" بنتي مستحيل اسميها خديجة، خديجة شو؟، بسميها لورين أو كلارا"
واذا سألتها عن معنى إسمها بتقللك " الزهرة التي تتفتح في القطب الجنوبي بعد أن يبول عليها البطريق عند درجة التجمد "
والأفضع من كذا لما تقول إسم أكلة بالعربي حسب اسمها الصحيح ، مثلا بقول اصابع بطاطا مقلية
" ياااي أصابع بطاطا شو؟، انتي قديشك قديمة، إسمها فرايز فينكر! "
والله مرة صارلي موقف وحكيت وقلت بلهجتي العامية ( قبوط ) يعني معطف شتوي طويل، صديقتي ( المثقفة ) ساعة بتسألني بدها تستوعب شو معنى الكلمة لغاية ما فسرتها راحت قايلتلي
( إسمه كوت ! )
يا جماعة، الغرب تأثيرهم مش بالإحتلال ولا الدبابات ولا السلاح ، الغرب عم يطبخوا طبختهم على نار هادية وعلى أقل من مهلهم، قريباً ما راح تلاقوا لا أسامي عربية ، لادين، ولا حتى لغة عربية
صدقوا بالله الواحد صار يستحي من حاله اذا شاف أكلة اسمها ( كوردن بلو ) وما عرف شو هي
وبيخاف يسأل لا يفكروه ( غير مثقف )
والمطاعم تقريباً اساس الكارثة لما كل مطعم بده يعمل حاله ( هاي كلاس) بيروح يسمي كل الأكلات بأسامي حتى باللغة الأنكليزية مش موجودة!!
وأنا اراهنكم لو اي واحد راح لأميركا راح تلاقوا أسامي الأكلات طبيعية جداً ومافيها أي شي من هذا التلوث السمعي والهضمي.
طب فكرتوا شي مرة ليه الأجانب ما بيسموا الأشياء بغير مسمياتها؟
واثقين بحالهم أنه مسمياتهم الأفضل لدرجة صاروا يتفاخروا بأنه همة الأصل والأساس، واذا تجي لتاريخهم لم يتم اكتشاف اميركا ودول الغرب إلا بعد عصر صدر الإسلام بآلاف السنين!
طب ليه نسمح لهم يسيطروا على تفكيرنا وأصالتنا؟
والله لو بحكي من اليوم لبكرا مافي حدا راح ينشر رابط هذا الكتاب عشان التوعية، وراح يصقف ويقول الله ويحط لايك ويروح يطلب فرايز جيكن!!
