نيران الچَحيم .

" 27 "

*** ***

مساء الخير
'
روايــة نيران الچَحيم 𓋜
بقلمــي انة الكاتبة مــرامــر 𓆤 .
'
‏﴿ قُــل اعُـوذُ بِـرَبّ الـفَـلَـقِ ﴾

شچعني بنچمة وتعليق رويحاتي ..

*** ***

نزلت من بعد مده طويله وشفت كبالي أمي كمزت عليها ذبيت البيدي وضميتها بكلبي
- يُــمـة اشتاكـيتلكُـم

سلمى : يبعد رويحتي و احنه ميتين أعليچ

وخرت عنها من شفت ابويه و الي استقبلني بأبتسامته المضويه

محمد : و انه اكولن اكو نور مضوي

رحتلها بسته من راسي وحضنته قوييي من كل كلبي

ميار : يي عيني مضويه جا انه شني ضلمه

ضحك ابويه وكال : چا غير انتن نور بيتي وكل وحده شمعه ومن تغيب وحدتچن يقل هل نور هذه وبچيتچن يقوة

ضحكت مكيفه و اجت عليه حضنتني قوي وأطمنوا على امتحاناتي وكلتلهم حيل زوينه

وكل هل مده فرزل كاعد وحاط رجل على رجل وبلأخص من كال ابويه علينه ضوه

وخرت عن ميار و خوصرت كدامه وكتله
- شنو عيني ما ناوي تحضني ؟

- لا روحن انتن شمعات و انه بنكه معلكه بالبيت يهفون بيها الذبان

هوه كال هيج وهمه فحطوا منا وصوت ضحكت ابويه الي علت بنسماتها ودخلت الاريحيه الكلبنا ولا أرادياً تجبرك تضحك وياها

ميار : لا حبيبي انته كلوب بس ضعيفي منتهي الصلاحيه

فرزل : القرده حطت روحها تعايي نوير

كال هيج وجرني عليه حضني و انه بادلته قويي
- شونچ بأمتحاناتج

- كلش زينه حبيبي

- عفيه دوم أريدنچ هيچ

باس راسي ووخر من نزلت نمار وبأيدها جنطة ملابس تفاجأت وباوعت بأستغراب

نمار : ياا يااا هلا هاي من جااييي يولواا

نزلتلي تركض و همه يصيحولها الله الله على كيفج هسه توكعين وهي ولا يمها كمزت علة وحضنتني

- والله انت نور البيت

اشو امي و ابوي ضحكوا من كالت هيج

سلمى : شوف حتى نماره شوف كلها ادكول نوير نور البيت شني حجتكم

ميار : عجلي عجلي نمار تراا حطك بيهم وربيي

كلهم ضحكوا و انه صربتها كله خفيفه وكلت
- خير وين تردون

فرزل - البيت عمي أودي البنيات يشوفن أمهن و انه رايح أوصل ابوية و اطلع الأختچ نيرام