انقطاع 5

8

ـــــــــــــــــــــــــــــــــــــــــــــــــــــــ

بِسْمِ اللَّـهِ الرَّحْمَـٰنِ الرَّحِيمِ

"انقطاع "
((بقلم الكاتبه: دعاء رزاق))

فَـ لنكُن معًا
رُغم بؤس الأيام وعناء الطريق
رُغم الظروف التي تمنعني
أن أسيرُ معك كما أرغب
فَـ لنكُن معًا
لأن العالم فيه مِن القسوة ما
تكفي ، ولأنك أحنُ ما رغبتُ به
أن يبقىٰ إلىٰ مَدىٰ بعيد
فَـ لتكُن معي وبجواري فحسب
لا أريد شيئًا آخر غير هذا

_________________________

ركزت بكلامها احاول استوعب الي سمعته صح ضليت بمكاني صافنه عليها
::-قطع صفنتي صوت اروى

اروى: بيبي شهرزاد تعبانه بس تغسل وتجي
::- وخرت ايد اروى عني وانقربت كعدت بصف خاله حمديه واردفت
شهرزاد: لا مو تعبانه التفتت على خاله واردفت

:- الف مبروك خاله لواء مثل اخوي واكيد راح اجي بخطوبته
:: اغديلج سبع فدوات بنيت رسول انتِ بعد

حيدر: خاله بلا زحمه ليش جرين الكلمه جر
حمديه:ياع حويدر تقلد عليه خايب من كون تروحلي فدوه
::- ضحك حيدر وكعد يمها  شبكت ايديه سوا احاول اهدي نفسي بس احس دمعتي بطرف عيني.
::- اخذت نفس واردفت
شهرزاد: بس خاله ما كتيلي منو راح تخطبون اله.
حمديه: بنيت عمه ابو رادها اله
::- هزيت راسي وسكتت
:: ركزت وي حيدر كاعد بصف خاله حمديه واردف

حيدر: جا هاذا لواء لا حجه ولا كال اربعه وعشرين ساعه وي رائد واني ابن البطه السوده كلشي ما اعرف عنه.

حمديه: جا غير ارويئد رفيجه.

قطع كلامهم أروى واردفت.

اروى: رفيجه شنو بيبي صديقه
:- بنات رسول لا تتفيكن عليه لا اكوم انعنع ضلوعجن بالعوجيه.
حيدر: اسمها عكازه هههههههه

اروى: True, its name is Akaza

حمديه: كامت دردم ام براطم

::- براطم شني بيبي كولي شفايف
:: التفتت خاله حمديه بصاله كلها ثبتت نظراتها على حيدر واردفت.

حمديه: وين  ريحانه ولك حويدر.

:: عرفت قصدها على سالي التفتت ماكو الها وجود بيناتنا صارت عيني على حيدر الي سكت ومجاوب..

::طفرت سيلين واردفت

سيلين: سالي بالحمام تسبح.
::- شركت أروى بالماي وحيدر ما رفع عينه ابد بس يهمس كلمات بينه وبين نفسه بصوت ناصي.
::- رجعت ضهرها على قنفه خاله حمديه واردفت.