" කැණීම් පිළිබඳ අධ්‍යනය කිරීමේදී, කැණීමක් සිදුකරන ස්වරූපය පදනම් කරගෙන පර්යේෂණ කැණීම් සහ මුදවාගැනීමේ කැණීම් වශයෙන් එය ප්‍රධාන වශයෙන් කොටස් දෙකකට බෙදෙනවා."
කැලණි විශ්ව ව්ද්‍යාලයේ පුරාවිද්‍යා අංශයේ ජ්‍යෙෂ්ඨ කථිකාචාර්යවරයක් වුණ ප්‍රොෆෙසර් මාන්නප්පෙරුම මේ දේශනයක් කරමින් ඉන්නෙ සිව්වන වසරෙ සිසු සිසුවියන්ට වුනත් දේශන ශාලාවෙ බොහොමයක් දෙනා දේශනයට ඇහුම්කන් දීගෙන හිටියෙ කිසිම වුවමනාවකින් නම් නෙමෙයි.
" ඒ මෙයා ඇයි බං අයිත් මේවා කියවන්නෙ?"
කලකිරුනු හඬකින් නෝවා ඇහුවෙ ලොකු ඈනුමකුත් යවන අතරෙ.
" සිරාවටම ඕයි මටනන් ඕක පේන්නම බැරි පාඩමක්."
ප්‍රොෆෙසර්ගෙ දේශනාවට වගේම නෝවාගෙ අඳෝනාවට කොහෙත්ම අවධානය නොදුන් දම්සිත් ඔහේ කියලා දැම්මෙ එයාගෙයි පවන්ගෙයි බැක්පැක් දෙකේ අමුණලා තිබ්බ බ්ලැක් ඇන්ඩ් වයිට් ස්වොඩ් කීටැග් දෙක එක්ක කර කර හිටපු කඩු ෆයිට් එක කන්ටිනිව් කරන ගමන්. දම්සිත් වගේම නෝවාත් දේශනය මුළුමනින්ම නොසළකා හැරලා තිබ්බත් එයාලගෙ අනිත් යාලුවො දෙන්නා වුණ පවන් සහ තේජාල් දෙන්නගෙම අවධානය තිබ්බෙ ප්‍රොෆෙසර් ළඟ.
" මෙහිදී පර්යේෂණ කැණීම් කියන්නෙ පුරාවිද්‍යාත්මක වශයෙන් වටිනා භූමියක් තුළ, එහි ඇති පෞරාණික දේවල් පිළිබඳ පර්යේෂණාත්මක මට්ටමින් අධ්‍යනය කර ඉදිරි පරම්පරාව සඳහා දැනුම සමාජ ගත කිරීමේ පර්යේෂණාත්මක ක්‍රියාදාමයක නිරත වන කැණීම් කියලා ඔයාලට මතක ඇති. මෙය බොහෝ ඉක්මනින් විනාශ වීමේ තර්ජනයට ලක්වීම අවම වූ පුරාවිද්‍යාත්මක ක්ෂේත්‍රයක කරනු ලබන කැණීමක්.
එහෙත් මුදවාගැනීමේ කැණීමක් කියලා කියන්නෙ සංවර්ධන ව්‍යාපෘති පදනම් කරගෙන යම් හානියකට පත්වන පුරාවිද්‍යා භූමිවල සිදු කරන ලද කැණීම්. මෙම කැණීම් ඉක්මනින් වගේම ඉතා වේගයෙන් සිදු කරන්න ඕනෙ. ලෝකයේ බොහෝ රටවල වර්තමානයේදී බහුලව සිදුකරන කැණීම් ස්වරූපයක් තමා මුදවාගැනීමේ කැණීම් කියන්නෙ. එතකොට කැණීමක් කරන්න පුළුවන් ක්‍රම දෙකක් ගැන අපි දෙවන වසරෙදි කතා කරලා තියෙනවා එහෙම නේද?"
YOU ARE READING
WHEN THE RAIN COMES
Fantasyමිනිස්සු වැස්සට කැමතී... එයාලට අනුව වැස්ස කියන්නෙ මේ ලෝකෙ සුන්දරම දේවල්වලින් එකක්. ඒත් මට... වැස්ස කියන්නෙම වේදනාවක්... හේතුවක් නොදැනම විඳපු මහා වේදනාවක්. ඒ වේදනාවෙන් ගැලවෙන්න මට කොච්චර ඕන වුනත් ඒ කොහොමද කියලා මම දැනගෙන හිටියෙ නෑ. හැබැයි දවසක් මම ඒ...
