هلمرة جزه نفس مو زعل ومراضه
نور وصلنه للبيت واحد ميحجي ويا الثاني رحت راسلت عبود
نور... عبود ايه حالتهه حاله وتعبانه كلش اني مالي خلك وروحي طافره حكسر الشريحه لتراسل اني مرا مزوجه وزوجي مات اني صح حبيتك بس ما توكعت ح اتعمق وياك كافي الا هنا ويتنهي كلشي 💬
عبد القادر... نور شبيج شنو هلحجي بابا احبج تفهمين احبج وطزز برجلج عساس هوا شون رجل خفه من المكابر كون وانتي تاكلن خرا لا اشك حلكج وشيلي هلفكره من بالج يمه سوده عليه بيه ولا بيج التعب يروحي 💬
نور... انته جاي تكسر وتجبر ماعرفت عليمن ارد احتاريت وياك حيره عبود اهلك ميقبلون نزوج وهلي كذالك واني اكبر منك ب 4 سنوات وعندي 2 جهال شنو ذنبك ويايي انت💬
عبد القادر... طزز بيهم شنو هلحجي شبيج نونه عساما اكبر مني بميت سنه ميهمني نور احبج احبجج كافي سدي الموضوع بويه انت تعبانه مو مال هاذ الحجي يروحي انت عوفينه طمنيني ع ايو انتي خوما تعبانه يروحي انت بيه ولا بيكم 💬
نور.... مادري عبود مادري حياتي مخربطه مادري نهايتنه وين حتوصل صايره روضه براسي بشنو افكر وبشنو اغلس تعبانه جسمي متكسر
. وايه اضرب مني وماعرف منين ابدي 💬
عبد القادر .... خلي اجي اشوفج 💬
نور... تخبلت رسمين انت 💬
عبد القادر هايم بيج هايم احبج يا لذتي بهل دنيه 💬
ـــــــــــــــــــــــــــــــــــــــــــــــ
ايه
دخلت للغرفه مالتنه اني وياها قبل لا تموت امي
طلعت ملابسهه ماعرف شسوي ضايعه ضايعه احس نقص بيه ماعرف بشنو اسده خسرت اهلي وخسرت اختي وخسرت شرفي وخسرت حريتي وخسرت دراستي وخسرت شكو شي جنت رايدته
اتمنه لو خايني لو خنت انه
علقل نترك عن كرهه مو واحد
ويحب الثاني هاذ الشعور ايتعب
وفلشني وصعبه يفلشون حلمك وانت توك تبني
ماعرف شسوي ضليت اصرخ شكتت ملابسي اريد اطلع ضيم كلبي ماكو مادري شسوي انتهيت كلش خليت راسي ع جربايه مالت حور ومادري ونمت ضليت نايمه منا الثاني يوم ب 8 اجت نور كعدتتني
تمشي بهمس وحجت
كومي ناس تسئل عليج عيب كومي كافي نوم تعبتني نفس ليش هيج تسوين كومي وشهم اجه من الصبح يا امي كومي
ايه عوفيني فدوه ماعندي طاقه اكعد عوفيني
نور يولوو كافي والله تعبتي نفسج كافي شوي روحج شصاير بيج كومي اسبحي وكلي وكعدي يم النسوان عيب يروحي كومي كافي حبيبي انت
