عوضتني عن باقي سنيني انت العوض الجميل

7

نجي عند بيت الجده نوير >>
صحت من النوم وحست أنها فقدت العنود بس تكابر طلعت من غرفتها وشافت كيف البيت وصخ ومن هنا ادركت ان العنود شايله البيت

نجي عند بهاج والعنود >>
صحى بهاج قبل العنود وقام وشاف الساعه ٧ الصباح
ناظر السيارة الي كانت العنود بداخلها نايمه
بهاج منزل عيونه ب الأرض : العنود ياههووو قومي ، ماكانت العنود ترد
أخذ بهاج مويه ورشها على العنود ، فزت العنود جلس بهاج يضحك على حالها نطق وهو يضحك : قومي صلي الفجر
العنود بعصبية: خيررر ليش ترش ماء!!
بهاج :قومي صلي
قامت العنود ، توضوا وصلوا كانت العنود ورا بهاج خلصوا صلاه
العنود وهي تعدل الجلسه: ي الطيب مانك ناوي تدق على احد ينقذنا ؟
بهاج ب ابتسامة متوهق : جوالك وين ؟
العنود : معي ليش؟
بهاج يحك راسه : والله يا طويلة العمر والسلامة جوالي طافي شاحن
العنود حطت يدينها على راسه : وماقصرت جوالي مافيه نت !
بهاج : رصيد؟
نزلت راسه العنود بهاج لاحظ العنود : شفيك ؟
العنود : جدتي ساحبه الشريحه
بهاج : يا ليل وش الدبره الحين
العنود خطرت فكره على راسه فزت وفز بهاج معها
بهاج بخوف : شفيككك !!؟؟؟
العنود بفرحه : غبي انت جاتني فكره
بهاج تنهد : احسب في عقرب قرصتك ولا شي .. قولي وش فكرتك ؟
العنود بفخر : حط الشريحه حقتك في جوالي وندق سهل الموضوع
بهاج : نسيت اصلاً طاري الشريحه ههههههه قاعد افكر اني اروح للخط واخذ جوال احد كويس طلعتي ذكيه  تحيه لك 'صفق بهاج 👏🏻👏🏻'
العنود : لا داعي لا داعي
ضحك بهاج ودخل السياره وطلع جواله ونزله على الارض علشان ما يمسك يد العنود ،
اخذت العنود الجوال ونطقت : بهاج لف وراك
بهاج :ليه ؟
العنود : ياخي لف بطلع الحلق حقي علشان اطلع الشريحه
بهاج ضحك : قلنا ذكيه ولا الذكاء ذا ما كمل هههه روحي ورا السياره ههههههه
العنود : سامج مرررههههه اقدر اروح لكن خايفه يطلع لي شي
بهاج ضحك ولف ،
العنود : شاطر تسمع الكلام
ضحك بهاج ، طلعت العنود الحلق وبدت تفتح الشريحه وفتحت جوالها ولبست الحلق ولفت طرحتها ولبست نقابها
بهاج بطفش : خلصتي ؟
العنود : اي اي
لف بهاج ودخلت العنود الشريحه في جوالها
العنود : استعجل ترا ثلاثين لازم نحصل سياره قدام يطفئ ونتوهق
بهاج : تمام دقي انتي على اي احد
دقت العنود على نوره ولكن ماردت دقت على ام راشد لكن ما ترد
العنود بوهقه : مايردون !!
بهاج سحب الجوال منها واتصل على الرقم الاول
وقال : هلا ب الذيب وينك ؟
بهاج: تفزع ؟
: ابشر وش بغيت
بهاج : موتري وقف علي عند المكان **** ومعي اختي تقدر تجي؟
: ابشر يسعدك المكان الي بين الشرقيه والديره ** *؟
بهاج : ايه حول قرية ***
: ابشر بدبر لك احد أنا والله في المطار رحلتي الساعه ٨ونص
بهاج : لا لا تكلف نفسك بدور أنا رحله موفقه ي الذيب
: اصبر ولد عمي جاي من الديره *** ورايح للرياض ينزلكم على كبري الشرقيه وانتهى الأمر
بهاج : ومتى يمشي؟
: بدق عليه وسأله وارد عليك وبعطيك رقمه توصف مكانه
بهاج :طيب
: ارسال على ذا الرقم؟
بهاج :ايه ارسل وترا مو رقمي
‏: ok
بهاج : يلا سلام
قفل الخط وناظر العنود
بهاج : عندك رقم ابوي ؟
العنود: ايه
بهاج مد الجوال لها : خوذي دقي عليه
العنود اخذت الجوال : وش اقول له ؟
بهاج : دقي وعطيني
دقت العنود ومدت الجوال لإبهاج ،اخذ الجوال وشاف الاسم
وضحك
العنود تناظره بصدمه ونطقت : وش فيه ؟!
بهاج وهو يضحك: الاسم هههههه وش عمي ابو نوني على الاقل كان كتبتي اسمه او ابو راشد او ابو بهاج ما لقيتي غير البزر ذي ههه
العنود : مسوي فاتح موضوع وتلطف الجو اخلص شوفه
رفع الجوال بهاج وشاف ان ابوه رد وقاعد يسمعهم
بهاج : السلام عليكم
ابو راشد بعصبيه: وينك ي الحيوان والي معك عنود ؟
بهاج : ايه معي السياره طافيه بنزيم وحنا جاين للشرقيه وحالياً قريه *** حولها بس بعيد عننا شوي
ابو راشد : تمام بجيكم
بهاج : لا بيجي واحد وبنرجع معه بس حبيت اطمنكم
ابو راشد:عنود بخير ؟
بهاج : ايه بخير جوالي طافي وحطيت الشريحه في جوالها ودقيت
ابو راشد : انتبه لها واذا جيت بتفاهم معك !
بهاج :ابشر
سكر الخط ابو راشد في وجهه بهاج ههههههههه
بهاج مد الجوال: خذي خذي
ضحكت عليه العنود ونطقت : الحين خويك ذا بيجي ولا وش؟
بهاج جلس على الفراش:لا بنروح أنا وياه نجيب بنزيم ونجي نعبيها ونمشي
العنود بخوف:  اجلس لحالي هنا أنا ؟
بهاج :ايه
العنود انصدمت:مستحيل ومن سابع المستحيلات اجلس لحالي في الخلا
بهاج يسلك لها : طيب طيب

بعد مرور ساعتين >>
اتصل الرجال على جوال نوره ومدت الجوال للبهاج المنسدح
العنود : خذ الجوال رد
بهاج: هاه ، اخذ الجوال ورد ،
فز بهاج : هلا والله وينك ؟
: عند قرية ***
بهاج : خلاص حنا بين ** عند**
: ايوه خمس دقايق وانا عندك
بهاج : ماتقصر ي الذيب
قفل الاتصال وناظر في العنود

نجي عند بيت ابو راشد >>

ام راشد في المطبخ تسولف مع نوره
ام راشد: بهاج ماله حس!
نوره : تحصلينه راقد ولا همه احد
ام راشد : الله يستر
دخل ابو راشد ،
ابو راشد : شفيكم ؟
ام راشد : تبي الصدق ؟
ابو راشد ضحك وقال: لا ابي الكذب هههههه (بمزح) لا صدق شفيكم ؟
ام راشد : بهاج
ابو راشد ؛ علامه
نوره : يبه بهاج احس انحاش
ابتسم ابو راشد وقال : نسيت أقولكم بهاج اتصل علي من الساعه ٩ مدري ١٠ وقال ان البزيم طافي عليهم  والعنود معه بيجي واحد يفزع لهم
ام راشد بفرحه: العنود معه ؟
ابو راشد هز راسه
فزت نوره وهي تضحك : انتصر الحبببببب
ام راشد ابتسمت

بيت الجدة نوير >>
كان البيت كمية في الهدوء كان البيت مظلم دخلت الجده للمطبخ وكان المطبخ عباره عن فوضى فتحت الثلاجه وكان كل عيالها ماكلين من كل شي ولا كن في احد كبير ب السن في البيت
تنهدت الجده وهي تنطق بصوت عالي : زايددددددد
لا يوجد رد .. ،رجعت تكمل وهي تنادي ب اسمه باعلى صوتها وتفتش ب غرف البيت .. لكن لايوجد احد رجعت للثلاجه واخذت الجبن وأكلته من دون خبز من دون شاي !!
جت بتقوم الجده نوير بتروح للبقالات لكن كان حيله منهد فتحت باب الشارع لكن سقطت وضرب رأسها بحجر واغمى عليها

__________________
ارحبوا مليون 🫡🫡
والله معليش على القطاعه لكن تعرفون عيد وجمعات وعزايم مافيه وقت امسك الجوال حتى جاني هواش من الانستا وقلت اكتب لكم 🫣
البارت هذا عدد الكلمات ٩٣٠ المفروض يكون في الألف لكن حصل خير 😓