الديره ]
كانت جدة العنود جالسه في الحوش وكانت تنادي با اسم العنود بصراخ: عنوددددد قومي قامت عليككككك سوييييي الفطورررر وتعاليييييي كنسيييي الحوشششس
العنود الي سمعت صوتها الي كل الديره تسمعها قامت بتاففف ودخلت الحمام واخذت له دش سريع وكانت ،عيونها جافه لانها ماتنام غير ساعتين في اليوم ،دخلت المطبخ وجلست تسوي الفطور وبعد ماخلصت ودت الفطور لجدتها على حدود الساعه ١٢ الظهر الشمس تصك الواحد تعمدت جدة العنون تخلي شمس تصير قويه علشان تخلي العنود تكنس الحوش
جدة العنود(اسمها نوير) قامت واتجهت للمطبخ طلعت مكنسه وطلعت العنود للحوش نطقت :مافيه دخول لين اشوف الحوش يلق فهمتي !
العنود توقعت كل شي من جدتها بس حبت تتجادل معها :حر وشمس قويه !
نوير:اقول كنسي الحوش وانتي ساكته
ودخلت وسكرت الباب بقفل ..
ناظرت العنود الحوش وتعرف الوقت ذا وقت نوم جدتها وقالت بينها وبين نفسها : دام هذا وقت نوم جدتي بطلع وارجع العصر واكنس ماراح اخسر شي
طلعت وكانت تتمشى على مال مايذن العصر مع الوقت طفشت وجلست في بيت مهجور تهوجس
الشرقيه ]
كان بهاج جالس مع جده وكان الجد تعبان وهو يقول
الجد ناصر : لاتترك العنود لأخوالها انت وعدتني تتزوجها ابغى اشوف العنود في أمان قدام الله ياخذ عمر
بهاج وهو يناظر جده: ابشر باذان الله نروح بكره للديره وأخطبها
ابتسم الجد ناصر وهو يقوم وقال: الله يعطيك العافيه أنا ادري انك قدها
بهاج وهو يساعد جده علشان يقوم على رجولة ونطق بهاج: على وين ؟
الجد ناصر :بروح أقيل (انام)
راح الجد وقعد بهاج يهوجس بينه وبين نفسه :العنود ذي تكرهني من بعد ذاك الموقف كيف أتزوجها!
(فلاش باك قبل ٥شهوره)
كانت نوره عند عمانها تحديداً بيت عمها ام راشد كانت جالسة من نوره وكانت الساعه على منتصف الليل..
نوره كانت منسدحه وعدلت نفسها وتناظر في العنود
نوره: نودي شرايك نغامر ؟
العنود لفت عليها : تممم قدام
نوره وهي تضحك :توقعت بتقولين لا خايفه
العنود :انتي تعرفين اني احب المغامره امشي نطلع
قامت العنود ومسكتها نوره
لفت العنود على نوره :شفيك ؟
نوره :ياغبيه الساعه ٢:٣٠ لو احد يشوفنا ذبحنا!
العنود : معليك عندي وانا ابو هندي امشي بس
نوره قامت :أنا الغبيه جبت الطاري لك !
العنود : تدرين اني كنت أفكر اسويها من الساعه ١ بس خفت اننا مانحصل بقاله قريبه
نوره وهي تمسك جوالها: شرايك ندق على ريناد تسهر معنا ونخلي المغامره بكره؟
العنود :دقي عليها وقولي تغامرين معنا بهروح للبقاله
نوره :مافيه بقاله ياغبيه مفتوحه الحين !
العنود : معليه نروح للمحطه مفتوحه
نوره: المحطه لو شافنا بهاج هناك ذبحنا وبعدين تعالي تراها بعيده عند بيت عمي تركي !
العنود :كلمي ريناد وانتي ساكته بنروح يعني نروح وبهاج ماراح يعرفنا
دقت نوره على ريناد
ردت ريناد على نوره وحطت على الاسبيكر ..
نوره :ريناد تخيلي بنت عمك المهبوله ذي تبي نسوي مغامره !
ريناد : وشهي المغامره؟
نوره :نروح للمحطه!
ريناد وهي تضحك : هذي مغامره يالغبيه انتي وياه محطه
نوره تناظر العنود سحبت العنود الجوال من يد نوره
العنود :وين تبين نغامر
ريناد :شرايكم نروح مكان هو خيال اطلعوا أنتوا بس
العنود :تمممم يلا اطلعي وحنا بنطلع
قاموا لبسوا عبايتهم وطلعوا وحصلوا ريناد جاتهم
نوره : وين المكان ذا؟
ريناد : يبعد من هنا نص ساعه
العنود :حلو
نوره مسكت رأسها :يويليييي ياراسي !!شرايكم نرجع وندخل البيت ونطلع للسطح نسوي شاهي احلى ؟
ريناد : نوري وافقي خلينا نروح
العنود : بنروح معليك منها
نوره: اكيد بروح أخليكم لوحدكم مستحيل!
ريناد : امشوا
مشوا البنات كانوا قريبين من المحطه
العنود :ريناد وين ذا المكان
ريناد : بنروح للمحطه ونأخذ اكل ونروح للجبل
نوره :يلا امشوا
مشوا البنات للمحطه
وكان بهاج واقف يعبي بترول
ودخل للبقاله راح قسم العصيرات يشتري حمضيات
وفطيره لوزين
وقاعد يدور بطاطس علشان يتشري فجاه لمح ثلاث بنات يدخلون البقاله نزل نظره وبعدها استوعب شاف عيون نوره نرفع يناظر عرف نوره وريناد بس ماعرف البنت الي كانت معهم تخبى بيشوف وش بيسون !
البنات رحوا يشترون الي يبنون بعد عشر دقايق خلصوا البنات وحاسبوا وطلعوا طلع بهاج وراهم بدون ما ينتبهون له شافهم متوجهين للجبل عرف انهم رايحين للجبل بس ماكانوا يعرفون ورجع بهاج للمحطه اخذ السياره وقف خافوا البنات من السياره الي اقبلت عليهم
بس عرفت نوره السياره وقالت لهم :يمهههه بهاججججج بناتتت
ريناد الي عرفت انها بهاج وتنهدت :شيبي الزفت ذا !!؟؟
العنود وخايفه وتبكي :بنات خايفه يقول لأخوالي ثم يذبحوني
وقف بهاج السياره وقال بنبره حاده : وش تسون هنا !
ريناد :وش قاعد تشوف رايحين للجبل ليكون عندك أعتراض لأسمح الله!!
بهاج عصب وقاعد يصارخ :قلت لكم وش عندكم هنا تعرفون ان الجبل فيه اعيال!!!
نوره ناضرت في ريناد والعنود نظرات الخوف وريناد منصدمه نطقت ريناد: وش درينا ان فيه عيال حنا بس حبينا نروح نشوف المكان
ناظر بهاج العنود : وقال مين انتي !!
سكتتت العنود رجع نطق بهاج : مين انتي !!
العنود : أنا العنود
قام بهاج يهاوشهم وركبوا السياره وراح للبيت نطق بهاج بحده وعصبيه:وقسم لو أشوفكم طالعين لااقص أرجولكم تفهمون!!
العنود : مالك دخل نبي نطلع وش تبي !
لف بهاج على نوره ونطق : لا ياشيخه وين السربتة هذي ما نشوفك في الديرة تطلعين ولا خايفة من أخوالك! علشان ما يقصون رجولك !!
ناظرت العنود وجهه بهاج وفيه الدمعه : إلا اطلع وامتر الديره بعد
بهاج قام يضحك : نبي نشوف الشخص الي يفزع لك ويفكك منهم مين ؟
نطقت نوره ونزلت دمعتها :أنا مااحد يفزع لي أنا احمي نفسي!
فكت باب السياره وقاعده تركض تدخل البيت وهي تبكي
دخلوا البنات وراها و قاعدوا يواسون العنود بكت العنود لين ناموا كلهم
وبهاج حس بتأنيب الضمير بس تجاهل وراح للجبل جلس يسولف مع العيال
YOU ARE READING
عوضتني عن باقي سنيني انت العوض الجميل
Spiritualبسم الله الرحمن الرحيم الحمد لله رب العالمين روايتي الاولى كتبتها من باب خياليّ الشاسع وباب الفضاوة (الروايه من من وحي الخيال ) ((اللهم لاتجعل روايتي تلهي عبادك عن طاعتك)) الرواية تحتوي على وكوميديا ورومنسية وطقطقة ومقالب النجمه تدعم الروايه 💫
