنت خالي اخذتها بس ماكُنت احبها ولا هاويها احترمتهة وماقصرت عليها ب اي شي بعد فترة اجاني ولد شلتة بيدي واشتميت عطرة حسيت روحي كاعد اتذكر فَدعة ماكدرت اسمي اسم بنية سميتة بشي يذكرني ب اول لقاء الي بيها هو النَهر سيمتة نَهر ونَهر يوم عن يوم يذكرني بيها ويخليني احبها اكثر اتذكر عبايتها ودكة حنجها الجانت تسويها بشبابها واتذكر صوتها الدافي من كانت تغني عند صديقاتها كُنت ورا الشجرة نغني نفس الاغنية ومتعرف الصوت منين جاي تركض ترجع البيتهم .من بعدها اجى منعول الوالدين عبد علي الهيلكي ومن ذاك اليوم الحد ماتزوجت نَهلة علي وانصدمت من طلعت متزوجة محمد بوقتها انقهرت وراها صارت مشاكل بس احاول اتعلعل يمهم حتى اشوف فدعة بس ابد ماكلت اني جنت الشخص الي يغني وياج ورا الشجرة
أنت تقرأ
إبري المجنون (نوائب الفُرات)
Actionفي احدى الازقة بغداد يوجد شخص تختبى خلفه الكثير من الأمور قصة حقيقية كتبت ب انامل جميلة حساب الانستغرام Its_dem20
