أحفاد الشيخ نمر

البارت الثامن

عصام بفرحه: تدري جانت احد احلامي انو اشوفك

نمر: وهسه شفتني يبعد جدك تعالوا بحضني

شمس: وصدوك رحنا بحضن جدوو وشبكنا حييل
وهو وراهه سلمنه على بيبي وستلمتنه اني وخواني بجي بعدين عصام وقمر ضلو يتغزلون بيهه وبيبي تخلي شيلتهه على وجهها عود تستحي وفجاه واحد من الشباب الي جانو كاعدين حجه

ذئاب: ها زهيره بعتيني

عصام بضحكه: ليش الظاهر زهيره جانت مرتبطه بـيــك

ذئاب: يبن عمي هاي رويحتي من الدنيه ما ابدلهه بكنوز الدنيه

نمر: لك اثكل يول منا العالم لا تخليني اكوملك

عصام: ليش جدي اظاهر تغار

ذئاب: لكك هلاا اجه الي رح يوكف ويه ذئاب

عصام بفرحه: هلا بيك ذئاب اني عصام ابن عمك كاظم

ذئاب: بشرفك دا تعرفني بيك وانتَ حتى الطلي الي ذبحنا يعرف اسمك وابن منو

شمس: طبعاً هاذا ذئاب يموتتتت يضحك ويشاقه وابدد ميخاف ولا يستحي وكلش حبينا اني واخواني
بعدين كعدنه جدي بصفه وبده يعرفنه على عمامي ونسوان عمامي وعماتي الي سلمت عليهن وحضنني وخضوصاً عمه اميره كلشش كلشش حبيناهه لطيفه وعرفنا اولاد عمي وبناتهم واني واخواني صافنين ونكول بس اي و اي كلشي منفهم لانو هواي وبعدين وصل للشخص الي شفته بلبدايه

نمر: وهاذا حفيدي اسد والي رافع راسي والشيخ من بعدي نشالله طبعا من حجه الشيخ هاي الكلمه وكال الشيخ من بعدي شفت الصدمه بعيون الكاعدين يمكن تفاجؤ او مجانو يعرفون انو هو الشيخ المستقبلي

كاظم: هلا بوليدي اسد

اسد بصوت قوي: هلا بيك عمي نورت الديره انت وعيالك

شمس بداخلهه: عزا صوته شكد عالي وشدعوه هلكد متكبر ومغرور ويحجي بخشمه..... وشنو يحجي بخشمه النوب..... اوي شمس نجبي

نمر: هلا بويه شلونج نبراس

نبراس نصدمت لانو جان الشيخ مو كلش يحبهه جاوبته بغصه: زينه الحمدلله عمي انته شلونك

نمر: اني بخير بخير من شفتكم بويه اميره اخذي اخوج وعياله دليهم على غرفهم

كاظم: لا بويه اني مشتري بيت هنا يمكم راح استقر بي اني وعائلتي

نمر بعصبيه: ما تطلعع منن البيتت لو على كص ركبتي هذا بيتك انته وعيالك

كاظم بهدوء: بويه ادري بيتي هذا والله بس احنا ولادي كلهم كليه ودراسه وتعب وغراضنا هوايه

نمر: جهالك شنو تخصصهم

كاظم ببتسامه: كيان ضابط مرحله رابعه هاي اخير سنه اله وعصام كليه هندسه نفط وشمس صف سادس وقمر خامس

نمر: بارك الله بيكم احفادي نشالله التخرج

كيان بصوت خشن: تسلم جدي

نمر: كيان احس طبعك نفس طبع اسد

كيان وهوه يباوع على اسد: اشرف

اسد: الي الشرف ضابطنه

كيان: ببتسامه شكراً