سليلات الانتقام

الفصل الأول

نبداء قصتنا بالصلاة على النبي اللهم صلي على سيدنا محمد وعلى آل سيدنا محمد

نبداء القصة في قصر وتحديدا في فرنسا باريس تحديدا في قصر باللون الأسود وتصميم حديث وجميل جدا ندخل جوة القصر دا كان في بنت محجبة غاية في الجمال قاعدة في اوضتها على الكنبة وكانت ماسكة بأيدها مذكرة شكلها بناتي وكانت بتقرا فيها بصوت مسموع محتواها كان

:. كان أجمل يوم في حياتي هو الي الي ربنا رزقني بيكي يا أميرتي يا اجمل عوض من عند ربنا

قفلت البنت المذكرة وحطتها في صندوق وقفلت عليها ونزلت تحت  وندهت على شخص

البنت: يا أمير تعال

أمير: حاضر يا افندم

البنت: احجزلي تذكرة على مصر عايزاها تكون على الساعة  6:30

أمير : حاضر يا افندم زي ما تأمري

شخص من ورة البنت اتكلم وقال

الشخص : شكلو جيه الوقت

البنت : ايو جيه الوقت واخيرا بقالي 17 سنه بستنى اليوم دا وجيه

الشخص : هتسيبي عايش

البنت:  هسيبو عايش علشان أعذبو واموتو في الدقيقة الف مرة والا مش هكون انا افعى الشيطان

الشخص: طيب وانا

البنت : انتا هتفضل هنا وبعد فترة هبعتلك تلحق بيا ودلوقتي عن اذنك هروح احضر الشنطة

وفي مكان تاني في مصر كان في أربع بنات محجبات قاعدين في كوفي وبيندبو حضهم

سارة : يا لهوتيني

طيف : يا خرابي

سارة : يا عيني عليكي يا سارة لساكي صغنونة على العذاب داااا

طيف : اهئ اهئ كلو منك يا اية الكلب اه يا زهرة شبابك الي ضاعت يا فوفو

مريم ومكة بصوت واحد : يوووووووه كفاية ندب بقا يا جزمة منك ليها

مريم: قالت صدعتوني كفاية بقا

مكة : جننتونا خلاص حاجة وحصلت كفاية تولولو

طيف : حاااااااجة دي فيها موت يا ماما

سارة : بقا انا سوسو البسكوتاية الرقيقة ادخل الجيش

مكة : قال يعني احنة رجالة ومش عارفين

مريم : سيبكو من الكلام دا ايه اخبار اية امتى هتنزل من ايطاليا

طيف: والله مش عارفة ما قالتش حتى في الكروب

سارة: فكرتوني انا كلمتها امبارح وقالت اليوم هتنزل بس مش معروف ايمتى

مكة: ودلوقتي يلا تفضلتي وتكلمتي

مريم: خلينا نستنى وربنا يفرج