خُــمْــر

بداية الشفق

اثر العوض احلىّ من الماضيّ واهلهّ .

......................

......،......

بوقت متأخر من الليل

فتح عيونه بتعب يناظر السقف مرت دقايق وتبعتها ساعات والمنظر يتكرر قدامه

بلع ريقه الجاف والتفت للباب الي انفتح ودخل هتان مقرب منه بهدوء :- غيّد تنزل تفطر معنا ؟

اعتدل يجلس وناظر هتان :- افطر ؟ تفطرون؟

همهم هتان مستغرب هدوء غيّد الي ناظر قدامه وهمس :- ما افطر وانا امس شايف واحد مقتول

تقدم هتان وجلس مقابله وهو متكتف :- لعلمك ابوي من امس تعبان وحرارته مرتفعه وهو انقذك ولا كنت بتموت حتى اهلك

قاطعه غيّد اللي التفت له بصدمه :- اهلي شفيهم من جاهم فيهم شي ؟

هز راسه هتان ومسكه من اكتافه يهديه :- لا يابن الناس اسمع ابوي امنهم مارح يقدرون يجونهم واصلا ابوك بعد هرب من السعوديه بكبرها

عقد حواجبه غيّد ورفع نظره من هتان لجراح اللي دق الباب ودخل يناظرهم وبكل هدوء معتادين عليه :- هتان تسمح تتركنا لوحدنا

وقف هتان ومشى خارج من الغرفه بينما جراح تقدم و وقف مقابل غيّد متكي بظهره على الجدار وتكتف :- غيّد صيّاف قتل شخص بسببك بعد ما ترك هالشغله من ثلاث سنوات تعرف حجم المصيبه والمشاعر الي يحسها ؟

بلع ريقه غيّد ونزل راسه يناظر الغطاء واخرج يدينه يناظرهم وهو يسمع باقي كلام جراح الي قرب وجلس على طرف السرير :- ما اقول ان صيّاف انسان نظيف ومحترم وشغله كله تمام بس اللي اقدر اقوله انه ترك كل شي وراه وبدا من جديد عشان هتان تبي تدري ليه ؟

همهم غيّد بتساؤل وهو يحس بجراح يقرب اكثر ويطبطب على كتفه :- هتان فيه مرض بالقلب تشوه وهو بالاساس متعلق بصيّاف فا تخيل ينتظره كل يوم وممكن يجي يوم ومايرجع وهالفكره دمرت هتان وصيّاف الي ترك كل شي

تنحنح ورفع وجه غيّد يناظره :- ما اقول انت السبب بس لو نزلت تحت معنا ما صار ذا كله ولا تعب صيّاف او انت كان المفروض الحين انت بين اهلك وهو بيننا وبصحه زينه

تنهد غيّد وحس بابهام جراح الي مسح دمعته و وقف :- هالشخص الي تبكي عليه تدري وش مسوي ؟ مغتصب انسان ظلم كثير ناس وعذبهم وقتلهم وصدقني صيّاف الي سواه كانوا بيسونه غيره والحين قوم تروش ريحتك يعع وانزل افطر معنا واذا تبي ما اجبرك رح لصيّاف يمكن يقتنع وينزل وترا هذي اطول جمل قلتها بحياتي وكانت من نصيبك استغلها زين ولا تتأخر ترا عزيز جوعان

ابتسم غيّد ثواني بعد خروج جراح وقف و توجه للحمام وشغل المويه ياخذ له شور يرجع نفسه القديم ويحاول يتأقلم على الاقل لحد ما يرجع لاهله