لـٰڪن ما ذَنبي؟

الـ بَـارت الثاني .

#_الـ قُصة: " لـٰڪن ما ذَنبي؟ "

#_الڪاتبة:- نور الأسدي

(لطفًا لَـتنسون⭐🔥.)

تنطلق من أفواهنا أحياناً عبارات قاسية بقصد أو ربّما دون قصد، نقف بعدها ويعترينا الشعور بالندم، ولكن الكلمة كالسهم إذا خرجت لم تعد؛

__________________•

رحيـق : آني حظي كُلش سيء لـدرجة چانوا بنات المدرسة يگلولي  :-

- أنتِ لو ما فگر چان مماتت أمچ بولادتچ .. وتگوم تضحك هي‌ وصديقاتها بس آني مچنت أسكت الهن ، وأگللهن

- أمي راحت لـ رب العالمين هذا أجلها وحكمة ربي آني مالي شغل بشي ، ياريت تلتهن بحياتچن وتعوفن حياتي لا أطلع ماضيچ أنتِ وهذن صديقاتچ اللي ديتمضحكن وياچ .

هنه وجهن يصوفر ويديرن وجهن ويمشن .. بس ما بطلن يذبن كلمات عليه وآني أحاول اتجاهلهن ، بس هذا كل كلامهن مثل السچين اللي تزرف گلبي لكن أتظاهر القوىٰ گدامهن حتى ليستغلني ، مرات أحس صدگ ماتت ماما بسببي ومرات أتعوذ الشيطان وأگول هاي حكمة رب العالمين مو بسببي آني ..

گعدت الصبح على صوت بابا يگعّد بيه

- صباح الخير بنيتي .. يلا گومي الساعة 6 الصبح هم يالله تسويلچ ريوگ وترحين لمدرستچ
- صباح النور هسه گايمة ..
گمت وآني النوم بعيوني البارحة ب ١ يلا گدرت انام حيل مشتاقه الماما وخلصتها بچي قررت بس أرجع من الدوام أگل لبابا ياخذنا للنجف لقبر ماما ..

گمت سويت ريوگ وكعدنا نتريگ خلصت ورحت بدلت ع سريع لأن ماضل وقت الساعة ب ٧ واني ب ٧ ونص دوامي هم يالله اوصل للمدرسة لان بيتنا بعيد ع المدرسة وما اوصل بسرعة ..

اجه أبو الخط واخذني للمدرسة .. خلص اليوم بسرعة بس تعبت ودخت رجعت للبيت لگيت بابا بعدة مجاي .. استغربت ! شعجب مراجع الهسه عادةً يرجع قبلي .. رحت بدلت وحضرت الغدىٰ خلـــيته على النار وحسيته استوى  رحت جبت الكف اللي الزم بيه الجدر جبته وسمعت اندگ الباب، فرحت گلت هذا اكيد بابا خليت الكف يم الجدر ع الطباخ ورحت ركض حتى بدون شال لأن متاكدة بابا رجع ... رحت فتحت الباب ، فتحته وگلت ..

- هلا بابا ليش تأخـ ..
أنصدمت وآني أشوف شخص طويييل وضخم وملامحة حادة ولابس كُله اسود هيئته تخوف حيل وساد الباب من كثر ما ضخم .. وحسيته كُلش معصب مدري ليش .. گال بصوت شبه عالي وخشن ..

- الرجال: شلونچ بت علي ؟

- رحيق؛ اهلاً منو إنتَ ؟؟

- اني اريد أدليچ وينة ابوج هسه ، گالها بنظرة كُلها حقد وشماته وكره..

من گال هيج اجتي افكاري السوداوية وهي جان صدك الصاير بابوية سوداوي كُلش
گتله بخووف وصوت عـالي  :-

- شنو منو إنتَ ووين بابا ليڪون انت عصابچي!
گلت هيچ لأن شكله من جاي من فد عصابه چبيره ، ضحك بأستهزاء وگال:-

- هههاي ، اشاقه مادري وين!

- شبيك أخي!!! منو انت اصلا خاف غلطان بالعنوان !!!!!!!

- هسه عوفي منو اني شسوين بيه وما غلطان بالعنوان اطمئني ، اساليني وين ابوچ؟؟

- ويييينة بابا؟

- بگلبي ، حچاها بأستهزاء كُلش چبير..

- منو انتَ وليش يمك ابوية؟

- العب وياه

- لك حقير منوو انت آخر مرة أسال ..

دفعني ودخل للبيت وراح كعد بكُل اريحية ع القنفة ..

شنوو هالصلااافةة عجييييبب!!!! رجال لااعرفه ولا يعرفني يدخل بيتنا بكُل برود ..

عطت بكُل صوتي
- رحيق: لكك انتتت منووو وشلون تتجرا تدخل لبيتنا ووين بابا ووييين؟؟؟؟ شسويتوله

الرجال: لتخافين مامات بـ سبع ارواح ابوچ

- منوو أنتَ ؟؟ وشلون تتجرأ تحچي هيچ على بابا

- صدقة الچ ولبابا.

- احچي بسرعة ولتضل تماطل!

- باع اللسان شلون حاد

- لك احچي وين أخذت بابا؟

- هيچ حبيت أقابل حظرة أستاذ علي لأن مشتاقله كووولش .. گالها بأستهزاء ..

- وين بابا هسه وگلي منو انت آخر مره أگول!

حچى هوَ وأحس شرارة نار تطلع من عيونة

- آني اللي راح آخذ ثاري ابوي من عيون أبوچ واحرگ گلبه بيچ !!!  .

.
.
.

أنتهى  !  ... < يــتبع >

خلص البارت 😁💋
ادري البارت قصير ممعودتكم اني اكتب بارت قصير بس هالمره اعذروني عندي ضروف  .

Farewell.